म. टा. विशेष प्रतिनिधी, मुंबई
जेट एअरवेजच्या विमानातून ६६ लाख रुपयांचे सोने अंगावर बाळगून आलेल्या दोघा सिंगापुरी प्रवाशांसह हा तस्करीच्या सोन्याचा ऐवज ताब्यात घेणाऱ्या व ज्यांच्यासाठी तो मागविला, त्याला अशा एकूण चौघांना अटक करण्यात विमानतळ कस्टम्सला यश आले आहे. बहुतांश वेळा केवळ सोने वाहून नेणारे पकडले जातात, मात्र ज्यांच्यासाठी सोने आणले, ते नामानिराळे राहतात.
जेट एअरवेजच्या विमानाने सिंगापूरहून आलेल्या विकनेश्वरन व केली ज्ञानमुथूअम्मल लुई या दोघा प्रवाशांनी १८०० ग्रॅम वजनाच्या दोन सोनसाखळ्या तसेच ६०० ग्रॅम वजनाची दोन सोन्याची कडी असा ऐवज अंगावर बाळगला होता. साखळ्या त्यांनी कंबरेला गुंडाळून कपड्याखाली दडविल्या होत्या, तर कडे डाव्या खांद्यात अडकवले होते. विमानतळ कस्टम्सच्या अधिकाऱ्यांनी या दोघांना अटक केली, तसेच हे सोने ताब्यात घेण्यासाठी आलेल्या राहुल गायकवाड यालाही अटक केली. राहुल गायकवाड हे सोने मयूर मेहता याला देणार होता. त्यालाही ताब्यात घेण्यात आले. अशा प्रकारे चौघांनाही अटक करण्यात आली असून अधिक चौकशी सुरू आहे.
जेट एअरवेजच्या विमानातून ६६ लाख रुपयांचे सोने अंगावर बाळगून आलेल्या दोघा सिंगापुरी प्रवाशांसह हा तस्करीच्या सोन्याचा ऐवज ताब्यात घेणाऱ्या व ज्यांच्यासाठी तो मागविला, त्याला अशा एकूण चौघांना अटक करण्यात विमानतळ कस्टम्सला यश आले आहे. बहुतांश वेळा केवळ सोने वाहून नेणारे पकडले जातात, मात्र ज्यांच्यासाठी सोने आणले, ते नामानिराळे राहतात.
जेट एअरवेजच्या विमानाने सिंगापूरहून आलेल्या विकनेश्वरन व केली ज्ञानमुथूअम्मल लुई या दोघा प्रवाशांनी १८०० ग्रॅम वजनाच्या दोन सोनसाखळ्या तसेच ६०० ग्रॅम वजनाची दोन सोन्याची कडी असा ऐवज अंगावर बाळगला होता. साखळ्या त्यांनी कंबरेला गुंडाळून कपड्याखाली दडविल्या होत्या, तर कडे डाव्या खांद्यात अडकवले होते. विमानतळ कस्टम्सच्या अधिकाऱ्यांनी या दोघांना अटक केली, तसेच हे सोने ताब्यात घेण्यासाठी आलेल्या राहुल गायकवाड यालाही अटक केली. राहुल गायकवाड हे सोने मयूर मेहता याला देणार होता. त्यालाही ताब्यात घेण्यात आले. अशा प्रकारे चौघांनाही अटक करण्यात आली असून अधिक चौकशी सुरू आहे.