कॅम्पसमध्ये मराठी राजभाषा दिनाचा उत्साह
अजय उभारे, संपदा जोशी, कॉलेज क्लब रिपोर्टर
‘म-मराठीचा’ म्हणत मराठी राजभाषा दिन साजरा करण्यासाठी सोमवारी कॅम्पसमध्ये उत्साहाचे वातावरण होते. कुसुमाग्रजांच्या जन्मदिवसानिमित्त मुंबईसह ठाणे आणि नवी मुंबईतील अनेक कॉलेजांमध्ये मराठी राजभाषा दिन जल्लोषपूर्ण वातावरणात साजरा झाला. कॅम्पसमध्ये परीक्षांचे वारे वाहत असले तरीही राजभाषा दिन साजरा करण्यासाठी विद्यार्थी आणि शिक्षकांमध्ये उत्साह होता. मराठीच्या प्रसारासाठी वैविध्यपूर्ण उपक्रम राबवले गेले.
माटुंग्याच्या रुईया कॉलेजमध्ये ‘साज मराठी’ या अनोख्या कार्यक्रमाचे आयोजन करण्यात आले होते. यात कोसावर बदलणारी मराठी भाषा आणि पारंपरिकतेनुसार कोकणी, अहिराणी, मालवणी आणि वऱ्हाडी बोलीभाषेतून दिग्गजांनी कवितांचे वाचन केले.
तर सायनच्या ‘गुरुनानक कॉलेज’मध्ये काही अमराठी विद्यार्थ्यांसह शिक्षकांनीही मराठीतून व्यक्त व्हायचे ठरवले होते. त्यांनी त्यांना आवडलेली एखादी मराठी कविता किंवा प्रसंग मराठीतून ऐकवला.
शीला रहेजा स्कूल ऑफ बिझनेस मॅनेजमेंट या कॉलेजमध्ये मराठी भाषेशी निगडित निबंध स्पर्धा, गीत गायन, वक्तृत्व स्पर्धा व मराठी प्रश्नमंजुषा हे कार्यक्रम राबवले गेले.
मुलुंडच्या वि. ग. वझे केळकर कॉलेजमध्ये शिक्षक आणि विद्यार्थ्यांनी मराठीच्या प्रसारासाठी आकर्षक ग्रंथदिंडी काढली होती. तसेच माटुंग्याच्या व्हीजेटीआय कॉलेजमधील रंगवर्धन या मराठमोळ्या ग्रुपने मराठी भाषेची सद्यस्थिती या विषयावर रत्नाकर मतकरी यांच्यासोबत संवादाचे आयोजन केले होते. त्यासोबतच अवनी कलामंच यांच्याकडून मराठी भाषेची आणि आणि भाषिकांची पिळवणूक मुकाभिनयाच्या माध्यमातून सादर करण्यात आली.
अंधेरी येथील ‘भवन्स कॉलेज’मध्ये विद्यार्थ्यांनी आपली हजेरी मराठीत स्वाक्षरी करून लावली व कुसुमाग्रजांच्या कवितांचे काव्यवाचन करण्यात आले. पोवाडा व लावणी यांचे सादरीकरणही झाले. कल्याणच्या बिर्ला कॉलेजमध्ये ग्रंथदिडी आणि मराठीशी निगडीत विविध कार्यक्रम सादर केले गेले. लाला कॉलेजमध्ये वारकरी संप्रदाय, लेझीम यांसारखी पारंपरिक दृश्य पाहायला मिळाली तर चेंबूरच्या आचार्य मराठे कॉलेजमध्ये मीना गुर्जर यांनी ‘वाचन संस्कृती आणि मी’ असा विषय घेऊन भाषेतील गोडवा आणि त्याचे फायदे यावर विद्यार्थ्यांशी संवाद साधला. मुंबईतील इतरही कॉलेजांमध्ये मराठी भाषा दिन साजरा झाला. त्यात एच. आर, पोदार, सीएचएम, एमडी, ठाकूर, रहेजा या कॉलेजांचा समावेश होता.
