मनसे अध्यक्ष राज ठाकरे यांना करोनाची लागण; आईचा अहवालही पॉझिटिव्ह

मुंबई : मनसे अध्यक्ष राज ठाकरे (MNS Raj Thackeray) यांना करोनाची लागण झाल्याची माहिती समोर येत आहे. सौम्य लक्षणे असल्याने त्यांच्यावर घरीच उपचार सुरू होते, मात्रा आता त्यांना लीलावती रुग्णालयात दाखल केल्याची माहिती आहे. राज ठाकरे यांच्या आईचा करोना रिपोर्टही पॉझिटिव्ह आल्याचे समजते. महानगरपालिकेच्या अधिकाऱ्यांनी या बातमीला दुजोरा दिला आहे.

काही दिवसांपूर्वी राज ठाकरे यांना करोनाची प्राथमिक लक्षणे आढळून आली. त्यामुळे चाचणी केली असता त्यांना करोनाची लागण झाल्याचं स्पष्ट झालं. राज यांच्यासह त्यांच्या आईची करोना चाचणीही पॉझिटिव्ह आल्याची माहिती आहे.

दरम्यान, राज्यातील महानगरपालिकांच्या निवडणुका जवळ आल्याने सर्वच पक्षांच्या हालचाली वाढल्या आहेत. राज ठाकरे हेदेखील विविध शहरांचे दौरे करत आहेत. मात्र प्रकृती अस्वास्थ्यामुळे आगामी काही दिवसांतील त्यांचे दौरे स्थगित करण्यात आले आहेत.