मुंबई
निवडणुकीनंतर कोणाचा फायदा होणार आहे, हे अवघ्या चार दिवसांमध्ये स्पष्ट होईलच. त्या आधी स्थानिक मातीत रंगणाऱ्या या निवडणुकीचं मात्र, काही लोककलाकारांना ‘दान पावलं’ आहे. विधानसभा आणि लोकसभेच्या निवडणुकीत न झालेला ‘लोककलेचा जागर’ महापालिका निवडणुकीत मात्र दिसला. त्यामुळे लोककलाकारांमध्येही आशेचे वातावरण निर्माण झाले आहे.
शाहीर निशांत शेख यांनी शिवसेनेच्या सुमारे १५ ते १६ सभांमध्ये सहभाग नोंदवला. त्यांनी भाषणाआधी सुमारे तासभर कार्यक्रम सादर केला. त्यांच्यासोबत ज्येष्ठ शाहीर कृष्णकांत जाधवही होते. कृष्णकांत जाधव यांचे वय सुमारे ८४ वर्षे आहे. शिवसेनेच्या सभांच्या माध्यमातून शाहीर निशांत शेख आणि कृष्णकांत जाधव यांनी जुनी कवने आणि नवीन पोवाडे सादर केले. यामध्ये समरगीते, लोकगीते यांचाही समावेश होता. शाहिरी परंपरेच्या दोन पिढ्या या माध्यमातून लोकांसमोर आल्या आणि त्यांची कला पोहोचली, याचा आनंद असल्याची भावना शेख यांनी व्यक्त केली. त्यांच्यासोबत इतर १० ते १२ कलाकार होते. प्रतिकार्यक्रम त्यांना सुमारे १५ हजार रुपये देण्यात आले. त्यामुळे मुंबईमध्ये शाहिरी परंपरेला न मिळणारा आर्थिक सन्मानही निवडणुकीत मिळाला.
शाहीर आदिनाथ विभुते यांनाही जिल्हा परिषद निवडणुकीच्या पार्श्वभूमीवर तीन कार्यक्रमांसाठी मिळून २५ हजार रुपये मिळणार होते. मात्र, ते बाहेर असल्याने त्यांना कार्यक्रमात सहभागी होता आले नाही. त्यांनी भाजपच्या काही ध्वनिफितींसाठी आवाज मात्र दिला. यावेळी लोककलाकारांना फायदा झाला आहे, असे त्यांनी सांगितले. यंदा संयुक्त महाराष्ट्राचा मुद्दा गाजत असल्याने शाहिरी परंपरेला निवडणुकीत सन्मान मिळाला असेल, अशी प्रतिक्रिया या निमित्ताने देण्यात आली आहे.
वासुदेव भीमा काकडे २१ जानेवारीपासून लोकांना मतदानाचे आवाहन करत फिरत आहेत. लोकांनी मतदान करावे ही उर्मी वाटल्याने यासंदर्भात प्रचाराला सुरुवात केली. त्यानंतर आणखी काही वासुदेवांना निवडणूक आयोगाने सामील करून घेतले. काकडे यांना आयोगातर्फे या प्रचारासाठी सुमारे १५ हजार देण्यात आले, अशी माहिती त्यांनी दिली. निवडणुकीच्या प्रचारप्रक्रियेमध्ये सामील झालेल्या या कलाकारांना त्यांच्या हक्काचे, मेहनतीचे पैसे मिळाले आणि मुंबईकरांसमोर अनेक वर्षांनी कला सादर करता आली, याचा आनंद काही औरच होता, अशी भावना या लोककलाकारांनी व्यक्त केली आहे.
निवडणुकीनंतर कोणाचा फायदा होणार आहे, हे अवघ्या चार दिवसांमध्ये स्पष्ट होईलच. त्या आधी स्थानिक मातीत रंगणाऱ्या या निवडणुकीचं मात्र, काही लोककलाकारांना ‘दान पावलं’ आहे. विधानसभा आणि लोकसभेच्या निवडणुकीत न झालेला ‘लोककलेचा जागर’ महापालिका निवडणुकीत मात्र दिसला. त्यामुळे लोककलाकारांमध्येही आशेचे वातावरण निर्माण झाले आहे.
शाहीर निशांत शेख यांनी शिवसेनेच्या सुमारे १५ ते १६ सभांमध्ये सहभाग नोंदवला. त्यांनी भाषणाआधी सुमारे तासभर कार्यक्रम सादर केला. त्यांच्यासोबत ज्येष्ठ शाहीर कृष्णकांत जाधवही होते. कृष्णकांत जाधव यांचे वय सुमारे ८४ वर्षे आहे. शिवसेनेच्या सभांच्या माध्यमातून शाहीर निशांत शेख आणि कृष्णकांत जाधव यांनी जुनी कवने आणि नवीन पोवाडे सादर केले. यामध्ये समरगीते, लोकगीते यांचाही समावेश होता. शाहिरी परंपरेच्या दोन पिढ्या या माध्यमातून लोकांसमोर आल्या आणि त्यांची कला पोहोचली, याचा आनंद असल्याची भावना शेख यांनी व्यक्त केली. त्यांच्यासोबत इतर १० ते १२ कलाकार होते. प्रतिकार्यक्रम त्यांना सुमारे १५ हजार रुपये देण्यात आले. त्यामुळे मुंबईमध्ये शाहिरी परंपरेला न मिळणारा आर्थिक सन्मानही निवडणुकीत मिळाला.
शाहीर आदिनाथ विभुते यांनाही जिल्हा परिषद निवडणुकीच्या पार्श्वभूमीवर तीन कार्यक्रमांसाठी मिळून २५ हजार रुपये मिळणार होते. मात्र, ते बाहेर असल्याने त्यांना कार्यक्रमात सहभागी होता आले नाही. त्यांनी भाजपच्या काही ध्वनिफितींसाठी आवाज मात्र दिला. यावेळी लोककलाकारांना फायदा झाला आहे, असे त्यांनी सांगितले. यंदा संयुक्त महाराष्ट्राचा मुद्दा गाजत असल्याने शाहिरी परंपरेला निवडणुकीत सन्मान मिळाला असेल, अशी प्रतिक्रिया या निमित्ताने देण्यात आली आहे.
वासुदेव भीमा काकडे २१ जानेवारीपासून लोकांना मतदानाचे आवाहन करत फिरत आहेत. लोकांनी मतदान करावे ही उर्मी वाटल्याने यासंदर्भात प्रचाराला सुरुवात केली. त्यानंतर आणखी काही वासुदेवांना निवडणूक आयोगाने सामील करून घेतले. काकडे यांना आयोगातर्फे या प्रचारासाठी सुमारे १५ हजार देण्यात आले, अशी माहिती त्यांनी दिली. निवडणुकीच्या प्रचारप्रक्रियेमध्ये सामील झालेल्या या कलाकारांना त्यांच्या हक्काचे, मेहनतीचे पैसे मिळाले आणि मुंबईकरांसमोर अनेक वर्षांनी कला सादर करता आली, याचा आनंद काही औरच होता, अशी भावना या लोककलाकारांनी व्यक्त केली आहे.