म. टा. प्रतिनिधी, मुंबई
मोनो रेल्वेच्या गाड्या सुस्थितीत रहाव्यात, बिघाड झाला तर वेळीच दूर करता यावा, यासाठी पुन्हा एकदा सुटे भाग मागवण्यात येणार आहेत. काही महिन्यांपूर्वीही एमएमआरडीएने मलेशियातून सुटे भाग मागवले होते. त्यामुळे मोनो गाड्यांची डागडुजी, देखभाल करणे शक्य होणार आहे.
मोनोच्या ताफ्यात सध्या ६ गाड्या आहेत. एकूण १० गाड्यांचा ताफा होता. परंतु उर्वरित चार गाड्या नादुरूस्त आहेत. त्यापैकी एक गाडी वर्षभरापूर्वी म्हैसूर कॉलनी स्थानकाजवळ लागलेल्या आगीत खाक झाली होती. तेव्हापासून सहाच गाड्यांवर मोनोची मदार आहे.
सध्या ताफ्यात असणाऱ्या काही गाड्यांचे सुटे भाग बदलण्यात आले होते. सुट्या भागांअभावी काही नादुरूस्त गाड्या यार्डात पडून होत्या. सुटे भाग आल्यानंतर या गाड्या सेवेत दाखल झाल्या आहेत. सध्या सहाच गाड्या ताफ्यात आहेत. मोनोचा वडाळा ते सातरस्ता हा दुसरा टप्पा सुरू झाल्यानंतर सेवेवरचा ताण तसेच प्रवासी संख्याही वाढ झाली आहे. गाड्यांची अपुरी संख्या असल्याने दोन फेऱ्यांमध्ये २० ते २५ मिनिटांचे अंतर ठेवावे लागत आहे. त्यामुळे प्रवासीसंख्या वाढूनही मोनोची कार्यक्षमता वाढलेली नाही. साहजिकच मोनोला नव्या गाड्यांची प्रतीक्षा आहे.
नव्या गाड्या ताफ्यात येईपर्यंत याच गाड्यांवर सेवेची मदार आहे. दुसरा टप्पाही सुरू झाल्याने गाड्या व्यवस्थित असाव्यात यासाठी एमएमआरडीएने खबरदारी घेतली आहे. वेळीच गाड्यांची दुरुस्ती व्हावी यासाठी सुटे भाग मागवण्याची प्रक्रिया सुरू झाली आहे. मागच्यावेळी मलेशियातून सुटे भाग मागवण्यात आले होते. सध्या गाड्या अपुऱ्या असल्याने एखाद्या गाडीत बिघाड झाल्यास वेळापत्रकावर परिणात होऊ शकतो. त्यामुळे गाड्या सुस्थितीत रहाव्यात, असा एमएमआरडीएचा प्रयत्न आहे.
मोनो रेल्वेच्या गाड्या सुस्थितीत रहाव्यात, बिघाड झाला तर वेळीच दूर करता यावा, यासाठी पुन्हा एकदा सुटे भाग मागवण्यात येणार आहेत. काही महिन्यांपूर्वीही एमएमआरडीएने मलेशियातून सुटे भाग मागवले होते. त्यामुळे मोनो गाड्यांची डागडुजी, देखभाल करणे शक्य होणार आहे.
मोनोच्या ताफ्यात सध्या ६ गाड्या आहेत. एकूण १० गाड्यांचा ताफा होता. परंतु उर्वरित चार गाड्या नादुरूस्त आहेत. त्यापैकी एक गाडी वर्षभरापूर्वी म्हैसूर कॉलनी स्थानकाजवळ लागलेल्या आगीत खाक झाली होती. तेव्हापासून सहाच गाड्यांवर मोनोची मदार आहे.
सध्या ताफ्यात असणाऱ्या काही गाड्यांचे सुटे भाग बदलण्यात आले होते. सुट्या भागांअभावी काही नादुरूस्त गाड्या यार्डात पडून होत्या. सुटे भाग आल्यानंतर या गाड्या सेवेत दाखल झाल्या आहेत. सध्या सहाच गाड्या ताफ्यात आहेत. मोनोचा वडाळा ते सातरस्ता हा दुसरा टप्पा सुरू झाल्यानंतर सेवेवरचा ताण तसेच प्रवासी संख्याही वाढ झाली आहे. गाड्यांची अपुरी संख्या असल्याने दोन फेऱ्यांमध्ये २० ते २५ मिनिटांचे अंतर ठेवावे लागत आहे. त्यामुळे प्रवासीसंख्या वाढूनही मोनोची कार्यक्षमता वाढलेली नाही. साहजिकच मोनोला नव्या गाड्यांची प्रतीक्षा आहे.
नव्या गाड्या ताफ्यात येईपर्यंत याच गाड्यांवर सेवेची मदार आहे. दुसरा टप्पाही सुरू झाल्याने गाड्या व्यवस्थित असाव्यात यासाठी एमएमआरडीएने खबरदारी घेतली आहे. वेळीच गाड्यांची दुरुस्ती व्हावी यासाठी सुटे भाग मागवण्याची प्रक्रिया सुरू झाली आहे. मागच्यावेळी मलेशियातून सुटे भाग मागवण्यात आले होते. सध्या गाड्या अपुऱ्या असल्याने एखाद्या गाडीत बिघाड झाल्यास वेळापत्रकावर परिणात होऊ शकतो. त्यामुळे गाड्या सुस्थितीत रहाव्यात, असा एमएमआरडीएचा प्रयत्न आहे.