अजय उभारे, संपदा जोशी, कॉलेज क्लब रिपोर्टर
‘म-मराठीचा’ म्हणत मराठी राजभाषा दिन साजरा करण्यासाठी सोमवारी कॅम्पसमध्ये उत्साहाचे वातावरण होते. कुसुमाग्रजांच्या जन्मदिवसानिमित्त मुंबईसह ठाणे आणि नवी मुंबईतील अनेक कॉलेजांमध्ये मराठी राजभाषा दिन जल्लोषपूर्ण वातावरणात साजरा झाला. कॅम्पसमध्ये परीक्षांचे वारे वाहत असले तरीही राजभाषा दिन साजरा करण्यासाठी विद्यार्थी आणि शिक्षकांमध्ये उत्साह होता. मराठीच्या प्रसारासाठी वैविध्यपूर्ण उपक्रम राबवले गेले.
माटुंग्याच्या रुईया कॉलेजमध्ये ‘साज मराठी’ या अनोख्या कार्यक्रमाचे आयोजन करण्यात आले होते. यात कोसावर बदलणारी मराठी भाषा आणि पारंपरिकतेनुसार कोकणी, अहिराणी, मालवणी आणि वऱ्हाडी बोलीभाषेतून दिग्गजांनी कवितांचे वाचन केले.
तर सायनच्या ‘गुरुनानक कॉलेज’मध्ये काही अमराठी विद्यार्थ्यांसह शिक्षकांनीही मराठीतून व्यक्त व्हायचे ठरवले होते. त्यांनी त्यांना आवडलेली एखादी मराठी कविता किंवा प्रसंग मराठीतून ऐकवला.
शीला रहेजा स्कूल ऑफ बिझनेस मॅनेजमेंट या कॉलेजमध्ये मराठी भाषेशी निगडित निबंध स्पर्धा, गीत गायन, वक्तृत्व स्पर्धा व मराठी प्रश्नमंजुषा हे कार्यक्रम राबवले गेले.
मुलुंडच्या वि. ग. वझे केळकर कॉलेजमध्ये शिक्षक आणि विद्यार्थ्यांनी मराठीच्या प्रसारासाठी आकर्षक ग्रंथदिंडी काढली होती. तसेच माटुंग्याच्या व्हीजेटीआय कॉलेजमधील रंगवर्धन या मराठमोळ्या ग्रुपने मराठी भाषेची सद्यस्थिती या विषयावर रत्नाकर मतकरी यांच्यासोबत संवादाचे आयोजन केले होते. त्यासोबतच अवनी कलामंच यांच्याकडून मराठी भाषेची आणि आणि भाषिकांची पिळवणूक मुकाभिनयाच्या माध्यमातून सादर करण्यात आली.
अंधेरी येथील ‘भवन्स कॉलेज’मध्ये विद्यार्थ्यांनी आपली हजेरी मराठीत स्वाक्षरी करून लावली व कुसुमाग्रजांच्या कवितांचे काव्यवाचन करण्यात आले. पोवाडा व लावणी यांचे सादरीकरणही झाले. कल्याणच्या बिर्ला कॉलेजमध्ये ग्रंथदिडी आणि मराठीशी निगडीत विविध कार्यक्रम सादर केले गेले. लाला कॉलेजमध्ये वारकरी संप्रदाय, लेझीम यांसारखी पारंपरिक दृश्य पाहायला मिळाली तर चेंबूरच्या आचार्य मराठे कॉलेजमध्ये मीना गुर्जर यांनी ‘वाचन संस्कृती आणि मी’ असा विषय घेऊन भाषेतील गोडवा आणि त्याचे फायदे यावर विद्यार्थ्यांशी संवाद साधला. मुंबईतील इतरही कॉलेजांमध्ये मराठी भाषा दिन साजरा झाला. त्यात एच. आर, पोदार, सीएचएम, एमडी, ठाकूर, रहेजा या कॉलेजांचा समावेश होता.