आणखी सहा ठिकाणी टनेल बोरिंग मशिन
म. टा. विशेष प्रतिनिधी, मुंबई
माहीम नयानगर येथे बोगदा खणण्याच्या कामास सुरुवात झाल्यानंतर आता आणखी सहा ठिकाणी कुलाबा-वांद्रे-सीप्झ या मार्गासाठी अजस्त्र अशा टनेल बोरिंग मशिन कार्यरत होतील. या प्रकल्पासाठी एकूण १७ मशिन वापरल्या जाणार आहेत.
या मशिन उतवरण्यासाठी माहीमसह आणखी सहा ठिकाणी विहिरी (शाफ्ट) खणण्यात आल्या आहेत. या विहिरींमध्ये या मशिन उतरवून खोदकामाला सुरुवात होईल. या सर्व मशिन कार्यरत झाल्यानंतर मेट्रो-३च्या कामाला आणखी वेग येईल.
सध्या माहीम येथे कार्यरत असलेली मशिन सिद्धिविनायक मंदिर ते शीतलादेवी या पट्ट्यात खोदकाम करत आहे. त्यासाठी या ठिकाणी दोन मशिन ठेवण्यात आल्या आहेत. कफ परेड ते हुतात्मा चौक या पट्ट्यात खोदकामाची दोन यंत्रे उतरवण्यासाठी कुलाबा वुड्स व कफ परेड येथे विहिरी खोदण्यात आल्या आहेत. छत्रपती शिवाजी महाराज टर्मिनस ते ग्रँट रोड मार्गासाठी आझाद मैदानात दोन, मुंबई सेंट्रल ते वरळी मार्गासाठी सायन्स म्युझियम वरळी येथे दोन, वांद्रे कुर्ला कॉम्प्लेक्स ते सांताक्रुझसाठी विद्यानगरी कालिना येथे तीन, इंटरनॅशनल व डोमेस्टिक एअरपोर्टसाठी सहार रोड अंधेरी पूर्वेकडे दोन, तर मरोळ नाका ते कार डेपोसाठी पाली मैदान, मरोळ नाका येथे तीन यंत्र काम करणार आहेत.
१२ टीबीएम मशिनच्या चाचण्या पूर्ण झाल्या आहेत. चार मशिन यापूर्वीच प्रकल्पस्थळी दाखल झाल्या आहेत. १३ मशिन फेब्रुवारी २०१८ मध्ये मुंबईत येतील. या मशिन जमिनीच्या खाली २५ ते ३० मीटर खोल भागात काम करतात. त्यामुळे पृष्ठभागावर किंवा आसपासच्या बांधकामांना किंवा निवासी इमारतींना कंपने जाणवण्याची शक्यता कमी असल्याचा दावा करण्यात आला आहे.
म. टा. विशेष प्रतिनिधी, मुंबई
माहीम नयानगर येथे बोगदा खणण्याच्या कामास सुरुवात झाल्यानंतर आता आणखी सहा ठिकाणी कुलाबा-वांद्रे-सीप्झ या मार्गासाठी अजस्त्र अशा टनेल बोरिंग मशिन कार्यरत होतील. या प्रकल्पासाठी एकूण १७ मशिन वापरल्या जाणार आहेत.
या मशिन उतवरण्यासाठी माहीमसह आणखी सहा ठिकाणी विहिरी (शाफ्ट) खणण्यात आल्या आहेत. या विहिरींमध्ये या मशिन उतरवून खोदकामाला सुरुवात होईल. या सर्व मशिन कार्यरत झाल्यानंतर मेट्रो-३च्या कामाला आणखी वेग येईल.
सध्या माहीम येथे कार्यरत असलेली मशिन सिद्धिविनायक मंदिर ते शीतलादेवी या पट्ट्यात खोदकाम करत आहे. त्यासाठी या ठिकाणी दोन मशिन ठेवण्यात आल्या आहेत. कफ परेड ते हुतात्मा चौक या पट्ट्यात खोदकामाची दोन यंत्रे उतरवण्यासाठी कुलाबा वुड्स व कफ परेड येथे विहिरी खोदण्यात आल्या आहेत. छत्रपती शिवाजी महाराज टर्मिनस ते ग्रँट रोड मार्गासाठी आझाद मैदानात दोन, मुंबई सेंट्रल ते वरळी मार्गासाठी सायन्स म्युझियम वरळी येथे दोन, वांद्रे कुर्ला कॉम्प्लेक्स ते सांताक्रुझसाठी विद्यानगरी कालिना येथे तीन, इंटरनॅशनल व डोमेस्टिक एअरपोर्टसाठी सहार रोड अंधेरी पूर्वेकडे दोन, तर मरोळ नाका ते कार डेपोसाठी पाली मैदान, मरोळ नाका येथे तीन यंत्र काम करणार आहेत.
१२ टीबीएम मशिनच्या चाचण्या पूर्ण झाल्या आहेत. चार मशिन यापूर्वीच प्रकल्पस्थळी दाखल झाल्या आहेत. १३ मशिन फेब्रुवारी २०१८ मध्ये मुंबईत येतील. या मशिन जमिनीच्या खाली २५ ते ३० मीटर खोल भागात काम करतात. त्यामुळे पृष्ठभागावर किंवा आसपासच्या बांधकामांना किंवा निवासी इमारतींना कंपने जाणवण्याची शक्यता कमी असल्याचा दावा करण्यात आला आहे.