मात्र दिव्याला फास्टचा थांबा दृष्टिपथात
म. टा. खास प्रतिनिधी, मुंबई
मध्य रेल्वेने दिवा स्टेशनवर फास्ट लोकलना थांबा मिळण्यासाठी रविवारी हाती घेतलेला ९ तासांचा मेगाब्लॉक यशस्वी ठरला आहे. या कामासाठी आवश्यक असलेल्या चारपैकी तीन ब्लॉकमध्ये महत्त्वाची कामे पूर्ण झाली. मात्र रविवारी घेतलेल्या ब्लॉकमुळे मध्य रेल्वेवरील प्रवाशांचे प्रचंड हाल झाले. सलग ९ तासांच्या ब्लॉकमुळे अनेक फेऱ्या रद्द झाल्याने अनेक स्टेशन्सवर प्रचंड गर्दी उसळली. रात्री उशिरापर्यंत सेवेवर परिणाम झाल्याचे दिसले. तर, हार्बर मार्गावर पाच तासांच्या ब्लॉकमुळे प्रवाशांची चांगलीच कोंडी झाली.
मध्य रेल्वे आणि एमआरव्हीसीकडून दिवा येथे फास्ट लोकल गाड्यांना थांबा देण्यासाठी विशेष ब्लॉक घेण्यात येत आहेत. रविवारी सकाळी ९.१५ ते सायंकाळी ६.१५ पर्यंत चाललेल्या ब्लॉकमध्ये सुमारे १३६ फेऱ्या रद्द करण्यात आल्या. त्यासह सिंहगड एक्स्प्रेस, प्रगती एक्स्प्रेस, गोदावरी एक्स्प्रेस रद्द करण्यात आली. तर रत्नागिरी-दादर पॅसेंजर ही गाडी पनवेलपर्यंत चालवण्यात आली. त्यामुळे या गाड्यांमधील प्रवाशांना फटका बसला.
परिणामी, सकाळपासून मध्य आणि हार्बर रेल्वेवर प्रचंड गर्दी उसळली. अनेक फेऱ्या रद्द करण्यात आल्याने वेळापत्रक विस्कटले. ९ तासांच्या ब्लॉकमुळे हा परिणाम वाढत गेला. ब्लॉककाळात लोकल फेऱ्यांची संख्या कमी झाल्याने अन्य फेऱ्यांमध्ये प्रचंड गर्दी झाली होती. दादर, कुर्ला, ठाणे, कल्याण, डोंबिवलीप्रमाणेच अन्य सर्वच स्टेशन्सवर गर्दी उसळली होती.
नवरात्रोत्सवामुळे कुटुंबकबिल्यासह प्रवास करणाऱ्यांची संख्या मोठी होती. एरव्ही सामान्यतः पाच तासांचे ब्लॉक असल्याने सायंकाळपर्यंत वाहतूक पूर्ववत होते. परंतु, या विशेष ब्लॉकमुळे प्रवाशांना बऱ्याच अडचणींना सामोरे जावे लागले, अशी प्रतिक्रिया व्यक्त केली जात होती.
या तिसऱ्या ब्लॉकमुळे दिवावासियांची मागणी लवकरच प्रत्यक्षात येईल, असे मत दिवावासिय आणि रेल्वे अधिकारी व्यक्त करत आहेत.
म. टा. खास प्रतिनिधी, मुंबई
मध्य रेल्वेने दिवा स्टेशनवर फास्ट लोकलना थांबा मिळण्यासाठी रविवारी हाती घेतलेला ९ तासांचा मेगाब्लॉक यशस्वी ठरला आहे. या कामासाठी आवश्यक असलेल्या चारपैकी तीन ब्लॉकमध्ये महत्त्वाची कामे पूर्ण झाली. मात्र रविवारी घेतलेल्या ब्लॉकमुळे मध्य रेल्वेवरील प्रवाशांचे प्रचंड हाल झाले. सलग ९ तासांच्या ब्लॉकमुळे अनेक फेऱ्या रद्द झाल्याने अनेक स्टेशन्सवर प्रचंड गर्दी उसळली. रात्री उशिरापर्यंत सेवेवर परिणाम झाल्याचे दिसले. तर, हार्बर मार्गावर पाच तासांच्या ब्लॉकमुळे प्रवाशांची चांगलीच कोंडी झाली.
मध्य रेल्वे आणि एमआरव्हीसीकडून दिवा येथे फास्ट लोकल गाड्यांना थांबा देण्यासाठी विशेष ब्लॉक घेण्यात येत आहेत. रविवारी सकाळी ९.१५ ते सायंकाळी ६.१५ पर्यंत चाललेल्या ब्लॉकमध्ये सुमारे १३६ फेऱ्या रद्द करण्यात आल्या. त्यासह सिंहगड एक्स्प्रेस, प्रगती एक्स्प्रेस, गोदावरी एक्स्प्रेस रद्द करण्यात आली. तर रत्नागिरी-दादर पॅसेंजर ही गाडी पनवेलपर्यंत चालवण्यात आली. त्यामुळे या गाड्यांमधील प्रवाशांना फटका बसला.
परिणामी, सकाळपासून मध्य आणि हार्बर रेल्वेवर प्रचंड गर्दी उसळली. अनेक फेऱ्या रद्द करण्यात आल्याने वेळापत्रक विस्कटले. ९ तासांच्या ब्लॉकमुळे हा परिणाम वाढत गेला. ब्लॉककाळात लोकल फेऱ्यांची संख्या कमी झाल्याने अन्य फेऱ्यांमध्ये प्रचंड गर्दी झाली होती. दादर, कुर्ला, ठाणे, कल्याण, डोंबिवलीप्रमाणेच अन्य सर्वच स्टेशन्सवर गर्दी उसळली होती.
नवरात्रोत्सवामुळे कुटुंबकबिल्यासह प्रवास करणाऱ्यांची संख्या मोठी होती. एरव्ही सामान्यतः पाच तासांचे ब्लॉक असल्याने सायंकाळपर्यंत वाहतूक पूर्ववत होते. परंतु, या विशेष ब्लॉकमुळे प्रवाशांना बऱ्याच अडचणींना सामोरे जावे लागले, अशी प्रतिक्रिया व्यक्त केली जात होती.
या तिसऱ्या ब्लॉकमुळे दिवावासियांची मागणी लवकरच प्रत्यक्षात येईल, असे मत दिवावासिय आणि रेल्वे अधिकारी व्यक्त करत आहेत.