म. टा. प्रतिनिधी, मुंबई
पालक-शिक्षक समितीच्या बैठकीचा हवाला देत काही शाळा मनमानी पद्धतीने फीवाढ करत असल्याच्या अनेक तक्रारी पुढे आल्या असून, शाळांची ही शक्कल हाणून पाडण्यासाठी यापुढे पेरेंट्स-टीचर्स असोसिएशन (पीटीए) आणि पालक सभांचे व्हिडीओ चित्रिकरण करण्याची सूचना शिक्षण निरीक्षक कार्यालयाने शाळांना केल्या आहेत. या व्हिडिओ सीडी जपून ठेवण्याची ताकीदही मुख्याध्यापकांना देण्यात आली आहे.
मुंबईतील अनेक शाळांमध्ये गेल्या काही वर्षात मनमानी फीवाढ करण्यात आल्याच्या तक्रारी शिक्षण निरीक्षक आणि शिक्षण उपसंचालक कार्यालयाकडे आल्या होत्या. आपल्याला पीटीए तसेच पालक सभांनी तशी परवानगी दिल्याचा दावा या शाळांनी त्याबाबत केला होता. मात्र, अशा प्रकरणांमध्ये शाहनिशा केली असता, अनेक शाळांनी असोसिएशनमधील पालक सदस्यांशी संगनमत करून फीवाढ केल्याचे आढळून आले होते. म्हणूनच अशा अवैध फीवाढीला चाप बसावा यासाठी शिक्षण निरीक्षक कार्यालयाने पीटीए व पालक सभांच्या चित्रिकरणाचे आदेश जारी केले आहेत. विनाअनुदानित, कायम विनाअनुदानित आणि स्वयंअर्थसहाय्यित शाळांसाठी ते लागू आहेत
महाराष्ट्र शैक्षणिक संस्था (शुल्क विनियमन) अधिनियम २०११ मधील नियम ४(१) (क) नुसार हे आदेश जारी करण्यात आले असून, प्रत्येक शाळेत पालक-शिक्षक संघ व कार्यकारी समिती स्थापन करून त्यांच्या सभांचे इतिवृत्त तसेच व्हिडीओ शूटिंग जपून ठेवणेही आवश्यक राहणार आहे.
पालक सभेत होणारे निर्णय, फीविषयीच्या नोंदी, सभेत उपस्थित पदाधिकाऱ्यांची नावे शाळेच्या सूचना फलकावर लावण्यात यावीत. २०११चा शुल्क नियंत्रण कायदा पालकांच्या माहितीसाठी शाळेच्या वेबसाइटवर अपलोड करावा, अशाही सूचना शाळांना करण्यात आल्या आहेत.
पालक-शिक्षक समितीच्या बैठकीचा हवाला देत काही शाळा मनमानी पद्धतीने फीवाढ करत असल्याच्या अनेक तक्रारी पुढे आल्या असून, शाळांची ही शक्कल हाणून पाडण्यासाठी यापुढे पेरेंट्स-टीचर्स असोसिएशन (पीटीए) आणि पालक सभांचे व्हिडीओ चित्रिकरण करण्याची सूचना शिक्षण निरीक्षक कार्यालयाने शाळांना केल्या आहेत. या व्हिडिओ सीडी जपून ठेवण्याची ताकीदही मुख्याध्यापकांना देण्यात आली आहे.
मुंबईतील अनेक शाळांमध्ये गेल्या काही वर्षात मनमानी फीवाढ करण्यात आल्याच्या तक्रारी शिक्षण निरीक्षक आणि शिक्षण उपसंचालक कार्यालयाकडे आल्या होत्या. आपल्याला पीटीए तसेच पालक सभांनी तशी परवानगी दिल्याचा दावा या शाळांनी त्याबाबत केला होता. मात्र, अशा प्रकरणांमध्ये शाहनिशा केली असता, अनेक शाळांनी असोसिएशनमधील पालक सदस्यांशी संगनमत करून फीवाढ केल्याचे आढळून आले होते. म्हणूनच अशा अवैध फीवाढीला चाप बसावा यासाठी शिक्षण निरीक्षक कार्यालयाने पीटीए व पालक सभांच्या चित्रिकरणाचे आदेश जारी केले आहेत. विनाअनुदानित, कायम विनाअनुदानित आणि स्वयंअर्थसहाय्यित शाळांसाठी ते लागू आहेत
महाराष्ट्र शैक्षणिक संस्था (शुल्क विनियमन) अधिनियम २०११ मधील नियम ४(१) (क) नुसार हे आदेश जारी करण्यात आले असून, प्रत्येक शाळेत पालक-शिक्षक संघ व कार्यकारी समिती स्थापन करून त्यांच्या सभांचे इतिवृत्त तसेच व्हिडीओ शूटिंग जपून ठेवणेही आवश्यक राहणार आहे.
पालक सभेत होणारे निर्णय, फीविषयीच्या नोंदी, सभेत उपस्थित पदाधिकाऱ्यांची नावे शाळेच्या सूचना फलकावर लावण्यात यावीत. २०११चा शुल्क नियंत्रण कायदा पालकांच्या माहितीसाठी शाळेच्या वेबसाइटवर अपलोड करावा, अशाही सूचना शाळांना करण्यात आल्या आहेत.