अंधेरीत बिबट्याचं दर्शन; स्थानिकांची भीतीने गाळण उडाली

मुंबई: आज सकाळी अंधेरी एमआयडीसीत बिबट्याचं दर्शन झाल्याने स्थानिकांमध्ये भीतीचं वातावरण निर्माण झालं आहे. बिबट्या नेमका कुठं लपला याचा थांगपत्ता लागत नसल्याने भीतीने गाळण उडालेले स्थानिक घरातच दडून बसले आहेत.

आज सकाळी अंधेरी एमआयडीसीतील मुलगाव डोगरी परिसरात बिबट्या आला होता. येथील जुन्या बंद कारखान्याच्या परिसरात हा बिबट्या फिरताना दिसला. काही लोकांनी या बिबट्याला फिरताना पाहिल्याने स्थानिकांमध्ये एकच घबराट पसरली. त्यानंतर वन विभागाला या घटनेची माहिती देण्यात आली. त्यानुसार वन विभागाच्या अधिकाऱ्यांनी घटनास्थळी धाव घेऊन पाहणी सुरू केली. या कारखान्याच्या परिसरात इमारती आणि मोठ्या प्रमाणावर झोपडपट्टी आहे. त्यामुळे दाटीवाटीने असलेल्या या झोपडपट्टीत वन विभागाने सर्च ऑपरेशन सुरू केलं आहे. तसेच बिबट्याला जाळयात पकडण्यासाठी वजीर ग्लास कंपाऊंड परिसरात दोन ट्रॅप लावण्यात आले आहेत.

बाप्पा पावला! ई-पासमधील विघ्न दूर; पोलिसांच्या संकेतस्थळावर दिला 'हा' पर्याय

हा बिबट्या ठाण्याच्या जंगलातून अंधेरी एमआयडीसी परिसरात आला असावा असं सांगण्यात येतं. बिबट्याचं दर्शन झालेला परिसर झोपडपट्टीचा असल्याने या ठिकाणी बिबट्याचा शोध घेणं कठिण झालं आहे. बिबट्याकडून रात्री-अपरात्री हल्ला होण्याच्या भीतीने स्थानिकांमध्ये मोठी दहशत निर्माण झाली आहे. तर, बिबट्याला पकडण्यासाठी वन विभागाच्या कर्मचाऱ्यांनी कसोशीने प्रयत्न सुरू केले आहेत.

याड लागलं! अभिनेत्रीच्या प्रेमात पडला तरूण, जेलमध्ये पोहोचला