ST कर्मचाऱ्यांना कामावर रुजू होण्याचे आदेश

मटा ऑनलाइन वृत्त । मुंबई

एसटी कर्मचाऱ्यांचा संप प्रथमदर्शनी बेकायदेशीर असल्याचं मत नोंदवत मुंबई हायकोर्टाने संपकरी कर्मचाऱ्यांना तत्काळ कामावर रुजू होण्याचे आदेश आज दिले आहेत.

एसटी कर्मचाऱ्यांच्या मागण्यांबाबत तोडगा काढण्यासाठी पाच सदस्यीय उच्चस्तरीय समिती नेमण्यात यावी. या समितीने कर्मचाऱ्यांना अंतरिम वेतनवाढ किती द्यायची, याबाबत तीन आठवड्यांत निर्णय घ्यावा, असे निर्देशही हायकोर्टाने दिले आहेत.

उच्चस्तरीय समितीमध्ये अर्थ सचिव, परिवहन सचिव (गृह), परिवहन आयुक्त, एसटी महामंडळाचे उपाध्यक्ष-व्यवस्थापकीय संचालक या चार जणांसह एकूण पाच जणांचा समावेश असेल, अशी माहिती यावेळी सरकारच्यावतीने हायकोर्टात देण्यात आली.