माजी हवाईदल प्रमुखांची स्पष्टोक्ती
म. टा. विशेष प्रतिनिधी, मुंबई
भारतीय हवाईदलासह सर्वच संरक्षण दलांमध्ये जातीभेद, भाषा व धर्मभेद नाही. संरक्षण दलात आरक्षणही दिले जात नाही. संरक्षण दलात आरक्षण ठेवले तर दर्जावर परिणाम होईल, असे मत हवाईदल प्रमुख (निवृत्त) प्रदीप नाईक यांनी व्यक्त केले.
लोकमान्य सेवा संघ आणि मॅजेस्टिक बुक डेपोच्या सहकार्याने विलेपार्ले येथे मॅजेस्टिक गप्पांचे आयोजन केले आहे. ‘महाराष्ट्र टाइम्स’ या कार्यक्रमाचा मीडिया पार्टनर आहे. बुधवारी हवाईदल प्रमुख (निवृत्त) प्रदीप नाईक यांची डॉ. विवेक भट यांनी मुलाखत घेतली.
प्रदीप नाईक यांनी पार्ले टिळक विद्यालयातील विद्यार्थी ते सैनिकी शाळेपासून हवाई दलातील प्रवेश व हवाई दल प्रमुख पदापर्यंतचा प्रवास अतिशय रंजकपणे सांगितला. १९७१ च्या युद्धात त्यांनी भाग घेतला होता. पूर्व पाकिस्तानमध्ये जाऊन लढाऊ विमानातून केलेला बॉम्बवर्षाव अजूनही स्मरणात असल्याचे ते म्हणाले. हवाईदलातील मिग-२९च्या अपघाताबद्दल बोलताना ते म्हणाले की, मिग-२९ चे चार प्रकार होते. त्यातील सर्वांत जुन्या ‘टाइप ७७’ या विमानाला सर्वाधिक अपघात झाले. ही विमाने आधीच मोडीत काढणे गरजेचे होते, पण आपल्याकडे त्यावेळी पुरेशी विमाने नव्हती, असेही त्यांनी सांगितले.
हवाई दलातील महिलांच्या प्रवेशाचे त्यांनी यावेळी स्वागत केले. लढाऊ विमान चालवण्यासाठी महिला तेवढ्या सक्षम आहेत, त्यांना एक संधी द्यायला हवी, मात्र अनेकदा लढाऊ विमाने देशाच्या सीमा ओलांडून दुसऱ्या देशात जातात, त्यावेळी सीटची कळ दाबून पायलटला विमानाबाहेर उडी मारावी लागते. भारतीय सैनिक जेव्हा सीमारेषेच्या पलीकडे गेले तेव्हा त्यांच्या मृतदेहाची विटंबना केली होती. या पार्श्वभूमीवर महिला पायलटसमोर हा एक प्रश्न आहे. पण तरीही लढाऊ विमानावर महिलांना संधी द्यायला हरकत नाही, असे ते म्हणाले.
संरक्षण दलात राजकारण्यांचा हस्तक्षेप होत नाही पण नोकरशहांचा हस्तक्षेप होतो, असे त्यांनी एका प्रश्नाच्या उत्तरात सांगितले. हेलिकॉप्टर खरेदीतील भ्रष्टाचाराबाबत विचारलेल्या प्रश्नाला उत्तर देताना ते म्हणाले की, कोणत्याही दलाचा प्रमुख हा एकटा निर्णय घेत नाही. हे प्रकरण न्यायप्रविष्ट असल्याने त्यांनी यावर अधिक भाष्य केले नाही. यावेळी त्यांनी गप्पांच्या ओघात गोल्फ, व्हॉलीबॉल व क्रिकेटची आवड असल्याचे सांगितले. सचिन तेंडुलकरला हवाईदलात ग्रुप कॅप्टन आपल्या काळात केले याची आठवण त्यांनी सांगितली. पत्नी मधुबाला यांची भक्कम साथ मिळाल्याचे त्यांनी आवर्जून सांगितले. इंटेग्रिटी, ऑनेस्टी आणि लॉयल्टी यांचे आचरण करण्याचा त्यांनी सल्ला दिला.
