मुंबई: अंडरवर्ल्ड डॉन दाऊद इब्राहिमचा पुतण्या रिझवान कासकरला मोक्का लावण्यात आला आहे. एका व्यापाऱ्याकडून खंडणी उकळल्याच्या आरोपाखाली त्याला अटक करण्यात आली आहे.
मुंबई गुन्हे अन्वेषण विभागाच्या खंडणीविरोधी पथकाने रिझवानला अटक केली होती. देशाबाहेर पळून जात असताना बुधवारी रात्री गुन्हे शाखेच्या पथकाने त्याच्या मुसक्या आवळल्या. रिझवान हा दाऊदचा धाकटा भाऊ इक्बाल कासकरचा मुलगा आहे. त्याची रवानगी पोलीस कोठडीत करण्यात आली होती. इकबाल कासकरलाही पोलिसांनी यापूर्वीच अटक केली आहे. यापूर्वी मुंबई पोलिसांच्या खंडणी विरोधी पथकाने अहमद रझा वडारिया याला अटक केली होती. वडारिया हा दाऊद टोळीचा हस्तक फहिम मचमचचा हस्तक आहे. वडारियाच्या चौकशीत रिझवानचं नाव पुडे आलं. माहितीच्या आधारे पोलिसांनी सापळा रचला आणि मुंबई छत्रपती शिवाजी महाराज आंतरराष्ट्रीय विमानतळावर रिझवानला अटक केली. अटकेच्या भितीने तो परदेशात पळून जाण्याच्या तयारीत होता, अशी माहिती एक वरिष्ठ अधिकाऱ्याने दिली. त्याच्या विरोधात दोन गुन्हे दाखल असल्याने मोक्का लावण्यात आला आहे.
मुंबई गुन्हे अन्वेषण विभागाच्या खंडणीविरोधी पथकाने रिझवानला अटक केली होती. देशाबाहेर पळून जात असताना बुधवारी रात्री गुन्हे शाखेच्या पथकाने त्याच्या मुसक्या आवळल्या. रिझवान हा दाऊदचा धाकटा भाऊ इक्बाल कासकरचा मुलगा आहे. त्याची रवानगी पोलीस कोठडीत करण्यात आली होती. इकबाल कासकरलाही पोलिसांनी यापूर्वीच अटक केली आहे. यापूर्वी मुंबई पोलिसांच्या खंडणी विरोधी पथकाने अहमद रझा वडारिया याला अटक केली होती. वडारिया हा दाऊद टोळीचा हस्तक फहिम मचमचचा हस्तक आहे. वडारियाच्या चौकशीत रिझवानचं नाव पुडे आलं. माहितीच्या आधारे पोलिसांनी सापळा रचला आणि मुंबई छत्रपती शिवाजी महाराज आंतरराष्ट्रीय विमानतळावर रिझवानला अटक केली. अटकेच्या भितीने तो परदेशात पळून जाण्याच्या तयारीत होता, अशी माहिती एक वरिष्ठ अधिकाऱ्याने दिली. त्याच्या विरोधात दोन गुन्हे दाखल असल्याने मोक्का लावण्यात आला आहे.