मुंबईकरांनो, रविवारी घराबाहेर पडताय? तिन्ही मार्गावर उद्या 'मेगाब्लॉक', जाणून घ्या वेळापत्रक

मुंबई : विद्याविहार ते ठाणे आणि पनवेल ते वाशी मार्गावर रविवारी मध्य रेल्वेने ब्लॉक घोषित केला आहे. ब्लॉक कालावधीत काही लोकल फेऱ्या रद्द करण्यात येणार आहेत. तर काही लोकल आणि मेल-एक्स्प्रेस १५ मिनिटे विलंबाने धावणार आहेत.

मध्य रेल्वे

स्थानक : विद्याविहार ते ठाणे

मार्गिरा : पाच आणि सहा

वेळ : सकाळी ११ ते दुपारी ३.३०पर्यंत

परिणाम : लोकमान्य टिळक टर्मिनस येथे येणाऱ्या मेल/एक्स्प्रेस गाड्या कल्याण ते ठाणेदरम्यान अप आणि डाऊन जलद मार्गावर वळवण्यात येतील. यामुळे १८ मेल-एक्स्प्रेस सुमारे १५ मिनिटे विलंबाने धावतील.

हार्बर रेल्वे

स्थानक : पनवेल ते वाशी

मार्ग : अप आणि डाऊन

वेळ : सकाळी ११.०५ ते दुपारी ४.०५पर्यंत

परिणाम : ब्लॉक कालावधीत पनवेल ते छत्रपती शिवाजी महाराज टर्मिनसकडे (सीएसएमटी) जाणाऱ्या अप आणि डाऊन फेऱ्या रद्द करण्यात येणार आहेत. ठाणे ते पनवेल फेऱ्याही रद्द असतील. बेलापूर-खारकोपर फेऱ्या वेळापत्रकाप्रमाणे धावणार आहेत. सीएसएमटी-वाशी दरम्यान विशेष लोकल धावतील. ठाणे ते वाशीदरम्यान लोकल सुरू राहतील.