आयआयटीचे ‘स्वरचक्र’

मुंबई : स्मार्टफोनमध्ये भारतीय भाषांमध्ये टाइपिंग करताना करावी लागणारी कसरत दूर करण्यासाठी आयआयटी मुंबईचे विद्यार्थी पुढे आले आहेत. आयआयटीच्या आयडीसीच्या विद्यार्थ्यांनी ‘स्वरचक्र’ हे नवे की-पॅड विकासित केले असून येत्या २० मार्चला मायक्रोसॉफ्टच्या बंगळुरू येथील कार्यालयात त्याचे उद्घाटन होणार आहे. सध्या ‘स्वरचक्र’ हा एकूण १२ भारतीय भाषांमध्ये उपलब्ध आहे.

‘स्वरच्रक’ हा बहुउद्देशीय की-पॅडची रचना अमेरिकेच्या स्वानीसा विद्यापीठाच्या फ्युचर इटरॅक्शन टॅक्नॉलॉजी लॅबच्या मदतीने करण्यात आली आहे. अँड्राइड फोनसाठी या की-बोर्डचा वापर करता येणार आहे. या ‘स्वरचक्र’च्या माध्यमातून एका फोनमध्ये टायपिंग करत असताना दुसऱ्या फोनवरील टायपिंग पाहता येणार आहे. गुगल प्ले स्टोअरमध्ये हे की पॅड डाऊनलोड करता येणार आहे.