मुंबईकरांनो, रविवारी बाहेर जाण्याचा प्लॅन करताय? 'या' तिन्ही मार्गांवर मेगाब्लॉक, पाहा वेळापत्रक

म. टा. प्रतिनिधी, मुंबई : ठाणे ते कल्याण आणि कुर्ला ते वाशीदरम्यान मध्य रेल्वेने उद्या, रविवारी ब्लॉक घोषित केला आहे. पश्चिम रेल्वेवरील जोगेश्वरी ते बोरिवलीदरम्यान ब्लॉक घेण्यात येणार आहे. ब्लॉक कालावधीत रेल्वेच्या देखभाल दुरुस्तीचे काम करण्यात येणार आहे. यामुळे काही लोकल फेऱ्या रद्द करण्यात येणार असून, काही लोकल फेऱ्या विलंबाने धावणार आहे.

मध्य रेल्वे

स्थानक - ठाणे ते कल्याण

मार्ग - अप आणि डाऊन जलद

वेळ - सकाळी १०.४० ते दुपारी ३.४०

परिणाम - ब्लॉक वेळेत जलद मार्गावरील लोकल फेऱ्या धीम्या मार्गावर वळवण्यात येणार आहे. यामुळे काही लोकल फेऱ्या रद्द करण्यात येणार असून काही लोकल फेऱ्या विलंबाने धावणार आहेत.

हार्बर रेल्वे

स्थानक - कुर्ला - वाशी

मार्ग - अप आणि डाऊन

वेळ - सकाळी ११.१० ते सायंकाळी ४.१०

परिणाम - ब्लॉक वेळेत सीएसएमटी येथून पनवेल/बेलापूर आणि वाशीकडे जाणाऱ्या डाऊन हार्बर मार्गावरील फेऱ्या रद्द राहतील. वाशी, बेलापूर पनवेल येथून सीएसएमटीकरिता सुटणाऱ्या अप हार्बर मार्गावरील फेऱ्या रद्द राहतील. ब्लॉक कालावधीत सीएसएमटी ते कुर्ला आणि वाशी ते पनवेल स्थानकादरम्यान विशेष लोकल चालविण्यात येणार आहेत. ब्लॉक वेळेत ठाणे-वाशी/नेरुळ स्थानकांदरम्यान ट्रान्सहार्बरवरील फेऱ्या नियमित सुरू राहणार आहे.

'ठाकरे चाय' नवा ब्रॅंड, बिग बॉस फेम शिवने सुरू केला नवीन व्यवसाय

पश्चिम रेल्वे

स्थानक - बोरिवली ते जोगेश्वरी

मार्ग - पाचवी मार्गिका

वेळ - सकाळी १०.३५ ते दुपारी ३.३५

परिणाम - ब्लॉक वेळेत लोकल फेऱ्या रद्द राहणार आहेत. पाचव्या मार्गिकेवरील ब्लॉकमुळे २५ मार्च रोजी धावणारी अहमदाबाद-बोरिवली एक्स्प्रेस विरार स्थानकापर्यंत धावणार आहे. बोरिवली ते विरारदरम्यान ही गाडी रद्द राहणार आहे.