वाचकांचे देणे आज गुणवंतांच्या हाती

‘मटा हेल्पलाइन’च्या चेक वितरणाचा कार्यक्रम

म. टा. खास प्रतिनिधी, मुंबई

हमाली करणारे वडील आणि स्वयंपाकाचे काम करणारी आई यांच्या कष्टाला उत्तर म्हणून डॉक्टर होण्याचे स्वप्न पाहणारी अश्विनी, आई-वडिलांचे छत्र हरपल्याने नातेवाईकांच्या घरी राहून भविष्याला आकार देणारी गौरी, झोपडपट्टीतील पोटमाळ्यावर अभ्यास करणारा स्वप्नील, दुसऱ्यांच्या शेतात मजुरी करणारी तनुजा, परीक्षाकाळात मानेवर आलेल्या टीबीच्या गाठीशी सामना करत भरारी घेणारा रोहित... असे मुंबई परिसर आणि कोकणातील विद्यार्थी. त्यांच्या डोळ्यात स्वप्नं आहेत, मेहनतीची तयारी आहे. मात्र, त्यासाठी आर्थिक पाठबळाची गरज होती. ‘मटा’च्या वाचकांनी दरवर्षीप्रमाणे ‘बळ द्या पंखांना’ या उपक्रमातून भरभरून मदत केली आहे. गेल्या नऊ वर्षांत वाचकांनी भरभरून प्रतिसाद देऊन या उपक्रमाला एका चळवळीचे रूप दिले आहे. ‘मटा हेल्पलाइन’ उपक्रमाच्या माध्यमातून ‘मटा’च्या वाचकांनी केलेली आर्थिक आज विद्यार्थ्यांपर्यंत पोहोचणार आहे. या कार्यक्रमासाठी अभिनेता मकरंद अनासपुरे आणि अभिनेत्री सोनाली कुलकर्णी, अपना सहकारी बँकेचे अध्यक्ष दत्ताराम चाळके कार्यक्रमासाठी उपस्थित आहेत.

सोहळा लाइव्ह पाहण्यासाठी क्लिक करा