म. टा. प्रतिनिधी, मुंबई
दहावीची परीक्षा सुरू होण्याच्या आदल्याच दिवशी वडिलांचे निधन झाले... रिक्षा चालविणाऱ्या वडिलांवरच संपूर्ण घराची मदार होती... मोठा भाऊ बारावीला, घरात दुसरे कमावते कोणीही नाही... अशा स्थितीतही लालन शिरसाट हिने २००९मध्ये दहावीत ९४ टक्के गुण मिळविले. पुढे डिप्लोमा, डिग्रीतही उत्तम यश मिळवित ती सध्या लार्सन अँड टुब्रो (एल अँड टी) कंपनीत सॉफ्टवेअर इंजिनीअर म्हणून यशस्वी कामगिरी बजावत आहे. ‘मटा हेल्पलाइन’मार्फत वाचकांनी दिलेल्या आर्थिक मदतीमुळेच आपला मार्ग सुकर झाल्याचे लालन आवर्जून सांगते.
भांडुपमध्ये राहणाऱ्या लालन शिरसाट हिच्या वडिलांचा मृत्यू २००९ मध्ये दहावीची परीक्षा सुरू होण्याच्या आदल्याच दिवशी ओढवला. रिक्षा चालविणारे लालनचे वडील एकटेच कमावते होते. त्यामुळे त्यांच्या मृत्यूनंतर शिरसाट कुटुंबावर आभाळच कोसळले. लालनची आई गृहिणी, तर भाऊ त्यावर्षी बारावीला होता. ऐन परीक्षेच्या काळात वडिलांचे छत्र हरपले तरी न डगमगता लालनने जिद्दीने परीक्षा देत वडिलांचे स्वप्न पूर्ण करत ९४ टक्के गुण मिळविले. मात्र खरी कसोटी त्यानंतर होती. कारण दहावीला मेहनत घेऊन घवघवीत यश तर मिळवले; पण पुढील शिक्षण घेण्यासाठी लागणारे पैसे कसे उभे करणार या चिंतेने लालन आणि तिच्या आईला ग्रासले होते. अशा परिस्थितीत ‘मटा हेल्पलाइन’ने मोठा आधार दिल्याचे लालन सांगते.
‘मटा’च्या वाचकांनी दिलेल्या आर्थिक बळामुळे नवी उमेद मिळालेल्या लालनने व्हीजेटीआय कॉलेजमध्ये इलेक्ट्रॉनिक डिप्लोमासाठी प्रवेश घेतला. तिथे तिने ९३.२० टक्के गुण मिळवून डिप्लोमा प्राप्त केला. २०१२मध्ये मुंबईतील सरदार पटेल इंजिनीअरिंग कॉलजमध्ये डिग्रीसाठी प्रवेश घेतला. ७७ टक्के गुण पटकावत तिने डिग्री मिळवली. त्यानंतर कॉलेजमध्ये झालेल्या कॅम्पस मुलाखतीमध्ये एल अँड टी कंपनीने लालनची निवड केली. २०१५ मध्ये ती पवईतील एल अँड टी कंपनीत सॉफ्टवेअर इंजिनीअर म्हणून रुजू झाली. २०१६ मध्ये तिची पुण्यात बदली झाली असून इथे आव्हाने स्वीकारत नवीन जबाबदारी पार पाडत असल्याचे तिने अभिमानाने सांगितले. आता पुढील शिक्षण घेण्याचाही तिचा मानस आहे.
दहावीची परीक्षा सुरू होण्याच्या आदल्याच दिवशी वडिलांचे निधन झाले... रिक्षा चालविणाऱ्या वडिलांवरच संपूर्ण घराची मदार होती... मोठा भाऊ बारावीला, घरात दुसरे कमावते कोणीही नाही... अशा स्थितीतही लालन शिरसाट हिने २००९मध्ये दहावीत ९४ टक्के गुण मिळविले. पुढे डिप्लोमा, डिग्रीतही उत्तम यश मिळवित ती सध्या लार्सन अँड टुब्रो (एल अँड टी) कंपनीत सॉफ्टवेअर इंजिनीअर म्हणून यशस्वी कामगिरी बजावत आहे. ‘मटा हेल्पलाइन’मार्फत वाचकांनी दिलेल्या आर्थिक मदतीमुळेच आपला मार्ग सुकर झाल्याचे लालन आवर्जून सांगते.
भांडुपमध्ये राहणाऱ्या लालन शिरसाट हिच्या वडिलांचा मृत्यू २००९ मध्ये दहावीची परीक्षा सुरू होण्याच्या आदल्याच दिवशी ओढवला. रिक्षा चालविणारे लालनचे वडील एकटेच कमावते होते. त्यामुळे त्यांच्या मृत्यूनंतर शिरसाट कुटुंबावर आभाळच कोसळले. लालनची आई गृहिणी, तर भाऊ त्यावर्षी बारावीला होता. ऐन परीक्षेच्या काळात वडिलांचे छत्र हरपले तरी न डगमगता लालनने जिद्दीने परीक्षा देत वडिलांचे स्वप्न पूर्ण करत ९४ टक्के गुण मिळविले. मात्र खरी कसोटी त्यानंतर होती. कारण दहावीला मेहनत घेऊन घवघवीत यश तर मिळवले; पण पुढील शिक्षण घेण्यासाठी लागणारे पैसे कसे उभे करणार या चिंतेने लालन आणि तिच्या आईला ग्रासले होते. अशा परिस्थितीत ‘मटा हेल्पलाइन’ने मोठा आधार दिल्याचे लालन सांगते.
‘मटा’च्या वाचकांनी दिलेल्या आर्थिक बळामुळे नवी उमेद मिळालेल्या लालनने व्हीजेटीआय कॉलेजमध्ये इलेक्ट्रॉनिक डिप्लोमासाठी प्रवेश घेतला. तिथे तिने ९३.२० टक्के गुण मिळवून डिप्लोमा प्राप्त केला. २०१२मध्ये मुंबईतील सरदार पटेल इंजिनीअरिंग कॉलजमध्ये डिग्रीसाठी प्रवेश घेतला. ७७ टक्के गुण पटकावत तिने डिग्री मिळवली. त्यानंतर कॉलेजमध्ये झालेल्या कॅम्पस मुलाखतीमध्ये एल अँड टी कंपनीने लालनची निवड केली. २०१५ मध्ये ती पवईतील एल अँड टी कंपनीत सॉफ्टवेअर इंजिनीअर म्हणून रुजू झाली. २०१६ मध्ये तिची पुण्यात बदली झाली असून इथे आव्हाने स्वीकारत नवीन जबाबदारी पार पाडत असल्याचे तिने अभिमानाने सांगितले. आता पुढील शिक्षण घेण्याचाही तिचा मानस आहे.