म.टा. प्रतिनिधी, मुंबई
मुंबई विद्यापीठाच्या परीक्षा व मूल्यांकन विभागाने आगामी उन्हाळी सत्र परीक्षांसाठी कंबर कसली असली तरी गोंधळाचा सिलसिला अद्याप कायम आहे. यापूर्वी १७ एप्रिलपासून सुरू होणारी ही परीक्षा वेळापत्रात त्रुटी असल्याच्या तक्रारीनंतर १८ एप्रिलपासून सुरू होणार असल्याचे जाहीर करण्यात आले. मात्र या नव्याने जाहीर केलेल्या वेळापत्रकातही त्रुटी असल्याची तक्रार विद्यार्थ्यांनी केली आहे.
मुंबई विद्यापीठाच्या परीक्षा व मूल्यमापन मंडळाने बीएमएमच्या वेळापत्रक काही दिवसांपूर्वी जाहीर केले होते. त्यानुसार या अभ्यासक्रमाची परीक्षा १७ एप्रिलपासून सुरू होणार होती. विद्यापीठाने जाहीर केलेल्या या वेळापत्रकानुसार नियमित विद्यार्थी आणि पुनर्परीक्षा देणाऱ्यांची परीक्षा एकाच दिवशी येत असल्याने अनेक विद्यार्थ्यांनी यासंदर्भात परीक्षा विभागाकडे तक्रार केली होती. त्याची दखल घेत परीक्षा १८ एप्रिलपासून सुरू होत असणारे नवे वेळापत्रक नुकतेच जाहीर केले. या वेळापत्रकानुसार ही परीक्षा ७ मेपर्यंत सुरू राहणार आहे.
विद्यापीठाच्या परीक्षा विभागाने नव्याने जाहीर केलेल्या वेळापत्रकाबाबत अनेक विद्यार्थ्यांनी आक्षेप नोंदवला आहे. यात नियमित विद्यार्थ्यांच्या 'डिजिटल मीडिया' विषयाचा पेपर जाहीर करण्यात आलेला नाही. फक्त पुनर्परीक्षा देणाऱ्या विद्यार्थ्यांसाठीच या विषयाच्या परीक्षेची तारीख जाहीर करण्यात आल्याचे विद्यार्थ्यांकडून सांगण्यात आले. याबाबत परीक्षा विभागाने लवकरात लवकर खुलासा करावा, अशी मागणी विद्यार्थ्यांकडून करण्यात येत आहे. याबाबत परीक्षा व मूल्यमापन मंडळाशी संपर्क साधण्याचा प्रयत्न केला असता, तो होऊ शकलेला नाही.
मुंबई विद्यापीठाच्या परीक्षा व मूल्यांकन विभागाने आगामी उन्हाळी सत्र परीक्षांसाठी कंबर कसली असली तरी गोंधळाचा सिलसिला अद्याप कायम आहे. यापूर्वी १७ एप्रिलपासून सुरू होणारी ही परीक्षा वेळापत्रात त्रुटी असल्याच्या तक्रारीनंतर १८ एप्रिलपासून सुरू होणार असल्याचे जाहीर करण्यात आले. मात्र या नव्याने जाहीर केलेल्या वेळापत्रकातही त्रुटी असल्याची तक्रार विद्यार्थ्यांनी केली आहे.
मुंबई विद्यापीठाच्या परीक्षा व मूल्यमापन मंडळाने बीएमएमच्या वेळापत्रक काही दिवसांपूर्वी जाहीर केले होते. त्यानुसार या अभ्यासक्रमाची परीक्षा १७ एप्रिलपासून सुरू होणार होती. विद्यापीठाने जाहीर केलेल्या या वेळापत्रकानुसार नियमित विद्यार्थी आणि पुनर्परीक्षा देणाऱ्यांची परीक्षा एकाच दिवशी येत असल्याने अनेक विद्यार्थ्यांनी यासंदर्भात परीक्षा विभागाकडे तक्रार केली होती. त्याची दखल घेत परीक्षा १८ एप्रिलपासून सुरू होत असणारे नवे वेळापत्रक नुकतेच जाहीर केले. या वेळापत्रकानुसार ही परीक्षा ७ मेपर्यंत सुरू राहणार आहे.
विद्यापीठाच्या परीक्षा विभागाने नव्याने जाहीर केलेल्या वेळापत्रकाबाबत अनेक विद्यार्थ्यांनी आक्षेप नोंदवला आहे. यात नियमित विद्यार्थ्यांच्या 'डिजिटल मीडिया' विषयाचा पेपर जाहीर करण्यात आलेला नाही. फक्त पुनर्परीक्षा देणाऱ्या विद्यार्थ्यांसाठीच या विषयाच्या परीक्षेची तारीख जाहीर करण्यात आल्याचे विद्यार्थ्यांकडून सांगण्यात आले. याबाबत परीक्षा विभागाने लवकरात लवकर खुलासा करावा, अशी मागणी विद्यार्थ्यांकडून करण्यात येत आहे. याबाबत परीक्षा व मूल्यमापन मंडळाशी संपर्क साधण्याचा प्रयत्न केला असता, तो होऊ शकलेला नाही.