मुंबई :
मुंबई पदवीधर मतदारसंघाचे विद्यमान आमदार आणि राज्याचे आरोग्यमंत्री डॉ. दीपक सावंत यांचा पत्ता कट करून शिवसेनेने या मतदारसंघातून बोरिवलीचे विभागप्रमुख विलास पोतनीस यांना उमेदवारी जाहीर केली आहे. दरम्यान, पदवीधर मतदारसंघातील आमदारांचा कार्यकाळ येत्या ७ जुलै रोजी संपत असून कार्यकाळ संपताच सावंत यांना मंत्रिपदाचा राजीनामा द्यावा लागेल, असे सूत्रांनी सांगितले.
पालघर आणि भंडारा-गोंदिया लोकसभा मतदारसंघांच्या पोटनिवडणुकीनंतर राज्यात आता पदवीधर मतदारसंघांसाठी रणधुमाळी रंगू लागली आहे. सगळ्याच पक्षांनी ही निवडणूक प्रतिष्ठेची केली असून शिवसेनेने मोठा निर्णय घेत मुंबई पदवीधर मतदारसंघातून दीपक सावंत यांच्याऐवजी उत्तर मुंबईत संघटनेच्या बांधणीत महत्त्वाची भूमिका निभावणारे विलास पोतनीस यांना मैदानात उतरवले आहे.
दीपक सावंत यांच्याबाबत युवासेनेतून नाराजी होती. त्यामुळे आदित्य ठाकरे यांच्या सांगण्यावरून दीपक सावंत यांचा पत्ता कट करण्यात आल्याचेही सांगितले जात आहे.
दरम्यान, नाशिक, मुंबई आणि कोकण पदवीधर तसेच मुंबई शिक्षक मतदारसंघांसाठी येत्या २५ जून रोजी मतदान होणार असून २८ जून रोजी मतमोजणी होणार आहे.
मुंबई पदवीधर मतदारसंघाचे विद्यमान आमदार आणि राज्याचे आरोग्यमंत्री डॉ. दीपक सावंत यांचा पत्ता कट करून शिवसेनेने या मतदारसंघातून बोरिवलीचे विभागप्रमुख विलास पोतनीस यांना उमेदवारी जाहीर केली आहे. दरम्यान, पदवीधर मतदारसंघातील आमदारांचा कार्यकाळ येत्या ७ जुलै रोजी संपत असून कार्यकाळ संपताच सावंत यांना मंत्रिपदाचा राजीनामा द्यावा लागेल, असे सूत्रांनी सांगितले.
पालघर आणि भंडारा-गोंदिया लोकसभा मतदारसंघांच्या पोटनिवडणुकीनंतर राज्यात आता पदवीधर मतदारसंघांसाठी रणधुमाळी रंगू लागली आहे. सगळ्याच पक्षांनी ही निवडणूक प्रतिष्ठेची केली असून शिवसेनेने मोठा निर्णय घेत मुंबई पदवीधर मतदारसंघातून दीपक सावंत यांच्याऐवजी उत्तर मुंबईत संघटनेच्या बांधणीत महत्त्वाची भूमिका निभावणारे विलास पोतनीस यांना मैदानात उतरवले आहे.
दीपक सावंत यांच्याबाबत युवासेनेतून नाराजी होती. त्यामुळे आदित्य ठाकरे यांच्या सांगण्यावरून दीपक सावंत यांचा पत्ता कट करण्यात आल्याचेही सांगितले जात आहे.
दरम्यान, नाशिक, मुंबई आणि कोकण पदवीधर तसेच मुंबई शिक्षक मतदारसंघांसाठी येत्या २५ जून रोजी मतदान होणार असून २८ जून रोजी मतमोजणी होणार आहे.