मुंबई
मुंबईच्या वांद्रे पश्चिम भागात असलेल्या लालमाती झोपडपट्टीला भीषण आग लागली आहे. अग्निशमन दलाच्या २० गाड्या घटनास्थळी पोहोचल्या असून आग विझवण्यासाठी युद्धपातळीवर प्रयत्न सुरू आहेत. दाटीवाटीचा परिसर असल्यानं अग्निशमन दलाला आग विझवताना मोठ्या अडचणींना सामोरं जावं लागत आहे.
आगीचं नेमकं कारण अद्याप कळालेलं नाही. प्राथमिक माहितीनुसार दोन-तीन सिलेंडरचा स्फोट झाल्याने आग भडकल्याचं सांगण्यात येत आहे. आग भीषण स्वरुपाची असून यात जवळपास ५० ते ६० झोपड्या जळून खाक झाल्याचं कळतं. आगीमुळे परिसरात धुराचे लोट पसरले असून नागरिकांमध्ये भीतीचं वातावरण आहे.
झोपडपट्टीच्या जवळच फर्निचरची दुकानं असल्याने आग पसरण्याची भीती आहे. परिसरात अतिशय अरुंद गल्ल्या असल्याने अग्निशमन दलाचे जवान जवळच्या पुलावरून आग विझवण्याचा प्रयत्न करत आहेत. आगीत जखमी झालेल्यांना जवळच्या रुग्णालयात दाखल करण्यात येत आहे. जीवीतहानीची कोणतीही माहिती अद्याप समोर आलेली नाही.
मुंबईच्या वांद्रे पश्चिम भागात असलेल्या लालमाती झोपडपट्टीला भीषण आग लागली आहे. अग्निशमन दलाच्या २० गाड्या घटनास्थळी पोहोचल्या असून आग विझवण्यासाठी युद्धपातळीवर प्रयत्न सुरू आहेत. दाटीवाटीचा परिसर असल्यानं अग्निशमन दलाला आग विझवताना मोठ्या अडचणींना सामोरं जावं लागत आहे.
आगीचं नेमकं कारण अद्याप कळालेलं नाही. प्राथमिक माहितीनुसार दोन-तीन सिलेंडरचा स्फोट झाल्याने आग भडकल्याचं सांगण्यात येत आहे. आग भीषण स्वरुपाची असून यात जवळपास ५० ते ६० झोपड्या जळून खाक झाल्याचं कळतं. आगीमुळे परिसरात धुराचे लोट पसरले असून नागरिकांमध्ये भीतीचं वातावरण आहे.
झोपडपट्टीच्या जवळच फर्निचरची दुकानं असल्याने आग पसरण्याची भीती आहे. परिसरात अतिशय अरुंद गल्ल्या असल्याने अग्निशमन दलाचे जवान जवळच्या पुलावरून आग विझवण्याचा प्रयत्न करत आहेत. आगीत जखमी झालेल्यांना जवळच्या रुग्णालयात दाखल करण्यात येत आहे. जीवीतहानीची कोणतीही माहिती अद्याप समोर आलेली नाही.