मुंबईः आपल्या मुलाच्या मार्गात कोणतंही संकट आलं तरी आई त्या संकटाशी दोन हात करते हे पुन्हा एकदा सिद्ध झाले आहे. महाराष्ट्रातील जळगाव जिल्ह्यातील आराध्य सरोदे (६) आणि हिंगोलीमध्ये राहणारी मयुरी ढेंबरे (९) या दोन्ही मुलांना यकृताचा कर्करोग असल्याचं निदान झालं होतं. त्यासाठी यकृत प्रत्यारोपणाशिवाय पर्याय नव्हता. आपल्या मुलांसाठी जन्मदात्या आईनंचं यकृत दान करण्याचा निर्णय घेतला. परळ येथील ग्लोबल रूग्णालयात ही शस्त्रक्रिया पार पडली.
जन्मतः या दोघांनाही यकृताची समस्या होती. परंतु, योग्य निदान होऊ न शकल्याने आजार वाढल्याने दोघांनाही कर्करोगाची लागण झाली होती. वैद्यकीय भाषेत याला हेपाटोब्लास्टोमा (बालपणातील एक अत्यंत दुर्मिळ यकृत कर्करोग) असे म्हणतात. या आजारामुळे दोन्ही मुलांचे यकृत निकामी झाले होते. या मुलांचे प्राण वाचवण्यासाठी यकृत प्रत्यारोपणाशिवाय पर्याय नव्हता. मात्र, दोघांसाठी त्यांची आई पुढे आली. या मातांनी यकृत दान करण्याची इच्छा व्यक्त केली. परंतु, देशभरात लॉकडाऊन असल्याने शस्त्रक्रियाही रखडल्या होत्या. पण अशा स्थितीत मुलांचा जीव वाचवणे गरजेचं असल्याने डॉक्टरांनी यकृत प्रत्यारोपणाचे आव्हान स्विकारले. परळ येथील ग्लोबल रूग्णालयातील यकृत प्रत्यारोपण सर्जन डॉ. रवी मोहंका आणि डॉ. अनुराग श्रीमल यांच्या मार्गदर्शनाखाली डॉक्टरांच्या चमूने ही शस्त्रक्रिया केली.
मुंबईतील रुग्णालयांतून अर्धा डझन मृतदेह गायब; भाजपनं यादीच दिली
देशभरातील लॉकडाऊनमुळे शस्त्रक्रिया पुढे ढकलण्यात आल्या होत्या. परंतु, रूग्णाची प्रकृती पाहून पहिल्यांदा जीव वाचवणे गरजेचं आहे. या अनुषंगाने डॉक्टरांनी शस्त्रक्रिया करण्याचा निर्णय घेतला. या शस्त्रक्रियेमुळे दोन्ही मुलांना नव्याने जीवनदान मिळाले आहे.
यासंदर्भात बोलताना ग्लोबल हॉस्पिटलमधील पेडियाट्रिक हेपिटोलॉजिस्ट डॉ. विभोर बोरकर म्हणाले की, 'या रूग्णांना १० वेळी केमोथेरपी देणे गरजेचं असतं. परंतु, बऱ्याचदा सातव्या किंवा आठव्या केमोथेरपीच्या सायकलनंतर रूग्णांची स्थिती पाहून यकृत प्रत्यारोपण शस्त्रक्रिया करणे आवश्यक असते. परंतु, या दोघांच्याबाबतीत लॉकडाऊन असल्याने मार्चमधील शस्त्रक्रिया पुढे ढकलावी लागली होती. मात्र, किमोथेरपी सुरू ठेवण्यात आली होती. अखेरीस मुलांची प्रकृती पाहून शस्त्रक्रिया करण्याचा निर्णय घेतला, असं डॉ. विभोर बोरकर यांनी सांगितलं.
'या' वेळेत उघडी राहणार मुंबईतील दुकानं; बीएमसीची सुधारीत नियमावली
'मुलीला यकृताचा कर्करोग असल्याचं निदान झाल्यावर आपल्या पायाखालची जमिनच सरकली होती. या आजाराबद्दल काहीच माहिती नव्हतं. पण मुलीला वाचवणे गरजेचं असल्याने तिला मुंबईला घेऊन आलो. याठिकाणी डॉक्टरांनी शस्त्रक्रिया करण्याशिवाय पर्याय नसल्याचं सांगितले. परंतु, शस्त्रक्रियेसाठी लाखो रूपये खर्च येणार होता. आर्थिक परिस्थिती कमकुवत असल्याने तिच्या यकृत प्रत्यारोपणासाठी आम्हाला मोठी रक्कम गोळा करणे शक्य नव्हते. परंतु, रूग्णालयातील डॉक्टरांच्या मदतीमुळे आणि प्रयत्नांमुळे शस्त्रक्रियेसाठी लागणारे पैसेही जमा झाले आणि माझ्या मुलीला नवीन आयुष्य मिळाले.' अशी प्रतिक्रिया मयुरीचे वडिल यशवंत ढेंबरे यांनी व्यक्त केली आहे.
