मुंबई : एका तरुणीच्या आत्महत्या प्रकरणात गेली वर्षभर चहुबाजूंनी होणारे आरोप, ठाकरे सरकारमध्ये असताना वनमंत्रीपदाचा द्यावा लागलेला राजीनामा, चौकशीचा सुरु झालेला ससेमिरा हे सगळं बाजूला सारुन राज्यातल्या सत्तातरानंतर संजय राठोडांना (Sanjay Rathod) तरुणीच्या आत्महत्या प्रकरणात क्लिनचिट मिळाली आणि नवे मुख्यमंत्री एकनाथ शिंदे यांनी मंत्रिपदी संधीही दिली. मंत्रिमंडळ विस्ताराला अवघे काही मिनिटे शिल्लक असताना त्यांना मंत्रिपद मिळाल्याचा निरोप पोहोचला. ते तातडीने सह्याद्री अतिथिगृहावर पोहोचले. मुख्यमंत्र्यांसोबतच्या बैठकीनंतर ते राजभवनावर दाखल झाले. यावेळी त्यांच्या चेहऱ्यावर आनंद ओसांडून वाहत होता. एकनाथ शिंदे यांनी शिवसेनेविरोधात बंड पुकारल्यानंतर सुरुवातीपासूनच संजय राठोड हे एकनाथ शिंदे यांच्या पाठिशी ठामपणे उभे राहिले होते. एकनाथ शिंदे सुरतला निघून जाण्यापूर्वी संजय राठोड हे सतत त्यांच्यासोबत वावरत होते. याशिवाय, बंजारा समाजात संजय राठोड यांना मानणारा मोठा वर्ग आहे. त्यामुळे शिंदे-फडणवीस सरकारमध्ये संजय राठोड यांचे मंत्रिपद पक्के मानले जात होते.
भाजपच्या केंद्रीय नेतृत्त्वाने नव्या सरकारमध्ये कलंकित मंत्री नको, अशी भूमिका घेतली होती. ठाकरे सरकार असताना एका प्रकरणात संजय राठोड यांना मंत्रिपदाचा राजीनामा द्यावा लागला होता. परिणामी भाजपश्रेष्ठींच्या भूमिकेमुळे संजय राठोड यांची मंत्रिपदाची संधी हुकणार, अशी चर्चा सुरु झाली होती. मात्र, संजय राठोड हे शेवटच्या क्षणापर्यंत प्रयत्न करताना दिसले.
मुख्यमंत्री एकनाथ शिंदे सोमवारी नांदेड दौऱ्यावर गेले होते. त्यावेळीही संजय राठोड हे एकनाथ शिंदे यांच्यासोबतच होते. त्यानंतर मंगळवारी सकाळी संजय राठोड हे आपल्या पत्नीसह मुख्यमंत्री एकनाथ शिंदे यांच्या नंदनवन बंगल्यावर गेले होते. त्यानंतर साडेनऊ वाजता राठोड हे सह्याद्री अतिथीगृहावर बैठकीलाही पोहोचले आहेत. त्यामुळे संजय राठोड हे अगदी शेवटच्या क्षणापर्यंत लॉबिंग करत होते.
मंत्रिपदाची शपथ कोण कोण घेणार?
भाजपच्या केंद्रीय नेतृत्त्वाने नव्या सरकारमध्ये कलंकित मंत्री नको, अशी भूमिका घेतली होती. ठाकरे सरकार असताना एका प्रकरणात संजय राठोड यांना मंत्रिपदाचा राजीनामा द्यावा लागला होता. परिणामी भाजपश्रेष्ठींच्या भूमिकेमुळे संजय राठोड यांची मंत्रिपदाची संधी हुकणार, अशी चर्चा सुरु झाली होती. मात्र, संजय राठोड हे शेवटच्या क्षणापर्यंत प्रयत्न करताना दिसले.
मुख्यमंत्री एकनाथ शिंदे सोमवारी नांदेड दौऱ्यावर गेले होते. त्यावेळीही संजय राठोड हे एकनाथ शिंदे यांच्यासोबतच होते. त्यानंतर मंगळवारी सकाळी संजय राठोड हे आपल्या पत्नीसह मुख्यमंत्री एकनाथ शिंदे यांच्या नंदनवन बंगल्यावर गेले होते. त्यानंतर साडेनऊ वाजता राठोड हे सह्याद्री अतिथीगृहावर बैठकीलाही पोहोचले आहेत. त्यामुळे संजय राठोड हे अगदी शेवटच्या क्षणापर्यंत लॉबिंग करत होते.
मंत्रिपदाची शपथ कोण कोण घेणार?
- शंभूराज देसाई
- अब्दुल सत्तार
- दादा भुसे
- दीपक केसरकर
- उदय सामंत
- गुलाबराव पाटील
- संदीपान भुमरे
- तानाजी सावंत
- संजय राठोड
- चंद्रकांत पाटील
- सुधीर मुनगंटीवार
- मंगलप्रभात लोढा
- गिरीश महाजन
- राधाकृष्ण विखे पाटील
- सुरेश खाडे
- रविंद्र चव्हाण
- विजयकुमार गावित
- अतुल सावे