आंगणेवाडीनिमित्त मध्य, कोकण रेल्वेच्या जादा गाड्या

म. टा. खास प्रतिनिधी, मुंबई

मध्य रेल्वे आणि कोकण रेल्वेने आंगणेवाडी जत्रेनिमित्त सीएसएमटी ते मडगाव/लोकमान्य टिळक टर्मिनस/सावंतवाडी आणि पुणे-सावंतवाडी मार्गावर जादा गाड्या सोडल्या आहेत.

एलटीटी-सावंतवाडी मार्गावर गाडी क्र. ०१४३७ विशेष गाडी २६ जानेवारी रोजी एलटीटीहून रा. १२.४५ वाजता सुटणार असून सकाळी ११.३० वाजता सावंतवाडी येथे पोहोचेल.

गाडी क्र. ०१४३८ विशेष गाडी सावंतवाडीहून २६ जानेवारी रोजी दु. १.१० वाजता सुटून एलटीटीस मध्यरात्री १२.२० वाजता पोहोचेल. ठाणे, पनवेल, रोहा, खेड, चिपळूण, रत्नागिरी, नांदगाव, कणकवली, सिंधुदुर्ग, कुडाळ येथे थांबे दिले आहेत.

सीएसएमटी-मडगाव-एलटीटी गाडी क्र. ०११५९ ही सीएसएमटीहून २८ जानेवारी रात्री १२.२० वाजता सुटून दुपारी १२.३० वाजता मडगाव येथे पोहोचेल. परतीच्या मागार्वर गाडी क्र. ०११६० मडगावहून २८ जानेवारी रोजी दु. ४.४० वाजता सुटून एलटीटीस दुसऱ्या दिवशी पहाटे ४.१० वाजता पोहोचेल. या गाडीस, दादर ठाणे, पनवेल, रोहा, खेड, चिपळूण, रत्नागिरी, कणकवली, सिंधुदुर्ग, कुडाळ, थिवीम, करमाळी येथे थांबे देण्यात आले आहेत.

पुणे- सावंतवाडी रोड मार्गावर गाडी क्र. ०११६३ ही पुण्याहून २५ जानेवारी रोजी सायं. ६.४५ वाजता सुटून सावंतवाडीला दुसऱ्या दिवशी दुपारी ४ वाजता पोहोचेल.

परतीच्या मागार्वर गाडी क्र. ०११६४ ही सावंतवाडीहून २६ जानेवारी रोजी पहाटे पाच वाजता सुटून पुण्यास सायं. ७.२० वाजता पोहोचेल. या गाडीस लोणवाळा, पनवेल, रोहा, खेड, चिपळूण, रत्नागिरी, नांदगाव, कणकवली, सिंधुदुर्ग, कुडाळ येथे थांबे दिले आहेत.