म. टा. विशेष प्रतिनिधी, मुंबई
दक्षिण मुंबईतल्या बी वॉर्डातील ‘म्हाडा’च्या कंत्राटदारांचे काम बंद आंदोलन अजूनही सुरूच आहे. म्हाडाकडून सुमारे पंधरा ते सतरा कोटी रुपयांची थकबाकी शिल्लक आहे. कामाचे पैसे अदा केल्याशिवाय इमारतींच्या दुरुस्तीचे काम सुरू करणार नाही, अशी भूमिका कंत्राटदारांनी घेतली आहे. त्यामुळे डोंगरी, भेंडीबाजार, मोहम्मद अली रोडवरील जुन्या इमारतींच्या दुरुस्तीचे काम सध्या बंद आहे.
दक्षिण मुंबईत उपकरप्राप्त जुन्या व मोडकळीस आलेल्या इमारतींची दुरुस्ती म्हाडाच्या कंत्राटदारांमार्फत होते. बी वॉर्डमध्ये सुमारे तीनशे ते साडेतीनशे लहान मोठे कंत्राटदार आहेत. या कंत्राटदारांची म्हाडाने फेब्रुवारी २०१७पासूनची बिले थकवली आहेत. त्यामुळे या कंत्राटदारांनी दुरुस्तीचे काम मागील आठवड्यापासून बंद केले आहे.
बी वॉर्डमध्ये मशिद बंदर, नागदेवी स्ट्रीट, मोहम्मद अली रोड आदी विभागांचा समावेश आहे. या विभागात सुमारे तेराशे जुन्या उपकरप्राप्त इमारती आहेत. त्यातील किमान पन्नास टक्के इमारतींच्या दुरुस्तीची गरज आहे. सध्या अनेक इमारतींची दुरुस्ती सुरू आहे. पण कंत्राटदारांनी काम बंद केल्यामुळे दुरुस्तीचे काम बंद झाले आहे.
काम का बंद पाडले?
या वॉर्डमधील म्हाडाच्या कंत्राटदारांच्या म्हणण्यानुसार, म्हाडाने गेल्या आठ महिन्यांपासूनची बिले थकवली आहेत. वॉर्डचे बजेट संपल्याचे सांगण्यात आले. पूर्वी दुरुस्तीसाठी मध्यवर्ती बजेट होते. पण गेल्या काही काळापासून प्रत्येक वॉर्डचे स्वतंत्र बजेट झाले आहे. त्यामुळे बी वॉर्डचे बजेट संपल्याचे आम्हाला सांगण्यात आले. आमचे कामगार रोजंदारीवर आहेत. त्यामुळे त्यांना दररोजचे पैसे व कच्च्या मालाचे पैसे वेळेवर द्यावेच लागतात. म्हाडाकडे आम्ही पैशासाठी अनेकदा पत्रव्यवहार केला पण कोणताही प्रतिसाद मिळाला नाही, असा आरोप कंत्राटदारांनी केला आहे. सर्व कंत्राटदारांची मिळून पंधरा ते सतरा कोटी रुपयांची बिले थकली आहेत. पूर्ण पैसे दिल्याशिवाय आम्ही दुरुस्तीचे काम सुरू करणार नाही. या विभागात एखादी इमारत दुर्घटना घडली तर आमची जबाबदारी राहाणार नाही, असे बी वॉर्ड कॉन्ट्रॅक्टर असोसिएशनचे अध्यक्ष असिफ कुरेशी म्हणाले. या संदर्भात म्हाडाचे मुख्य कार्यकारी अधिकारी सुमंत भांगे यांच्याशी संपर्क साधण्याचा प्रयत्न केला पण त्यांनी प्रतिसाद दिला नाही.
दक्षिण मुंबईतल्या बी वॉर्डातील ‘म्हाडा’च्या कंत्राटदारांचे काम बंद आंदोलन अजूनही सुरूच आहे. म्हाडाकडून सुमारे पंधरा ते सतरा कोटी रुपयांची थकबाकी शिल्लक आहे. कामाचे पैसे अदा केल्याशिवाय इमारतींच्या दुरुस्तीचे काम सुरू करणार नाही, अशी भूमिका कंत्राटदारांनी घेतली आहे. त्यामुळे डोंगरी, भेंडीबाजार, मोहम्मद अली रोडवरील जुन्या इमारतींच्या दुरुस्तीचे काम सध्या बंद आहे.
दक्षिण मुंबईत उपकरप्राप्त जुन्या व मोडकळीस आलेल्या इमारतींची दुरुस्ती म्हाडाच्या कंत्राटदारांमार्फत होते. बी वॉर्डमध्ये सुमारे तीनशे ते साडेतीनशे लहान मोठे कंत्राटदार आहेत. या कंत्राटदारांची म्हाडाने फेब्रुवारी २०१७पासूनची बिले थकवली आहेत. त्यामुळे या कंत्राटदारांनी दुरुस्तीचे काम मागील आठवड्यापासून बंद केले आहे.
बी वॉर्डमध्ये मशिद बंदर, नागदेवी स्ट्रीट, मोहम्मद अली रोड आदी विभागांचा समावेश आहे. या विभागात सुमारे तेराशे जुन्या उपकरप्राप्त इमारती आहेत. त्यातील किमान पन्नास टक्के इमारतींच्या दुरुस्तीची गरज आहे. सध्या अनेक इमारतींची दुरुस्ती सुरू आहे. पण कंत्राटदारांनी काम बंद केल्यामुळे दुरुस्तीचे काम बंद झाले आहे.
काम का बंद पाडले?
या वॉर्डमधील म्हाडाच्या कंत्राटदारांच्या म्हणण्यानुसार, म्हाडाने गेल्या आठ महिन्यांपासूनची बिले थकवली आहेत. वॉर्डचे बजेट संपल्याचे सांगण्यात आले. पूर्वी दुरुस्तीसाठी मध्यवर्ती बजेट होते. पण गेल्या काही काळापासून प्रत्येक वॉर्डचे स्वतंत्र बजेट झाले आहे. त्यामुळे बी वॉर्डचे बजेट संपल्याचे आम्हाला सांगण्यात आले. आमचे कामगार रोजंदारीवर आहेत. त्यामुळे त्यांना दररोजचे पैसे व कच्च्या मालाचे पैसे वेळेवर द्यावेच लागतात. म्हाडाकडे आम्ही पैशासाठी अनेकदा पत्रव्यवहार केला पण कोणताही प्रतिसाद मिळाला नाही, असा आरोप कंत्राटदारांनी केला आहे. सर्व कंत्राटदारांची मिळून पंधरा ते सतरा कोटी रुपयांची बिले थकली आहेत. पूर्ण पैसे दिल्याशिवाय आम्ही दुरुस्तीचे काम सुरू करणार नाही. या विभागात एखादी इमारत दुर्घटना घडली तर आमची जबाबदारी राहाणार नाही, असे बी वॉर्ड कॉन्ट्रॅक्टर असोसिएशनचे अध्यक्ष असिफ कुरेशी म्हणाले. या संदर्भात म्हाडाचे मुख्य कार्यकारी अधिकारी सुमंत भांगे यांच्याशी संपर्क साधण्याचा प्रयत्न केला पण त्यांनी प्रतिसाद दिला नाही.