जन्मतः या दोघांनाही यकृताची समस्या होती. परंतु, योग्य निदान होऊ न शकल्याने आजार वाढल्याने दोघांनाही कर्करोगाची लागण झाली होती. वैद्यकीय भाषेत याला हेपाटोब्लास्टोमा (बालपणातील एक अत्यंत दुर्मिळ यकृत कर्करोग) असे म्हणतात. या आजारामुळे दोन्ही मुलांचे यकृत निकामी झाले होते. या मुलांचे प्राण वाचवण्यासाठी यकृत प्रत्यारोपणाशिवाय पर्याय नव्हता. मात्र, दोघांसाठी त्यांची आई पुढे आली. या मातांनी यकृत दान करण्याची इच्छा व्यक्त केली. परंतु, देशभरात लॉकडाऊन असल्याने शस्त्रक्रियाही रखडल्या होत्या. पण अशा स्थितीत मुलांचा जीव वाचवणे गरजेचं असल्याने डॉक्टरांनी यकृत प्रत्यारोपणाचे आव्हान स्विकारले. परळ येथील ग्लोबल रूग्णालयातील यकृत प्रत्यारोपण सर्जन डॉ. रवी मोहंका आणि डॉ. अनुराग श्रीमल यांच्या मार्गदर्शनाखाली डॉक्टरांच्या चमूने ही शस्त्रक्रिया केली.
मुंबईतील रुग्णालयांतून अर्धा डझन मृतदेह गायब; भाजपनं यादीच दिली
देशभरातील लॉकडाऊनमुळे शस्त्रक्रिया पुढे ढकलण्यात आल्या होत्या. परंतु, रूग्णाची प्रकृती पाहून पहिल्यांदा जीव वाचवणे गरजेचं आहे. या अनुषंगाने डॉक्टरांनी शस्त्रक्रिया करण्याचा निर्णय घेतला. या शस्त्रक्रियेमुळे दोन्ही मुलांना नव्याने जीवनदान मिळाले आहे.
यासंदर्भात बोलताना ग्लोबल हॉस्पिटलमधील पेडियाट्रिक हेपिटोलॉजिस्ट डॉ. विभोर बोरकर म्हणाले की, 'या रूग्णांना १० वेळी केमोथेरपी देणे गरजेचं असतं. परंतु, बऱ्याचदा सातव्या किंवा आठव्या केमोथेरपीच्या सायकलनंतर रूग्णांची स्थिती पाहून यकृत प्रत्यारोपण शस्त्रक्रिया करणे आवश्यक असते. परंतु, या दोघांच्याबाबतीत लॉकडाऊन असल्याने मार्चमधील शस्त्रक्रिया पुढे ढकलावी लागली होती. मात्र, किमोथेरपी सुरू ठेवण्यात आली होती. अखेरीस मुलांची प्रकृती पाहून शस्त्रक्रिया करण्याचा निर्णय घेतला, असं डॉ. विभोर बोरकर यांनी सांगितलं.
'या' वेळेत उघडी राहणार मुंबईतील दुकानं; बीएमसीची सुधारीत नियमावली
'मुलीला यकृताचा कर्करोग असल्याचं निदान झाल्यावर आपल्या पायाखालची जमिनच सरकली होती. या आजाराबद्दल काहीच माहिती नव्हतं. पण मुलीला वाचवणे गरजेचं असल्याने तिला मुंबईला घेऊन आलो. याठिकाणी डॉक्टरांनी शस्त्रक्रिया करण्याशिवाय पर्याय नसल्याचं सांगितले. परंतु, शस्त्रक्रियेसाठी लाखो रूपये खर्च येणार होता. आर्थिक परिस्थिती कमकुवत असल्याने तिच्या यकृत प्रत्यारोपणासाठी आम्हाला मोठी रक्कम गोळा करणे शक्य नव्हते. परंतु, रूग्णालयातील डॉक्टरांच्या मदतीमुळे आणि प्रयत्नांमुळे शस्त्रक्रियेसाठी लागणारे पैसेही जमा झाले आणि माझ्या मुलीला नवीन आयुष्य मिळाले.' अशी प्रतिक्रिया मयुरीचे वडिल यशवंत ढेंबरे यांनी व्यक्त केली आहे.