म. टा. खास प्रतिनिधी, मुंबई
मराठी दिनाचे औचित्य साधून 'महाराष्ट्र टाइम्स'च्या राज्यातील विविध आवृत्त्या दरवर्षी फेब्रुवारीअखेर दर्जेदार साहित्य महोत्सवांचे आयोजन गेली काही वर्षे करत आल्या आहेत. या साहित्य महोत्सवाची व्याप्ती वाढवून इतरही कलांचा त्यात समावेश करीत 'महाराष्ट्र टाइम्स कलासंगम' हा तीन दिवसांचा भरगच्च कार्यक्रम देणारा महोत्सव या वर्षापासून 'मटा'तर्फे आयोजित केला जाणार आहे. यावर्षी हा कलासंगम ठाण्यातील गडकरी रंगायतन सभागृह आणि गडकरी कट्टा येथे होणार असून त्यात साहित्य, नाट्य, चित्रपट, संगीत, काव्य यांच्या बहारदार मैफली रंगणार आहेत. काही सुखद धक्केही बसणार आहेत.
कलासंगम महोत्सव तीन दिवस चालेल. लोकप्रिय आणि सर्जनशील कलावंतांच्या मुलाखती, विविध सादरीकरणे, कवीकट्टा, पडद्यावरील सादरीकरण, गप्पा, विविध विषयांवरील निःशुल्क कार्यशाळांचाही त्यात समावेश असेल. सोबत इतरही काही आकर्षणे असतील. काही दिग्गज कलावंत, राजकारणातील मनस्वी व्यक्तिमत्वे, लोकप्रिय साहित्यिक-कवी, नाट्य-चित्रपटसृष्टीतील लेखक, दिग्दर्शक तसेच नाट्य-चित्रपट-मालिकांसह साहित्य क्षेत्रातही ज्यांचा ठसा उमटलेला आहे असे कलावंत या कलासंगमात सहभागी होणार आहेत.
वाचकांना फेब्रुवारीचे अखेरचे दिवस राखून ठेवता यावेत आणि 'मटा'च्या या कलासंगमात सहभागी होता यावे यासाठी तीन दिवसांच्या भरगच्च कार्यक्रमांचा तपशील, सहभागी दिग्गजांची नावे लवकरच जाहीर होतील. या निमित्ताने 'मटा'ने जाहीर केलेल्या काव्यस्पर्धेलाही उदंड प्रतिसाद लाभत आहे. या स्पर्धेतील निवडक कवींनाही या कलासंगमात भेटता येईल. मराठी दिन साजरा करीत महाराष्ट्रातील विविध कलांच्या या संगमात बौद्धिक मेजवानी आणि मनोरंजन यांचाही संगम असेल.
मराठी दिनाचे औचित्य साधून 'महाराष्ट्र टाइम्स'च्या राज्यातील विविध आवृत्त्या दरवर्षी फेब्रुवारीअखेर दर्जेदार साहित्य महोत्सवांचे आयोजन गेली काही वर्षे करत आल्या आहेत. या साहित्य महोत्सवाची व्याप्ती वाढवून इतरही कलांचा त्यात समावेश करीत 'महाराष्ट्र टाइम्स कलासंगम' हा तीन दिवसांचा भरगच्च कार्यक्रम देणारा महोत्सव या वर्षापासून 'मटा'तर्फे आयोजित केला जाणार आहे. यावर्षी हा कलासंगम ठाण्यातील गडकरी रंगायतन सभागृह आणि गडकरी कट्टा येथे होणार असून त्यात साहित्य, नाट्य, चित्रपट, संगीत, काव्य यांच्या बहारदार मैफली रंगणार आहेत. काही सुखद धक्केही बसणार आहेत.
कलासंगम महोत्सव तीन दिवस चालेल. लोकप्रिय आणि सर्जनशील कलावंतांच्या मुलाखती, विविध सादरीकरणे, कवीकट्टा, पडद्यावरील सादरीकरण, गप्पा, विविध विषयांवरील निःशुल्क कार्यशाळांचाही त्यात समावेश असेल. सोबत इतरही काही आकर्षणे असतील. काही दिग्गज कलावंत, राजकारणातील मनस्वी व्यक्तिमत्वे, लोकप्रिय साहित्यिक-कवी, नाट्य-चित्रपटसृष्टीतील लेखक, दिग्दर्शक तसेच नाट्य-चित्रपट-मालिकांसह साहित्य क्षेत्रातही ज्यांचा ठसा उमटलेला आहे असे कलावंत या कलासंगमात सहभागी होणार आहेत.
वाचकांना फेब्रुवारीचे अखेरचे दिवस राखून ठेवता यावेत आणि 'मटा'च्या या कलासंगमात सहभागी होता यावे यासाठी तीन दिवसांच्या भरगच्च कार्यक्रमांचा तपशील, सहभागी दिग्गजांची नावे लवकरच जाहीर होतील. या निमित्ताने 'मटा'ने जाहीर केलेल्या काव्यस्पर्धेलाही उदंड प्रतिसाद लाभत आहे. या स्पर्धेतील निवडक कवींनाही या कलासंगमात भेटता येईल. मराठी दिन साजरा करीत महाराष्ट्रातील विविध कलांच्या या संगमात बौद्धिक मेजवानी आणि मनोरंजन यांचाही संगम असेल.