म. टा. खास प्रतिनिधी, मुंबई
माथेरान मिनी ट्रेनचा लवकरच कायापालट होणार असून त्यासाठी एसी डब्यासह एकूण पाच आकर्षक डबे दाखल झाले आहेत. माथेरानचा निसर्ग टिपण्यासाठी डब्यांच्या खिडक्यांचा विस्तार करतानाच अंतर्बाह्य बदल केले आहेत. डब्यांचे रंगही निसर्गाशी मिळतेजुळते ठेवण्यात आले आहेत. मुख्य म्हणजे एसी डबा जोडल्यानंतर गाडी, इंजिनावर अतिरिक्त भार येऊ नये याचीही काळजी घेतली जाणार आहे. त्यादृष्टीने तीन इंजिनांचाही ताफाही सेवेत सामावून घेतला जाणार आहे.
माथेरानचे पर्यटन आणि मिनी ट्रेन या गोष्टी एकमेकांशी जोडलेल्या आहेत. पावसाळा वगळल्यास नेरळ ते माथेरानपर्यंत मिनी ट्रेनच्या सेवा चालतात. या मिनी ट्रेनचे डबे पारदर्शक करण्याचाही विचार सुरू होता. देशातील काही भागात पर्यटकांसाठी गाड्यांमध्ये पारदर्शक डब्यांची जोड दिली गेली आहे. मिनी ट्रेनमधून जाताना माथेरानच्या निसर्गाचा आनंद घेण्यासाठी सध्याच्या डब्यांची रचना तितकीशी अनुकूल नाही. सध्या या डब्यांतील खिडक्यांचा आकार छोटा आहे. त्याचा विचार करून मध्य रेल्वेने नवीन पद्धतीचे डबे समाविष्ट करण्याचा निर्णय घेतला आहे.
नवीन पाच डबे घेतानाच त्यात एसी डब्याचाही समावेश केला आहे. हे नर्व आकर्षक डबे लवकरच सेवेत आणले जाणार आहेत. एसी डबा जोडला जाताना पर्यावरणाप्रमाणेच गाडीच्या वहन क्षमतेचाही विचार केला आहे. गाडीवर अतिरिक्त ताण येऊ नये याची दक्षता घेणार असल्याचे स्पष्ट करण्यात आले आहे. त्यासाठी उत्तम बनावटीच्या इंजिनांचा समावेश केला जाणार आहे. या इंजिनांमुळे चढण वा उतारावर गाडीचा तोल योग्यप्रकारे संतुलित राहणार असल्याचे सांगण्यात येते.
एसी डब्यामुळे परदेशी पर्यटकही मिनी ट्रेनकडे वळतील, असाही दावा केला जात आहे. उन्हाळ्यात होणारा त्रास लक्षात घेत एसी डबा जोडण्याची कल्पना पुढे आली आहे. या सर्व डब्यांची चाचणी घेतल्यानंतरच ते प्रत्यक्ष सेवेत दाखल केले जाणार आहेत.
माथेरान मिनी ट्रेनचा लवकरच कायापालट होणार असून त्यासाठी एसी डब्यासह एकूण पाच आकर्षक डबे दाखल झाले आहेत. माथेरानचा निसर्ग टिपण्यासाठी डब्यांच्या खिडक्यांचा विस्तार करतानाच अंतर्बाह्य बदल केले आहेत. डब्यांचे रंगही निसर्गाशी मिळतेजुळते ठेवण्यात आले आहेत. मुख्य म्हणजे एसी डबा जोडल्यानंतर गाडी, इंजिनावर अतिरिक्त भार येऊ नये याचीही काळजी घेतली जाणार आहे. त्यादृष्टीने तीन इंजिनांचाही ताफाही सेवेत सामावून घेतला जाणार आहे.
माथेरानचे पर्यटन आणि मिनी ट्रेन या गोष्टी एकमेकांशी जोडलेल्या आहेत. पावसाळा वगळल्यास नेरळ ते माथेरानपर्यंत मिनी ट्रेनच्या सेवा चालतात. या मिनी ट्रेनचे डबे पारदर्शक करण्याचाही विचार सुरू होता. देशातील काही भागात पर्यटकांसाठी गाड्यांमध्ये पारदर्शक डब्यांची जोड दिली गेली आहे. मिनी ट्रेनमधून जाताना माथेरानच्या निसर्गाचा आनंद घेण्यासाठी सध्याच्या डब्यांची रचना तितकीशी अनुकूल नाही. सध्या या डब्यांतील खिडक्यांचा आकार छोटा आहे. त्याचा विचार करून मध्य रेल्वेने नवीन पद्धतीचे डबे समाविष्ट करण्याचा निर्णय घेतला आहे.
नवीन पाच डबे घेतानाच त्यात एसी डब्याचाही समावेश केला आहे. हे नर्व आकर्षक डबे लवकरच सेवेत आणले जाणार आहेत. एसी डबा जोडला जाताना पर्यावरणाप्रमाणेच गाडीच्या वहन क्षमतेचाही विचार केला आहे. गाडीवर अतिरिक्त ताण येऊ नये याची दक्षता घेणार असल्याचे स्पष्ट करण्यात आले आहे. त्यासाठी उत्तम बनावटीच्या इंजिनांचा समावेश केला जाणार आहे. या इंजिनांमुळे चढण वा उतारावर गाडीचा तोल योग्यप्रकारे संतुलित राहणार असल्याचे सांगण्यात येते.
एसी डब्यामुळे परदेशी पर्यटकही मिनी ट्रेनकडे वळतील, असाही दावा केला जात आहे. उन्हाळ्यात होणारा त्रास लक्षात घेत एसी डबा जोडण्याची कल्पना पुढे आली आहे. या सर्व डब्यांची चाचणी घेतल्यानंतरच ते प्रत्यक्ष सेवेत दाखल केले जाणार आहेत.