११९ गोविंदा जखमी
सुरक्षित गोविंदाची हमी देणाऱ्या मुंबईतील गोविंदा पथकांतील एकूण ११९ गोविंदा आज दहीहंडी फोडताना जखमी झाले आहेत. जखमी गोविंदांपैकी २४ गोविंदांवर वेगवेगळ्या रुग्णालयांमध्ये उपचार सुरू आहेत. या गोविंदांची प्रकृती स्थिर असून आतापर्यंत २७ गोविंदांना रुग्णालयातून घरी सोडण्यात आले आहे.
महाराष्ट्र टाइम्स 25 Aug 2019, 4:00 am
म. टा. विशेष प्रतिनिधी, मुंबई
मुंबईः सुरक्षित गोविंदाची हमी देणाऱ्या मुंबईतील गोविंदा पथकांतील एकूण ११९ गोविंदा आज दहीहंडी फोडताना जखमी झाले आहेत. जखमी गोविंदांपैकी २४ गोविंदांवर वेगवेगळ्या रुग्णालयांमध्ये उपचार सुरू आहेत. या गोविंदांची प्रकृती स्थिर असून आतापर्यंत २७ गोविंदांना रुग्णालयातून घरी सोडण्यात आले आहे.
जखमी गोविंदापैकी केईएम रुग्णालयात १२, राजावाडी रुग्णालयात १०, नायर रुग्णालयामध्ये सहा, सायन रुग्णालयात चार, जे.जे. रुग्णालयात तीन, सेंट जॉर्जमध्ये पाच, जीटी रुग्णालयात तीन, गोवंडीच्या शताब्दीमध्ये दोन, मुलुंडच्या अग्रवाल रुग्णालयात एक, कूपरमध्ये चार, ट्रॉमा केअरमध्ये तीन, व्ही.एन. देसाईमध्ये एक तर कांदिवलीच्या शताब्दीमध्ये सहा गोविंदांना उपचारासाठी आणले. एका खासगी रुग्णालयातही एक गोविंदा दाखल आहे. जे.जे.मध्ये मानसी भोईर या १७ वर्षीय महिला गोविंदाला मांडी आणि टाचेच्या दुखापतीसाठी दाखल करण्यात आले. तिच्यावर उपचार करून नंतर तिला घरी सोडण्यात आले.
वरळीच्या उदय क्रीडा मंडळमधील २० वर्षीय अनिकेत सुतार या गोविंदाच्या डाव्या पायाला फ्रॅक्चर झाले आहे. ४१ वर्षीय सुनील सावंत हे श्री साई देवस्थान गोविंदा पथकातील असून यांच्या मानेला गंभीर दुखापत झाली आहे. या तिघांवरही केईएममध्ये रुग्णालयामध्ये उपचार सुरू आहेत. सावंत यांची प्रकृती गंभीर असल्याने त्यांना इतरत्र हालवण्याची चर्चा होती, मात्र रुग्णालय प्रशासनाने याला दुजोरा दिला नाही.
नीलेश सांगळे या २० वर्षीय गोविंदाच्या उजव्या पायाला इजा झाली असून, निमेश मारू या २१ वर्षांच्या आणि संतोष दळवी या ४४ वर्षांच्या गोविंदावर उपचार सुरू आहेत. दळवी यांना छातीला तसेच पाठीच्या मणक्याला इजा झाली आहे. शक्ती शंकर या ३५ वर्षांच्या गोविंदाच्या मानेला दुखापत झाली आहे. त्यांच्यावरही नायरमध्ये उपचार सुरू आहेत. वैभव बीस या १८ वर्षांच्या गोविंदावर उपचार करून त्याला घरी सोडण्यात आले. पालिका रुग्णालयाचे वैद्यकीय संचालक व नायर रुग्णालयाचे अधिष्ठाता डॉ. रमेश भारमल यांनी दिलेल्या माहितीनुसार एका गोविंदाच्या नाकाला, तर एका गोविंदाच्या हात आणि पायालाही फ्रॅक्चर झाले आहे.
बालगोविंदाही जखमी
काळाचौकीच्या एका पथकातील १२ वर्षीय विघ्नेश संजय काटकर या बालगोविंदाच्या डोक्याला जबर मार बसला आहे. नायर रुग्णालयात दर्शित मारू हा १० वर्षांचा बालगोविंदा दाखल असून, त्याच्या उजव्या हाताला इजा झाली आहे. सायनच्या लोकमान्य टिळक रुग्णालयाने दिलेल्या माहितीनुसार या रुग्णालयात सायं. ६ पर्यंत दाखल झालेल्या पाच गोविंदांवर उपचार करून घरी सोडण्यात आले. यात सुनील पटवा (१३), रूपराम देवस्थी (१०), रोहन सरोज (११) या बालगोविंदांचा समावेश होता.
