‘मरे’च्या खजिन्यात नोटाबंदीने भर!

मुंबई : नोटाबंदीमुळे मध्य रेल्वेच्या खजिन्यात भर पडली आहे. गतवर्षी एप्रिल ते डिसेंबर या कालावधीत मध्य रेल्वेस ८२० कोटी रुपयांहून अधिक महसूल मिळाला आहे. त्याचप्रमाणे प्रवासी वाहतुकीत वाढ झाली आहे. त्यात नोटाबंदीनंतर पास, मेल/एक्स्प्रेसची तिकिटे काढण्यासाठी झालेल्या गर्दीचा परिणाम असल्याचे सांगितले जाते. मुंबई विभागच नव्हे तर दिल्ली, कोलकाता, मद्रास येथे रेल्वे वाहतुकीस त्याचा फायदा झाला आहे.

जुन्या नोटांच्या वापरासाठी शेकडो प्रवाशांनी लोकलचे पास, मेल/एक्स्प्रेसची एसी वर्गाची तिकिटे काढली. त्यात, तिकीट रद्द करण्याचे प्रमाणही मोठे असले तरीही रेल्वेस त्यातून चांगले उत्पन्न मिळाले आहे.