म. टा. विशेष प्रतिनिधी, मुंबई
कंत्राटी पद्धतीने घरोघरी गॅस सिलिंडर पोहचविणाऱ्या वडिलांचं आपल्या मुलीने शिकावं हे स्वप्न पूर्ण करण्यासाठी धडपणारी स्नेहल कादगे... जिन्याजवळच्या स्वयंपाकघराचा कोपरा हीच अभ्यासाची जागा करून दहावीत यशवंत होणारी स्नेहल भांबुरे... नकुशी ठरलेली आणि दहावीच्या यशाने आईच्या आशा पल्लवित केलेली मढ भागात राहणारी निकिता म्हात्रे....... असे मुंबई परिसर आणि ठाण्यातील विद्यार्थी. त्यांच्या डोळ्यात स्वप्नं आहेत, मेहनतीची तयारी आहे. मात्र, त्यासाठी ती पूर्णत्वाला नेण्यासाठी गरज होती ती आर्थिक पाठबळाची .
'मटा'च्या वाचकांनी दरवर्षीप्रमाणे 'बळ द्या पंखांना' या उपक्रमातून त्यांना भरभरून मदत केली आहे. गेल्या नऊ वर्षांत वाचकांनी उदंड प्रतिसाद देऊन या उपक्रमाला चळवळीचे रूप दिले आहे. 'मटा हेल्पलाइन'च्या माध्यमातून 'मटा'च्या वाचकांनी केलेली आर्थिक मदत आज, शुक्रवारी ठाणे येथील टिप टॉप प्लाझा येथे पार पडणाऱ्या विशेष कार्यक्रमात विद्यार्थ्यांपर्यंत पोहोचणार आहे. या कार्यक्रमासाठी अपना सहकारी बँकेचे अध्यक्ष दत्ताराम चाळके उपस्थित राहणार आहेत.
'मटा हेल्पलाइन' या उपक्रमाचे यंदाचे अकरावे वर्ष. आर्थिक अडचणींवर जिद्दीने मात करून दहावीच्या परीक्षेत ९० टक्क्यांहून अधिक मार्क मिळविणाऱ्या गुणवंत विद्यार्थ्यांचे उच्च शिक्षण पैशांअभावी अडू नये, याकरिता 'महाराष्ट्र टाइम्स'तर्फे हा उपक्रम सुरू झाला. या उपक्रमांतर्गत आर्थिक पाठबळ मिळालेले अनेक विद्यार्थी आज उच्चशिक्षित झाले असून चांगल्या ठिकाणी काम करत आहेत.
केवळ वाचकांच्या प्रतिसादावर चालणारा हा एक अनोखा उपक्रम. यंदा 'मटा हेल्पलाइन'द्वारे २५ विद्यार्थ्यांच्या पंखांना बळ दिले जात आहे. प्रतिकूलतेच्या पाषाणावर पाय रोवून उमललेली जिद्दीची रोपे आणि त्याला सलाम करत, आणखी बहरण्यासाठी बळ देणारे दानतीचे अनेक हात, हेच चित्र गेली पाच वर्षे अनुभवास येते आहे. यंदाही अशाच अनेक हातांनी 'मटा हेल्पलाइन'च्या २५ शिलेदारांना उत्स्फूर्तपणे मदत देऊन त्यांच्या पाठीवर कौतुकाची थाप दिली आहे. वाचकांचे देणे गुणवंतांच्या हाती देण्यासाठी आज आयोजित केलेल्या कार्यक्रमाला वाचकांनी उपस्थिती लावून गुणवतांच्या भावी आयुष्यासाठी शुभेच्छा द्याव्यात.
कधी - आज, शुक्रवार, १७ ऑगस्ट
कुठे - टिप टॉप प्लाझा, तीन हात नाक्याजवळ, ठाणे पश्चिम
वेळ - सायंकाळी ४.३० वाजता
टीप : मटा हेल्पलाइनमध्ये यापूर्वी ज्या विद्यार्थ्यांना वाचकांनी मदत केली आहे त्यांनी या कार्यक्रमाला आवर्जून उपस्थित राहावे. या विद्यार्थ्यांनी प्रथमेश राणे यांच्याशी ९६१९०७३८५३ वर संपर्क साधावा.
