मुंबई:
अंधेरी एमआयडीसीतील कामगार हॉस्पिटलच्या आगीतून सुटका करत १० जणांचे प्राण वाचवणारा डिलिव्हरी बॉय सिद्धू हुमनाबडे (वय २०) याचा कामगार मंत्रालयाच्या वतीनं गौरव करण्यात आला. केंद्रीय कामगार राज्यमंत्री संतोष गंगवार यांच्या हस्ते त्याला १ लाख रुपयांचा धनादेश देऊन सन्मानित करण्यात आलं. सिद्धू हा स्विगीची पार्सल्स डिलिव्हरी करतो. पाच मजल्याच्या हॉस्पिटलच्या इमारतीत अग्निशमन दलाच्या जवानांसोबत सिद्धूनेही स्वतःला बचावकार्यात झोकून दिलं होतं. अग्निशमन दलाच्या शिडीचा वापर करून त्यानं दगडाच्या मदतीनं अनेक तावदानं फोडली. खिडकिच्या कठड्यावरून आत शिरून तो लोकांपर्यंत पोहोचला आणि त्यांना सुखरूप बाहेर काढलं होतं. दहावी पास असलेला सिद्धू काकांसोबत अंधेरीत राहतो. यापूर्वी तो ऐरोलीत राहायचा. पण स्विगीमध्ये डिलिव्हरी बॉयची नोकरी मिळाल्याने तो अंधेरीत राहायला आला.
अंधेरी एमआयडीसीतील कामगार हॉस्पिटलच्या आगीतून सुटका करत १० जणांचे प्राण वाचवणारा डिलिव्हरी बॉय सिद्धू हुमनाबडे (वय २०) याचा कामगार मंत्रालयाच्या वतीनं गौरव करण्यात आला. केंद्रीय कामगार राज्यमंत्री संतोष गंगवार यांच्या हस्ते त्याला १ लाख रुपयांचा धनादेश देऊन सन्मानित करण्यात आलं.