महिलेशी गैरवर्तन करणाऱ्यास अटक

मुंबई ः शाळेत मुलाला आणायला निघालेल्या ३२ वर्षीय महिलेशी गैरवर्तन करणाऱ्या २६ वर्षीय आरोपीला आर. ए. किडवाई पोलिसांनी अटक केली आहे. मोहम्मद शाबाद इब्राहिम शेख असे या आरोपीचे नाव असून तो घाटकोपरचा रहिवाशी आहे.

शिवडीच्या महात्मा फुलेनगर, शिवडी क्रॉस रोड येथे राहणारी पीडित महिला मुलाला शाळेत आणण्यासाठी निघाली होती. मुलाला आणायला उशीर झाल्याने ती टॅक्सीची वाट पहात उभी होती. त्यावेळी खासगी कार चालक मोहम्मद शाबाद इब्राहिम शेख त्या ठिकाणी उभा होता. त्यावेळी तरुणी रहात असलेल्या ठिकाणच्या मित्राची ओळख सांगत महिलेशी जवळीक साधण्याचा त्याने प्रयत्न केला. त्यानंतर त्या महिलेला मुलाला शाळेजवळ सोडतो. असे सांगत पीडितेला सोबत येण्यास आग्रह केला. पीडित महिला त्याच्यासोबत कारने काही अंतरावर गेली असता त्याने महिलेचा हात धरून तिच्याशी गैरवर्तन केले. पीडित महिलेने आरडाओरडा करण्याचा प्रयत्न केला. त्यावेळी मोहम्मदने गाडी बाजूला लावून तिला उतरवले. याबाबत कुणाला सांगितल्यास परिणाम वाईट होतील अशी धमकी देत, मोहम्मद तेथून पळ काढला. या प्रकरणी महिलेने दिलेल्या तक्रारीनुसार पोलिसांनी गुन्हा दाखल करत मोहम्मदला घाटकोपर येथून अटक केली.