‘त्या’ मृतदेहाची अद्याप ओळख पटलेली नाही

मुंबई : लोकमान्य टिळक टर्मिनस परिसरात रविवारी सुटकेसमध्ये मिळून आलेल्या १२ वर्षांच्या मुलाच्या मृतदेहाची अद्याप ओळख पटलेली नाही. या गुन्ह्यातील आरोपीचे चित्रण पोलिसांना सीसीटीव्हीत मिळाले आहे. या आरोपीची ओळख पटविण्यासाठी पोलिस आधारकार्डची मदत घेतील.

आधारकार्ड काढताना नागरिकांचे डोळे आणि हाताचे ठसे घेण्यात आले होते. त्यानुसार सीसीटीव्हीतील चित्रण आणि आधारकार्डमधील डेटा पोलिस तपासणार आहेत. आरोपीचे आधारकार्ड असेल, तर पोलिसांना या आरोपीची ओळख मिळू शकेल, असे एका वरिष्ठ अधिका‍ऱ्याने सांगितले. मुलाची ओळख पटविण्यासाठी पोलिसांनी सर्व बेपत्ता मुलांची माहिती मागवली आहे.