मुंबई: राज्यात मान्सून दाखल होऊन दोन दिवस झाले तरी किनारपट्टीवर मात्र त्याची फारशी प्रगती दिसली नाही. त्यामुळे मुंबईकरांना मान्सून कोकणातच रेंगाळणार अशी चिंता वाटत होती. मात्र शनिवारी संध्याकाळी उपनगरांमध्ये पावसाने हजेरी लावली. त्यानंतर ढगांचा गडगडाट आणि वीजाही चमकल्या आणि मुंबईकरांना मान्सूनच्या आगमनाची चाहूल मिळाली. भारतीय हवामान विभागाने रविवारी मुंबईमध्ये मान्सून दाखल होईल, असा अंदाज वर्तवला आहे. या अंदाजाला बळकटी देत गडगडाट आणि लखलखाट झाल्याने मुंबईकरांमध्ये उत्साहाचे वातावरण निर्माण झाले आहे.
गुड न्यूज! मान्सून महाराष्ट्रात दाखल; राज्यातील या भागांत सक्रिय
पूर, पाणी साचणे, चक्रीवादळे, झाडे कोसळणे अशा अनेक घटकांना पावसाळ्याच्या काळात चालना मिळत असली तरी मान्सून आगमन हे नेहमीच सकारात्मक असते. मान्सून आगमनाची तारीख रेंगाळली की चिंतेचे ढग दाटून येतात. मात्र यंदा समाधानकारक पाऊस असेल, असा अंदाज भारतीय हवामान विभागाने वर्तवल्याने करोनाच्या संकटाच्या पार्श्वभूमीवर किमान शेती व्यवस्थेला दिलासा मिळेल आणि त्यामुळे अर्थव्यवस्थेलाही याबद्दल आशा निर्माण झाली आहे. मान्सूनच्या बदललेल्या वेळापत्रकानुसार, मुंबईत १० जूनऐवजी मान्सून आगमनाची तारीख ११ जून असेल असा अंदाज होता. मात्र निसर्ग चक्रीवादळामुळे मान्सूनच्या प्रवासात थोडा खंड पडला.
शनिवारी संध्याकाळी डोंबिवली, कल्याण, वाशी, घणसोली, कुर्ला, चेंबूर अशा काही ठिकाणी २० मिलीमीटर किंवा त्याहून अधिक पावसाची नोंद झाली. तर बोरिवली, दहिसर येथेही रिमझिम सरी अनुभवायला मिळाल्या. शनिवारी मान्सूनने मध्य महाराष्ट्रातील काही भाग, मराठवाडा आणि विदर्भाचाही बराचसा भाग व्यापला. मान्सूनची प्रगतीचा अंदाज घेऊन रविवारी मुंबईसह उर्वरित भागामध्ये मान्सून दाखल होऊ शकतो, अशी शक्यता भारतीय हवामान विभागाने वर्तवली आहे.
मुंबईत येत्या ४८ तासांमध्ये मान्सून दाखल होण्याचा अंदाज
गुड न्यूज! मान्सून महाराष्ट्रात दाखल; राज्यातील या भागांत सक्रिय
पूर, पाणी साचणे, चक्रीवादळे, झाडे कोसळणे अशा अनेक घटकांना पावसाळ्याच्या काळात चालना मिळत असली तरी मान्सून आगमन हे नेहमीच सकारात्मक असते. मान्सून आगमनाची तारीख रेंगाळली की चिंतेचे ढग दाटून येतात. मात्र यंदा समाधानकारक पाऊस असेल, असा अंदाज भारतीय हवामान विभागाने वर्तवल्याने करोनाच्या संकटाच्या पार्श्वभूमीवर किमान शेती व्यवस्थेला दिलासा मिळेल आणि त्यामुळे अर्थव्यवस्थेलाही याबद्दल आशा निर्माण झाली आहे. मान्सूनच्या बदललेल्या वेळापत्रकानुसार, मुंबईत १० जूनऐवजी मान्सून आगमनाची तारीख ११ जून असेल असा अंदाज होता. मात्र निसर्ग चक्रीवादळामुळे मान्सूनच्या प्रवासात थोडा खंड पडला.
शनिवारी संध्याकाळी डोंबिवली, कल्याण, वाशी, घणसोली, कुर्ला, चेंबूर अशा काही ठिकाणी २० मिलीमीटर किंवा त्याहून अधिक पावसाची नोंद झाली. तर बोरिवली, दहिसर येथेही रिमझिम सरी अनुभवायला मिळाल्या. शनिवारी मान्सूनने मध्य महाराष्ट्रातील काही भाग, मराठवाडा आणि विदर्भाचाही बराचसा भाग व्यापला. मान्सूनची प्रगतीचा अंदाज घेऊन रविवारी मुंबईसह उर्वरित भागामध्ये मान्सून दाखल होऊ शकतो, अशी शक्यता भारतीय हवामान विभागाने वर्तवली आहे.
मुंबईत येत्या ४८ तासांमध्ये मान्सून दाखल होण्याचा अंदाज