मुंबई: मनसेप्रमुख राज ठाकरे यांचा बहुचर्चित अयोध्या दौरा पुढे ढकलला जाण्याची दाट शक्यता आहे. प्रकृतीच्या कारणास्तव राज ठाकरे यांनी हा निर्णय घेतल्याची चर्चा आहे. याबाबत मनसेकडून अद्याप कोणतीही अधिकृत घोषणा झालेली नाही. मात्र, राज ठाकरे (Raj Thackeray) स्वत: याबाबत प्रसारमाध्यमांशी संवाद साधली, असे सूत्रांकडून सांगितले जात आहे. राज ठाकरे यांच्या पायाच्या जुन्या दुखण्याने उचल खाल्ल्याने राज ठाकरे यांच्यावर अयोध्या दौरा पुढे ढकलण्याची वेळ आल्याचे सांगितले जाते. एक ते दीड वर्षांपूर्वी राज यांच्या पायाला दुखापत झाली होती. तेव्हापासून राज ठाकरे यांना हा त्रास जाणवत आहे. मध्यंतरी राज ठाकरे पुणे दौऱ्यावर गेले होते. तेव्हादेखील पायाच्या दुखण्यामुळेच त्यांना दौरा अर्धवट सोडून माघारी परतावे लागले होते. या दुखापतीसंदर्भात मध्यंतरी त्यांनी उपचारही घेतले होते. परंतु, आता या दुखण्याने पुन्हा डोके वर काढले आहे.
पुण्यात २२ मे रोजी होणाऱ्या सभेनंतर राज ठाकरे डॉक्टरांचा पुन्हा सल्ला घेणार आहेत. या सल्ल्यानुसार अयोध्या दौऱ्यासंदर्भातील पुढील आखणी केली जाईल. राज यांच्या अयोध्या दौऱ्याचे भवितव्य डॉक्टरांच्या सल्ल्यावर सर्व अवलंबून आहे. त्यानुसारच राज निर्णय घेतील, असं सांगण्यात येत आहे. राज यांच्या पायासंदर्भातील समस्येवर उपचार म्हणून शस्त्रक्रिया करण्याची पुन्हा गरज लागू शकते. शस्त्रक्रिया झाली तर ते लगेच दौऱ्यावर जाऊ शकणार नाहीत. त्यामुळे राज ठाकरे यांना नाईलाजाने का होईना पण अयोध्या दौरा पुढे ढकलावा लागू शकतो.
राज ठाकरे हे लवकरच मनसेच्या प्रमुख नेत्यांना आणि पदाधिकाऱ्यांना शिवतीर्थवर पाचारण करून याबाबत माहिती देऊ शकतात. हा दौरा का स्थगिती करण्यात आला, याबाबत राज ठाकरे मनसेच्या नेत्यांमसमोर भूमिका मांडलीत. त्यानंतर राज ठाकरे स्वत:च अयोध्या दौरा तुर्तास रद्द झाल्याची घोषणा करतील, अशी सूत्रांची माहिती आहे.
राज ठाकरे यांच्या दौऱ्याला कडवा विरोध
राज ठाकरे यांच्या अयोध्या दौऱ्याला उत्तर प्रदेशातील भाजप खासदार बृजभूषण सिंह यांनीही कडाडून विरोध केला होता. राज ठाकरे यांनी उत्तर भारतीयांचा अपमान केला होता. यासाठी ते माफी मागत नाहीत, तोपर्यंत राज ठाकरे यांना अयोध्येत पाऊल ठेवून देणार नाही, अशी गर्जना बृजभूषण सिंह यांनी केली होती. त्यामुळे राज ठाकरे यांचा अयोध्या दौरा खडतर मानला जात होता. राज ठाकरे यांच्या अयोध्या दौऱ्याासाठी मनसेने जोरदार तयारी केली होती. शरयू नदीच्या काठावर जोरदार शक्तीप्रदर्शन करण्याचा प्लॅन मनसेने आखला होता. तसेच मनसेच्या कार्यकर्त्यांना अयोध्येत जाण्यासाठी १० एक्स्प्रेस रेल्वेगाड्या बूक करण्यासंदर्भातही बोलणी सुरु होती. मात्र, आता राज ठाकरे यांनीच प्रकृतीच्या कारणास्तव बॅकआऊट केल्यास मनसेची अयोध्या दौऱ्याची तयारी थंडावणार आहे.
पुण्यात २२ मे रोजी होणाऱ्या सभेनंतर राज ठाकरे डॉक्टरांचा पुन्हा सल्ला घेणार आहेत. या सल्ल्यानुसार अयोध्या दौऱ्यासंदर्भातील पुढील आखणी केली जाईल. राज यांच्या अयोध्या दौऱ्याचे भवितव्य डॉक्टरांच्या सल्ल्यावर सर्व अवलंबून आहे. त्यानुसारच राज निर्णय घेतील, असं सांगण्यात येत आहे. राज यांच्या पायासंदर्भातील समस्येवर उपचार म्हणून शस्त्रक्रिया करण्याची पुन्हा गरज लागू शकते. शस्त्रक्रिया झाली तर ते लगेच दौऱ्यावर जाऊ शकणार नाहीत. त्यामुळे राज ठाकरे यांना नाईलाजाने का होईना पण अयोध्या दौरा पुढे ढकलावा लागू शकतो.
राज ठाकरे हे लवकरच मनसेच्या प्रमुख नेत्यांना आणि पदाधिकाऱ्यांना शिवतीर्थवर पाचारण करून याबाबत माहिती देऊ शकतात. हा दौरा का स्थगिती करण्यात आला, याबाबत राज ठाकरे मनसेच्या नेत्यांमसमोर भूमिका मांडलीत. त्यानंतर राज ठाकरे स्वत:च अयोध्या दौरा तुर्तास रद्द झाल्याची घोषणा करतील, अशी सूत्रांची माहिती आहे.
राज ठाकरे यांच्या दौऱ्याला कडवा विरोध
राज ठाकरे यांच्या अयोध्या दौऱ्याला उत्तर प्रदेशातील भाजप खासदार बृजभूषण सिंह यांनीही कडाडून विरोध केला होता. राज ठाकरे यांनी उत्तर भारतीयांचा अपमान केला होता. यासाठी ते माफी मागत नाहीत, तोपर्यंत राज ठाकरे यांना अयोध्येत पाऊल ठेवून देणार नाही, अशी गर्जना बृजभूषण सिंह यांनी केली होती. त्यामुळे राज ठाकरे यांचा अयोध्या दौरा खडतर मानला जात होता. राज ठाकरे यांच्या अयोध्या दौऱ्याासाठी मनसेने जोरदार तयारी केली होती. शरयू नदीच्या काठावर जोरदार शक्तीप्रदर्शन करण्याचा प्लॅन मनसेने आखला होता. तसेच मनसेच्या कार्यकर्त्यांना अयोध्येत जाण्यासाठी १० एक्स्प्रेस रेल्वेगाड्या बूक करण्यासंदर्भातही बोलणी सुरु होती. मात्र, आता राज ठाकरे यांनीच प्रकृतीच्या कारणास्तव बॅकआऊट केल्यास मनसेची अयोध्या दौऱ्याची तयारी थंडावणार आहे.