म. टा. विशेष प्रतिनिधी, मुंबई
भारतीय हवाईदलासह सर्वच संरक्षण दलांमध्ये जातीभेद, भाषा व धर्मभेद नाही. संरक्षण दलात आरक्षणही दिले जात नाही. संरक्षण दलात आरक्षण ठेवले तर दर्जावर परिणाम होईल, असे मत हवाईदल प्रमुख (निवृत्त) प्रदीप नाईक यांनी व्यक्त केले.
लोकमान्य सेवा संघ आणि मॅजेस्टिक बुक डेपोच्या सहकार्याने विलेपार्ले येथे मॅजेस्टिक गप्पांचे आयोजन केले आहे. ‘महाराष्ट्र टाइम्स’ या कार्यक्रमाचा मीडिया पार्टनर आहे. बुधवारी हवाईदल प्रमुख (निवृत्त) प्रदीप नाईक यांची डॉ. विवेक भट यांनी मुलाखत घेतली.
प्रदीप नाईक यांनी पार्ले टिळक विद्यालयातील विद्यार्थी ते सैनिकी शाळेपासून हवाई दलातील प्रवेश व हवाई दल प्रमुख पदापर्यंतचा प्रवास अतिशय रंजकपणे सांगितला. १९७१ च्या युद्धात त्यांनी भाग घेतला होता. पूर्व पाकिस्तानमध्ये जाऊन लढाऊ विमानातून केलेला बॉम्बवर्षाव अजूनही स्मरणात असल्याचे ते म्हणाले. हवाईदलातील मिग-२९च्या अपघाताबद्दल बोलताना ते म्हणाले की, मिग-२९ चे चार प्रकार होते. त्यातील सर्वांत जुन्या ‘टाइप ७७’ या विमानाला सर्वाधिक अपघात झाले. ही विमाने आधीच मोडीत काढणे गरजेचे होते, पण आपल्याकडे त्यावेळी पुरेशी विमाने नव्हती, असेही त्यांनी सांगितले.
हवाई दलातील महिलांच्या प्रवेशाचे त्यांनी यावेळी स्वागत केले. लढाऊ विमान चालवण्यासाठी महिला तेवढ्या सक्षम आहेत, त्यांना एक संधी द्यायला हवी, मात्र अनेकदा लढाऊ विमाने देशाच्या सीमा ओलांडून दुसऱ्या देशात जातात, त्यावेळी सीटची कळ दाबून पायलटला विमानाबाहेर उडी मारावी लागते. भारतीय सैनिक जेव्हा सीमारेषेच्या पलीकडे गेले तेव्हा त्यांच्या मृतदेहाची विटंबना केली होती. या पार्श्वभूमीवर महिला पायलटसमोर हा एक प्रश्न आहे. पण तरीही लढाऊ विमानावर महिलांना संधी द्यायला हरकत नाही, असे ते म्हणाले.
संरक्षण दलात राजकारण्यांचा हस्तक्षेप होत नाही पण नोकरशहांचा हस्तक्षेप होतो, असे त्यांनी एका प्रश्नाच्या उत्तरात सांगितले. हेलिकॉप्टर खरेदीतील भ्रष्टाचाराबाबत विचारलेल्या प्रश्नाला उत्तर देताना ते म्हणाले की, कोणत्याही दलाचा प्रमुख हा एकटा निर्णय घेत नाही. हे प्रकरण न्यायप्रविष्ट असल्याने त्यांनी यावर अधिक भाष्य केले नाही. यावेळी त्यांनी गप्पांच्या ओघात गोल्फ, व्हॉलीबॉल व क्रिकेटची आवड असल्याचे सांगितले. सचिन तेंडुलकरला हवाईदलात ग्रुप कॅप्टन आपल्या काळात केले याची आठवण त्यांनी सांगितली. पत्नी मधुबाला यांची भक्कम साथ मिळाल्याचे त्यांनी आवर्जून सांगितले. इंटेग्रिटी, ऑनेस्टी आणि लॉयल्टी यांचे आचरण करण्याचा त्यांनी सल्ला दिला.