मेट्रोचा रॉड कोसळला

म. टा. प्रतिनिधी, मुंबई

दहीसर डीएन नगर मेट्रो-२ चे काम सुरू असताना मालाड लिंकिंग रोड येथे लोखंडाचा रॉड कोसळला. मात्र या दुर्घटनेत कोणालाही दुखापत झाली नाही.

या मेट्रो मार्गाचे काम दिल्ली मेट्रो रेल्वे कॉर्पेारेशन करत असून त्यासाठी रस्त्याच्या कडेला बॅरिकेडस उभारण्यात आले आहेत. या बॅरिकेडसच्या आता लोखंडाचा रॉड उभारण्यात आला होता. हा रॉड अचानक कोसळला. या प्रकरणी अजूनपर्यंत कोणालाही दंड ठोठावण्यात आला नसला, तरी या प्रकरणाची चौकशी केली जात आहे. यापूर्वी अंधेरी पूर्व ते दहीसर पूर्व या मेट्रो मार्गाचे काम सुरू असताना अशाच प्रकारची दुर्घटना झाली होती.