क्षिती जोगची गाडी चोरीला

मुंबई : टीव्ही मालिकांमधील अभिनेत्री क्षिती जोग हिची गाडी तिच्या घराजवळून चोरीला गेली. शनिवारी रात्री उशिरा शूटिंग संपवून क्षिती घरी आली. तिने तिची गाडी बिल्डिंगच्या बाहेरच्या रस्त्यावर पार्क केली. सकाळी तिचा ड्रॉयव्हर आला असता, त्याला गाडी जागेवर न दिसल्याने गाडी चोरीला गेली असल्याचे समजले. एमएच १२ एएफ २०१० नंबर असलेली पांढरी स्विफ्ट गाडी क्षितीकडे होती. या प्रकारची रीतसर तक्रार तिने दिंडोशी पोलिस स्टेशनमध्ये केली आहे.

गाडी नसल्याचे लक्षात आल्यानंतर पोलिसांकडे तक्रार दाखल केली. तेव्हा त्याचदिवशी त्याच परिसरातून आणखी एक गाडी चोरीला गेल्याचे पोलिसांनी सांगितले. पोलिस त्यांचे काम चोख करतील आणि लवकरच गाडी परत मिळेल, अशी आशा क्षितीने व्यक्त केली.