बेकायदा होर्डिंग्ज लावू नयेत, असे उच्च न्यायालयाचे स्पष्ट आदेश असतानाही राजकीय पक्षांकडून त्याचे वारंवार उल्लंघन होते आहे. पालिकेची परवानगी न घेताच लावलेल्या अशा होर्डिंग्जमुळे शहर विद्रुप होतेच शिवाय अपघात घडण्याचीही शक्यता असते. मागील काही वर्षांत असे अपघात मुंबई, पुणे शहरात घडले आहेत. त्यानंतरही राजकीय पक्ष, सामाजिक, धार्मिक संघटनांचे डोळे उघडलेले नाहीत. लोखंडी सांगाड्यांवर लावलेल्या या होर्डिंग्जचा पर्याय म्हणून सुरक्षेच्या दृष्टीने व वजनाने हलके असलेले डिजिटल होर्डिंग्ज लावण्याचे धोरण महापालिकेने बनवले आहे. मात्र अद्याप ते प्रशासकीय लाल फितीत अडकले आहे. अवैध होर्डिंग्जना आळा बसेल अशी कठोर कारवाई व डिजिटल होर्डिंग्जना प्रोत्साहन मिळेल, अशी पावले पालिकेने उचलली पाहिजेत.
मटा भूमिका-होर्डिंग्ज
बेकायदा होर्डिंग्ज लावू नयेत, असे उच्च न्यायालयाचे स्पष्ट आदेश असतानाही राजकीय पक्षांकडून त्याचे वारंवार उल्लंघन होते आहे...
महाराष्ट्र टाइम्स.कॉम 8 Nov 2019, 4:00 am