म. टा. प्रतिनिधी, मुंबई : मुंबई रेल्वे आणि शहर हद्दीसह हार्बर रेल्वेवरील सराईत मोबाइलचोराला बेड्या ठोकण्यात वडाळा रेल्वे पोलिसांना यश आले आहे. आरिफ अकबर हुसैन खान असे या आरोपीचे नाव आहे. आरिफला जेलबंद केल्यानंतर १३ गुन्ह्यांचा छडा लावण्यात आला असून यात एकूण ६ मोबाइल जप्त करण्यात आले आहे.
अशी आहे घटना
मुंबई शहर हद्दीत अनेक गुन्ह्यांत सहभागी असलेला आरिफ मानखुर्द ते कुर्ला असा हार्बरमार्गाने रेल्वेप्रवास करत असल्याची माहिती रेल्वेच्या गुन्हे शाखेला मिळाली. तो चोरलेले मोबाइल गोवंडी स्थानकात विक्री करण्यासाठी येणार असल्याची माहिती पोलिसांना मिळाली होती. गुन्हे शाखेच्या पथकाने गोवंडी स्थानकात त्याला पकडण्यासाठी सापळा रचला. संबंधित बातमीदाराच्या इशाऱ्याने आरोपी आरिफची ओळख पटवताच पोलिसांनी त्याला ताब्यात घेतले.
आरिफ हा लोकलच्या दरवाज्यात उभा राहून उतरणाऱ्या प्रवाशांना हेरून त्यांना धक्का देत मोबाइलचोरी करत होता, अशी माहिती पोलिसांनी दिली. मात्र पोलिसांना पाहून आरिफचे धाबे दणाणले. सुरुवातीला आरिफ पोलिसांच्या प्रश्नांना उडवाउडवीची उत्तरे देत होता. त्यानंतर त्याला पोलिस स्थानकात आणले. पंचासमोर तपासणी केली असता दोन मोबाइल सापडले. सखोल चौकशीनंतर वडाळा रेल्वे पोलिस स्थानकातील तीन गुन्हे आणि वाशी रेल्वे पोलिस ठाण्यातील एक यांसह मुंबईतील १३ गुन्ह्यांची कबुली आरोपीने दिली. रेल्वे पोलिसांनी आरिफला अटक करत त्याच्याकडून ६ मोबाइल हस्तगत करण्यात आले.
अशी आहे घटना
मुंबई शहर हद्दीत अनेक गुन्ह्यांत सहभागी असलेला आरिफ मानखुर्द ते कुर्ला असा हार्बरमार्गाने रेल्वेप्रवास करत असल्याची माहिती रेल्वेच्या गुन्हे शाखेला मिळाली. तो चोरलेले मोबाइल गोवंडी स्थानकात विक्री करण्यासाठी येणार असल्याची माहिती पोलिसांना मिळाली होती. गुन्हे शाखेच्या पथकाने गोवंडी स्थानकात त्याला पकडण्यासाठी सापळा रचला. संबंधित बातमीदाराच्या इशाऱ्याने आरोपी आरिफची ओळख पटवताच पोलिसांनी त्याला ताब्यात घेतले.
आरिफ हा लोकलच्या दरवाज्यात उभा राहून उतरणाऱ्या प्रवाशांना हेरून त्यांना धक्का देत मोबाइलचोरी करत होता, अशी माहिती पोलिसांनी दिली. मात्र पोलिसांना पाहून आरिफचे धाबे दणाणले. सुरुवातीला आरिफ पोलिसांच्या प्रश्नांना उडवाउडवीची उत्तरे देत होता. त्यानंतर त्याला पोलिस स्थानकात आणले. पंचासमोर तपासणी केली असता दोन मोबाइल सापडले. सखोल चौकशीनंतर वडाळा रेल्वे पोलिस स्थानकातील तीन गुन्हे आणि वाशी रेल्वे पोलिस ठाण्यातील एक यांसह मुंबईतील १३ गुन्ह्यांची कबुली आरोपीने दिली. रेल्वे पोलिसांनी आरिफला अटक करत त्याच्याकडून ६ मोबाइल हस्तगत करण्यात आले.