म. टा. खास प्रतिनिधी, मुंबई
मराठी झळाळत्या विश्वामध्ये प्रवेश मिळवून देणारे हक्काचे मराठमोळे व्यासपीठ ठरली ती 'महाराष्ट्र टाइम्स श्रावणक्वीन स्पर्धा'. १२ वर्षे सातत्याने या स्पर्धेने मराठी इंडस्ट्रीला नवनवीन चेहरे तर मिळवून दिलेच, मात्र त्या पलीकडे सौंदर्यवतींना आत्मविश्वास दिला. मुंबई, पुणे, नागपूर, नाशिक, औरंगाबाद, कोल्हापूर या शहरांमधून अभिनय, कलेची आवड असलेल्या अनेक तरुणी मराठी इंडस्ट्रीपर्यंत पोहोचल्या. रविवारी ताज लॅण्ड्समध्ये पार पडलेल्या 'महाराष्ट्र टाइम्स श्रावणक्वीन'च्या महाअंतिम फेरीच्या निमित्ताने राज्यातील १२ सौंदर्यवतींना त्यांच्या स्वप्नांच्या दिशेने पुढे वाटचाल करण्याचा मार्ग दाखवला.
झगमगत्या दिव्यांच्या उजेडात, इंडस्ट्रीतील अनेक दिग्गजांच्या साक्षीने महाअंतिम फेरीचा हा सोहळा रंगला. मराठमोळी सौंदर्यस्पर्धा म्हणून नावारूपाला आलेल्या या स्पर्धेची सुरुवात मराठमोळ्या पद्धतीने सौंदर्याची झलक दाखवून झाली. नववधूच्या कपड्यांमध्ये या सौंदर्यवती उपस्थितांना सामोऱ्या गेल्या आणि टाळ्यांचा कडकडाट झाला. कोण अधिक सुंदर आहे, असा प्रश्न उपस्थितांना तर पडलाच मात्र परीक्षकही संभ्रमात होते. अत्यंत आत्मविश्वासाने या सौंदर्यवतींनी रॅम्पवॉक केला. त्यानंतर 'एव्ही'च्या माध्यमातून या सौंदर्यवतींनी आपली ओळख करून दिली आणि परीक्षकांच्या प्रश्नांची बेधकड उत्तरेही दिली. गेल्या दहा दिवसांची तयारी त्यांच्या रॅम्पवॉकमध्ये झळकत होतीच, मात्र आयत्या वेळी विचारण्यात आलेल्या प्रश्नांच्या उत्तरातही ही मेहनत दिसली. या सौंदर्यवतींनी नृत्याच्या माध्यमातून परिक्षकांची मने जिंकून घेण्याचा प्रयत्न केला. या प्रत्येक सादरीकरणाच्या माध्यमातून त्यांनी व्यासपीठापर्यंत पोहोचण्याचा आपला अधिकार आणि कारण सिद्ध केले. इथे कोणी लावणी, कोणी बेली डान्स, कोणी फ्री स्टाइल, कोणी कथक तर कोणी हिपहॉप सादर केले.
रॅम्पवॉक, ओळख करून देताना झळकलेला आत्मविश्वास, प्रश्नांची उत्तरे देताना दाखवलेले प्रसंगावधान आणि त्यानंतर सिद्ध केलेले कलागुण या बळावर १२ सौंदर्यवतींमधून अंतिम फेरीसाठी पाच सौंदर्यवतींची निवड करण्यात आली. 'महाराट्राच्या श्रावणक्वीन'चा मुकूट एकाच सौंदर्यवतीसाठी असला तरी महाराष्ट्रातून आलेल्या हजारो तरुणींमधून या १२ सौंदर्यवती महाअंतिम फेरीपर्यंत पोहोचल्याने त्यांच्यासाठी तसेच त्यांच्या पालकांसाठी हे यशही 'महाराष्ट्राच्या श्रावणक्वीन'च्या मुकुटाचा मान मिळवल्याप्रमाणेच होते.
रिचा, योगिताचे धडाकेबाज नृत्य
या झगमगत्या सौंदर्यस्पर्धेची सुरुवात नकुल घाणेकर याच्या गणेशवंदनेने झाली. प्रणम्य शिरसा देवं या श्लोकावर गणेशवंदना सादर करत नकुल आणि त्याच्या सहकाऱ्यांनी वातावरणनिर्मिती केली. मराठी सेलिब्रिटींची उपस्थिती लाभलेल्या या संध्याकाळी रोहित राऊत, जुईली जोगळेकर, मुग्धा कर्णिक यांनी आपल्या आवाजाची जादू पेरली, तर तन्वी पालव हिने नृत्याविष्कार सादर केला. माजी श्रावणक्वीन स्पर्धक रिचा अग्नहोत्री, योगिता चव्हाण यांनीही धडाकेबाज नृत्य सादर केले.
रसिकांचा उत्स्फूर्त प्रतिसाद
या व्यासपीठावर 'होश ना खबर है' या गाण्यावरील फ्री स्टाइल आणि बेली डान्सला जेवढा प्रतिसाद मिळाला, तेवढाच प्रतिसाद 'चिंब भिजलेले' या गाण्यावर सादर झालेल्या नृत्याला मिळाला आणि तेवढाच प्रतिसाद देवा श्रीगणेशावर सादर झालेल्या लेझीमलाही मिळाला. या व्यासपीठावरच 'मुंगडा मुंगडा' हे आयटम साँगही रंगले आणि त्याचवेळी राजस्थानी पारंपरिक नृत्यशैलीतील परातीवरचा नाचही उपस्थितांनी अनुभला.