मुंबईः सुरक्षित गोविंदाची हमी देणाऱ्या मुंबईतील गोविंदा पथकांतील एकूण ११९ गोविंदा आज दहीहंडी फोडताना जखमी झाले आहेत. जखमी गोविंदांपैकी २४ गोविंदांवर वेगवेगळ्या रुग्णालयांमध्ये उपचार सुरू आहेत. या गोविंदांची प्रकृती स्थिर असून आतापर्यंत २७ गोविंदांना रुग्णालयातून घरी सोडण्यात आले आहे.
जखमी गोविंदापैकी केईएम रुग्णालयात १२, राजावाडी रुग्णालयात १०, नायर रुग्णालयामध्ये सहा, सायन रुग्णालयात चार, जे.जे. रुग्णालयात तीन, सेंट जॉर्जमध्ये पाच, जीटी रुग्णालयात तीन, गोवंडीच्या शताब्दीमध्ये दोन, मुलुंडच्या अग्रवाल रुग्णालयात एक, कूपरमध्ये चार, ट्रॉमा केअरमध्ये तीन, व्ही.एन. देसाईमध्ये एक तर कांदिवलीच्या शताब्दीमध्ये सहा गोविंदांना उपचारासाठी आणले. एका खासगी रुग्णालयातही एक गोविंदा दाखल आहे. जे.जे.मध्ये मानसी भोईर या १७ वर्षीय महिला गोविंदाला मांडी आणि टाचेच्या दुखापतीसाठी दाखल करण्यात आले. तिच्यावर उपचार करून नंतर तिला घरी सोडण्यात आले.
वरळीच्या उदय क्रीडा मंडळमधील २० वर्षीय अनिकेत सुतार या गोविंदाच्या डाव्या पायाला फ्रॅक्चर झाले आहे. ४१ वर्षीय सुनील सावंत हे श्री साई देवस्थान गोविंदा पथकातील असून यांच्या मानेला गंभीर दुखापत झाली आहे. या तिघांवरही केईएममध्ये रुग्णालयामध्ये उपचार सुरू आहेत. सावंत यांची प्रकृती गंभीर असल्याने त्यांना इतरत्र हालवण्याची चर्चा होती, मात्र रुग्णालय प्रशासनाने याला दुजोरा दिला नाही.
नीलेश सांगळे या २० वर्षीय गोविंदाच्या उजव्या पायाला इजा झाली असून, निमेश मारू या २१ वर्षांच्या आणि संतोष दळवी या ४४ वर्षांच्या गोविंदावर उपचार सुरू आहेत. दळवी यांना छातीला तसेच पाठीच्या मणक्याला इजा झाली आहे. शक्ती शंकर या ३५ वर्षांच्या गोविंदाच्या मानेला दुखापत झाली आहे. त्यांच्यावरही नायरमध्ये उपचार सुरू आहेत. वैभव बीस या १८ वर्षांच्या गोविंदावर उपचार करून त्याला घरी सोडण्यात आले. पालिका रुग्णालयाचे वैद्यकीय संचालक व नायर रुग्णालयाचे अधिष्ठाता डॉ. रमेश भारमल यांनी दिलेल्या माहितीनुसार एका गोविंदाच्या नाकाला, तर एका गोविंदाच्या हात आणि पायालाही फ्रॅक्चर झाले आहे.
बालगोविंदाही जखमी
काळाचौकीच्या एका पथकातील १२ वर्षीय विघ्नेश संजय काटकर या बालगोविंदाच्या डोक्याला जबर मार बसला आहे. नायर रुग्णालयात दर्शित मारू हा १० वर्षांचा बालगोविंदा दाखल असून, त्याच्या उजव्या हाताला इजा झाली आहे. सायनच्या लोकमान्य टिळक रुग्णालयाने दिलेल्या माहितीनुसार या रुग्णालयात सायं. ६ पर्यंत दाखल झालेल्या पाच गोविंदांवर उपचार करून घरी सोडण्यात आले. यात सुनील पटवा (१३), रूपराम देवस्थी (१०), रोहन सरोज (११) या बालगोविंदांचा समावेश होता.