​ ऐन दिवाळीत सुरक्षा अधिभाराचा बडगा

ऐन दिवाळीत मोठ्या प्रमाणात वाहनांची खरेदी होत असल्याने नेमक्या त्याकाळात नवीन वाहने घेणाऱ्यांना रस्ता सुरक्षा अधिभाराचा बडगा बसणार असल्याने नाराजी पसरली आहे. वाहने घेताना विविध कर, व्हॅट, एकरकमी वाहन कर, सेवाकर आदी आकारले जातात. त्यात २४ ऑक्टोबरपासून हा नवीन कर लावून भविष्यात सुरक्षा पुरवण्याचा दावा करणाऱ्या राज्य सरकारने आतापर्यंत नेमक्या काय सुधारणा केल्यात, असा प्रश्नही उपस्थित केला आहे.

किमान एक ते पाच हजार रु. फटका

हॅचबॅक (मारुती स्विफ्ट/पोलो फोक्सवॅगन, आय १० ह्युंदाई), प्रीमियम हॅचबॅक (बलेनो/ पोलोक्रॉस/ आय२०/ आय२० अॅक्टिव), ​सेदान (स्विफ्ट डिझायनर/ अॅमओ/ अॅक्सेंट), एसयूव्ही (वटारा ब्रीझा/ एक्स् क्रॉस /क्रेटा), प्रीमीयम एसयूव्ही (वेंटो‍/ व्हर्ना/ सिआझ) या पाच प्रकारातील गाड्यांची किंमत ३ ते १८ लाख रु.पर्यंत जाते. या गाड्यांच्या खरेदीसाठी सुमारे १ हजार ते पाच हजार रुपयांचा भुर्दंड सोसावा लागणार आहे.


प्रवासी सुरक्षेचे काय?

सरकार विविध कर आकारत असून त्यातून काहीही साध्य झालेले नाही. हा कर आकारून मग सुरक्षा व्यवस्था पुरवणे ही सुरक्षेच्या धोरणाशी विसंगत आहे.

अमोल लेले

वाहन प्रकार- अधिभार टक्केवारी
दुचाकी, तिचाकी, चारचाकी वाहने- एकरकमी कराच्या २%
हलकी मालवाहू वाहने (टेम्पो)- एकरकमी कराच्या ४%
मध्यम व अवजड मालवाहू वाहने- वार्षिक कराच्या १०%
एकरकमी कर भरणारी मध्यम-अवजड वाहने- एकरकमी कराच्या २%
कंत्राटी वाहने (उदा. टॅक्सी) ६+ १- एकरकमी कराच्या ५%
कंत्राटी वाहने आसन क्षमता ६+ १- वार्षिक देय कराच्या ५%