मराठी झळाळत्या विश्वामध्ये प्रवेश मिळवून देणारे हक्काचे मराठमोळे व्यासपीठ ठरली ती 'महाराष्ट्र टाइम्स श्रावणक्वीन स्पर्धा'. १२ वर्षे सातत्याने या स्पर्धेने मराठी इंडस्ट्रीला नवनवीन चेहरे तर मिळवून दिलेच, मात्र त्या पलीकडे सौंदर्यवतींना आत्मविश्वास दिला. मुंबई, पुणे, नागपूर, नाशिक, औरंगाबाद, कोल्हापूर या शहरांमधून अभिनय, कलेची आवड असलेल्या अनेक तरुणी मराठी इंडस्ट्रीपर्यंत पोहोचल्या. रविवारी ताज लॅण्ड्समध्ये पार पडलेल्या 'महाराष्ट्र टाइम्स श्रावणक्वीन'च्या महाअंतिम फेरीच्या निमित्ताने राज्यातील १२ सौंदर्यवतींना त्यांच्या स्वप्नांच्या दिशेने पुढे वाटचाल करण्याचा मार्ग दाखवला.
झगमगत्या दिव्यांच्या उजेडात, इंडस्ट्रीतील अनेक दिग्गजांच्या साक्षीने महाअंतिम फेरीचा हा सोहळा रंगला. मराठमोळी सौंदर्यस्पर्धा म्हणून नावारूपाला आलेल्या या स्पर्धेची सुरुवात मराठमोळ्या पद्धतीने सौंदर्याची झलक दाखवून झाली. नववधूच्या कपड्यांमध्ये या सौंदर्यवती उपस्थितांना सामोऱ्या गेल्या आणि टाळ्यांचा कडकडाट झाला. कोण अधिक सुंदर आहे, असा प्रश्न उपस्थितांना तर पडलाच मात्र परीक्षकही संभ्रमात होते. अत्यंत आत्मविश्वासाने या सौंदर्यवतींनी रॅम्पवॉक केला. त्यानंतर 'एव्ही'च्या माध्यमातून या सौंदर्यवतींनी आपली ओळख करून दिली आणि परीक्षकांच्या प्रश्नांची बेधकड उत्तरेही दिली. गेल्या दहा दिवसांची तयारी त्यांच्या रॅम्पवॉकमध्ये झळकत होतीच, मात्र आयत्या वेळी विचारण्यात आलेल्या प्रश्नांच्या उत्तरातही ही मेहनत दिसली. या सौंदर्यवतींनी नृत्याच्या माध्यमातून परिक्षकांची मने जिंकून घेण्याचा प्रयत्न केला. या प्रत्येक सादरीकरणाच्या माध्यमातून त्यांनी व्यासपीठापर्यंत पोहोचण्याचा आपला अधिकार आणि कारण सिद्ध केले. इथे कोणी लावणी, कोणी बेली डान्स, कोणी फ्री स्टाइल, कोणी कथक तर कोणी हिपहॉप सादर केले.
रॅम्पवॉक, ओळख करून देताना झळकलेला आत्मविश्वास, प्रश्नांची उत्तरे देताना दाखवलेले प्रसंगावधान आणि त्यानंतर सिद्ध केलेले कलागुण या बळावर १२ सौंदर्यवतींमधून अंतिम फेरीसाठी पाच सौंदर्यवतींची निवड करण्यात आली. 'महाराट्राच्या श्रावणक्वीन'चा मुकूट एकाच सौंदर्यवतीसाठी असला तरी महाराष्ट्रातून आलेल्या हजारो तरुणींमधून या १२ सौंदर्यवती महाअंतिम फेरीपर्यंत पोहोचल्याने त्यांच्यासाठी तसेच त्यांच्या पालकांसाठी हे यशही 'महाराष्ट्राच्या श्रावणक्वीन'च्या मुकुटाचा मान मिळवल्याप्रमाणेच होते.
रिचा, योगिताचे धडाकेबाज नृत्य
या झगमगत्या सौंदर्यस्पर्धेची सुरुवात नकुल घाणेकर याच्या गणेशवंदनेने झाली. प्रणम्य शिरसा देवं या श्लोकावर गणेशवंदना सादर करत नकुल आणि त्याच्या सहकाऱ्यांनी वातावरणनिर्मिती केली. मराठी सेलिब्रिटींची उपस्थिती लाभलेल्या या संध्याकाळी रोहित राऊत, जुईली जोगळेकर, मुग्धा कर्णिक यांनी आपल्या आवाजाची जादू पेरली, तर तन्वी पालव हिने नृत्याविष्कार सादर केला. माजी श्रावणक्वीन स्पर्धक रिचा अग्नहोत्री, योगिता चव्हाण यांनीही धडाकेबाज नृत्य सादर केले.
रसिकांचा उत्स्फूर्त प्रतिसाद
या व्यासपीठावर 'होश ना खबर है' या गाण्यावरील फ्री स्टाइल आणि बेली डान्सला जेवढा प्रतिसाद मिळाला, तेवढाच प्रतिसाद 'चिंब भिजलेले' या गाण्यावर सादर झालेल्या नृत्याला मिळाला आणि तेवढाच प्रतिसाद देवा श्रीगणेशावर सादर झालेल्या लेझीमलाही मिळाला. या व्यासपीठावरच 'मुंगडा मुंगडा' हे आयटम साँगही रंगले आणि त्याचवेळी राजस्थानी पारंपरिक नृत्यशैलीतील परातीवरचा नाचही उपस्थितांनी अनुभला.