'मोजो'च्या मालकांवर सदोष मनुष्यवधाचा गुन्हा

मुंबई: कमला मिल कम्पाउंडमधील आग प्रकरणी मुंबई पोलिसांनी 'मोजो बिस्ट्रो' या पबच्या मालकांवर सदोष मनुष्यवधाचा गुन्हा दाखल केला आहे. आग नेमकी कुठून व कशामुळं लागली हे स्पष्ट झाल्यानंतर पोलिसांनी हा निर्णय घेतला आहे.

मागील आठवड्यात कमला मिल कम्पाउंडमध्ये लागलेल्या आगीत 'वन अबव्ह' व 'मोजो बिस्ट्रो' हे दोन पब जळून खाक झाले होते. तसंच, १४ जणांचा मृत्यू झाला होता. या प्रकरणी 'वन अबव्ह'च्या मालकांवर गुन्हा दाखल करण्यात आला होता. मात्र, या आगीचं मूळ 'मोजो बिस्ट्रो' होतं. तिथूनच आगीला सुरुवात झाली. नंतर ही आग भडकत जाऊन 'वन अबव्ह'लाही तिची मोठी झळ लागली, असं चौकशीतून समोर आलं आहे. त्यामुळं आता 'मोजो बिस्ट्रो'चे मालक युग पाठक व युग तुली यांच्यासह पबच्या मॅनेजरवर गुन्हा दाखल करण्यात आला आहे.