कंत्राटी पद्धतीने घरोघरी गॅस सिलिंडर पोहचविणाऱ्या वडिलांचं आपल्या मुलीने शिकावं हे स्वप्न पूर्ण करण्यासाठी धडपणारी स्नेहल कादगे... जिन्याजवळच्या स्वयंपाकघराचा कोपरा हीच अभ्यासाची जागा करून दहावीत यशवंत होणारी स्नेहल भांबुरे... नकुशी ठरलेली आणि दहावीच्या यशाने आईच्या आशा पल्लवित केलेली मढ भागात राहणारी निकिता म्हात्रे....... असे मुंबई परिसर आणि ठाण्यातील विद्यार्थी. त्यांच्या डोळ्यात स्वप्नं आहेत, मेहनतीची तयारी आहे. मात्र, त्यासाठी ती पूर्णत्वाला नेण्यासाठी गरज होती ती आर्थिक पाठबळाची .
'मटा'च्या वाचकांनी दरवर्षीप्रमाणे 'बळ द्या पंखांना' या उपक्रमातून त्यांना भरभरून मदत केली आहे. गेल्या नऊ वर्षांत वाचकांनी उदंड प्रतिसाद देऊन या उपक्रमाला चळवळीचे रूप दिले आहे. 'मटा हेल्पलाइन'च्या माध्यमातून 'मटा'च्या वाचकांनी केलेली आर्थिक मदत आज, शुक्रवारी ठाणे येथील टिप टॉप प्लाझा येथे पार पडणाऱ्या विशेष कार्यक्रमात विद्यार्थ्यांपर्यंत पोहोचणार आहे. या कार्यक्रमासाठी अपना सहकारी बँकेचे अध्यक्ष दत्ताराम चाळके उपस्थित राहणार आहेत.
'मटा हेल्पलाइन' या उपक्रमाचे यंदाचे अकरावे वर्ष. आर्थिक अडचणींवर जिद्दीने मात करून दहावीच्या परीक्षेत ९० टक्क्यांहून अधिक मार्क मिळविणाऱ्या गुणवंत विद्यार्थ्यांचे उच्च शिक्षण पैशांअभावी अडू नये, याकरिता 'महाराष्ट्र टाइम्स'तर्फे हा उपक्रम सुरू झाला. या उपक्रमांतर्गत आर्थिक पाठबळ मिळालेले अनेक विद्यार्थी आज उच्चशिक्षित झाले असून चांगल्या ठिकाणी काम करत आहेत.
केवळ वाचकांच्या प्रतिसादावर चालणारा हा एक अनोखा उपक्रम. यंदा 'मटा हेल्पलाइन'द्वारे २५ विद्यार्थ्यांच्या पंखांना बळ दिले जात आहे. प्रतिकूलतेच्या पाषाणावर पाय रोवून उमललेली जिद्दीची रोपे आणि त्याला सलाम करत, आणखी बहरण्यासाठी बळ देणारे दानतीचे अनेक हात, हेच चित्र गेली पाच वर्षे अनुभवास येते आहे. यंदाही अशाच अनेक हातांनी 'मटा हेल्पलाइन'च्या २५ शिलेदारांना उत्स्फूर्तपणे मदत देऊन त्यांच्या पाठीवर कौतुकाची थाप दिली आहे. वाचकांचे देणे गुणवंतांच्या हाती देण्यासाठी आज आयोजित केलेल्या कार्यक्रमाला वाचकांनी उपस्थिती लावून गुणवतांच्या भावी आयुष्यासाठी शुभेच्छा द्याव्यात.
कधी - आज, शुक्रवार, १७ ऑगस्ट
कुठे - टिप टॉप प्लाझा, तीन हात नाक्याजवळ, ठाणे पश्चिम
वेळ - सायंकाळी ४.३० वाजता
टीप : मटा हेल्पलाइनमध्ये यापूर्वी ज्या विद्यार्थ्यांना वाचकांनी मदत केली आहे त्यांनी या कार्यक्रमाला आवर्जून उपस्थित राहावे. या विद्यार्थ्यांनी प्रथमेश राणे यांच्याशी ९६१९०७३८५३ वर संपर्क साधावा.