म. टा. प्रतिनिधी, मुंबई
‘सूर निरागस हो’, ‘गोमू संगतीनं’, ‘जांभूळ पिकल्या झाडाखाली’, ‘ये गो ये मैना’, ‘लख लख चंदेरी’ यासारखी एकापेक्षा एक सरस गाणी गात गायक रोहित राऊत आणि गायिका मुग्धा वैशंपायन यांनी रसिक प्रेक्षकांना मंत्रमुग्ध केले. निमित्त होते ‘वामन हरी पेठे’ प्रस्तुत ‘महाराष्ट्र टाइम्स दिवाळी संध्या’ लाइव्हचे. पाडव्याच्या शुभमुहूर्तावर शुक्रवारी भक्तीगीत, भावगीत, लावणी आणि काही भन्नाट गाण्यांची मेजवानी रसिक प्रेक्षकांना मिळाली. दादरच्या शिवाजी मंदिरात हा गाण्यांचा अप्रतिम सोहळा रंगला. प्रेक्षकांच्या भरघोस प्रतिसादात या कार्यक्रमाची रंगत अजून वाढली.
रोहित राऊतने गणपती बाप्पाला वंदन करत कार्यक्रमाला सुरुवात केली. तर दुसरीकडे मुग्धा वैशंपायनने विठू माऊलीच्या गजरात पंढरपूरची आठवण रसिक प्रेक्षकांना करून दिली. त्यानंतर रोहित आणि मुग्धाने एकपेक्षा एक सरस गाण्यांची मेजवानी लोकांसमोर सादर केली. त्यांनी गायलेल्या गाण्यांमध्ये रसिक अगदी मंत्रमुग्ध होऊन गाण्यांचा आस्वाद घेत होते. प्रेक्षकांच्या टाळ्या आणि शिट्ट्या रोहित आणि मुग्धासोबत प्रत्येक वादकाला एक वेगळीच ऊर्जा देणाऱ्या होत्या. रोहितने गायलेले ‘मन उधाण वाऱ्याचे’ आणि मुग्धाच्या ‘येऊ कशी प्रिया’ ही गाणी पुन्हा एकदा घेण्याची शिफारस प्रेक्षकांनी आवर्जून केली. कार्यक्रमादरम्यान रोहित आणि मुग्धाने आपल्या सुरुवातीच्या काळातील काही किस्से प्रेक्षकांसोबत शेअर केले.
प्रेक्षकांचा प्रतिसाद आमच्यासाठी फार महत्त्वाचा असल्याने खूप जाणकार असा प्रेक्षक आज लाभल्याचा फार आनंद होतोय. आज प्रेक्षकांना रॉकस्टारपेक्षा वेगळा रोहितही पाहायला मिळाला.
- रोहित राऊत
‘मटा’ने आयोजित केलेल्या या कार्यक्रमात गाण्यासाठी उत्साह फार वाढला होता. रसिकांच्या भरघोस प्रतिसादामुळे गाणी सादर करायला खूप मजा आली. नाट्यसंगीतापासून ते अगदी माऊली अशी सर्व प्रकारची गाणी गायल्याचा आनंद या कार्यक्रमात मिळाला.
- मुग्धा वैशंपायन
‘सूर निरागस हो’, ‘गोमू संगतीनं’, ‘जांभूळ पिकल्या झाडाखाली’, ‘ये गो ये मैना’, ‘लख लख चंदेरी’ यासारखी एकापेक्षा एक सरस गाणी गात गायक रोहित राऊत आणि गायिका मुग्धा वैशंपायन यांनी रसिक प्रेक्षकांना मंत्रमुग्ध केले. निमित्त होते ‘वामन हरी पेठे’ प्रस्तुत ‘महाराष्ट्र टाइम्स दिवाळी संध्या’ लाइव्हचे. पाडव्याच्या शुभमुहूर्तावर शुक्रवारी भक्तीगीत, भावगीत, लावणी आणि काही भन्नाट गाण्यांची मेजवानी रसिक प्रेक्षकांना मिळाली. दादरच्या शिवाजी मंदिरात हा गाण्यांचा अप्रतिम सोहळा रंगला. प्रेक्षकांच्या भरघोस प्रतिसादात या कार्यक्रमाची रंगत अजून वाढली.
रोहित राऊतने गणपती बाप्पाला वंदन करत कार्यक्रमाला सुरुवात केली. तर दुसरीकडे मुग्धा वैशंपायनने विठू माऊलीच्या गजरात पंढरपूरची आठवण रसिक प्रेक्षकांना करून दिली. त्यानंतर रोहित आणि मुग्धाने एकपेक्षा एक सरस गाण्यांची मेजवानी लोकांसमोर सादर केली. त्यांनी गायलेल्या गाण्यांमध्ये रसिक अगदी मंत्रमुग्ध होऊन गाण्यांचा आस्वाद घेत होते. प्रेक्षकांच्या टाळ्या आणि शिट्ट्या रोहित आणि मुग्धासोबत प्रत्येक वादकाला एक वेगळीच ऊर्जा देणाऱ्या होत्या. रोहितने गायलेले ‘मन उधाण वाऱ्याचे’ आणि मुग्धाच्या ‘येऊ कशी प्रिया’ ही गाणी पुन्हा एकदा घेण्याची शिफारस प्रेक्षकांनी आवर्जून केली. कार्यक्रमादरम्यान रोहित आणि मुग्धाने आपल्या सुरुवातीच्या काळातील काही किस्से प्रेक्षकांसोबत शेअर केले.
प्रेक्षकांचा प्रतिसाद आमच्यासाठी फार महत्त्वाचा असल्याने खूप जाणकार असा प्रेक्षक आज लाभल्याचा फार आनंद होतोय. आज प्रेक्षकांना रॉकस्टारपेक्षा वेगळा रोहितही पाहायला मिळाला.
- रोहित राऊत
‘मटा’ने आयोजित केलेल्या या कार्यक्रमात गाण्यासाठी उत्साह फार वाढला होता. रसिकांच्या भरघोस प्रतिसादामुळे गाणी सादर करायला खूप मजा आली. नाट्यसंगीतापासून ते अगदी माऊली अशी सर्व प्रकारची गाणी गायल्याचा आनंद या कार्यक्रमात मिळाला.
- मुग्धा वैशंपायन