म. टा. विशेष प्रतिनिधी, मुंबई
वीज बिलाकरिता मीटर रीडिंग घेण्याची सुविधा मोबाइल अॅपवर उपलब्ध करून देण्यात आली आहे. राज्यातील एक कोटी २० लाख ग्राहकांनी या सुविधेचा लाभ घेतला आहे. प्रत्येक महिन्याच्या ३० तारखेला मीटर रीडिंगचे छायाचित्र मोबाइल अॅपवर टाकल्यास अचूक वीजबिल येण्यास मदत होईल, असे ऊर्जामंत्री चंद्रशेखर बावनकुळे यांनी शुक्रवारी विधानसभेत सांगितले.
कल्याण तालुक्यात महावितरणकडून चुकीच्या पध्दतीने रीडिंग घेतल्याने ग्राहकांच्या आर्थिक नुकसानाबाबत सदस्य सुभाष भोईर यांनी प्रश्न उपस्थित केला होता. त्याला उत्तर देताना बावनकुळे म्हणाले की, राज्यात फ्लॅश आणि रोलेक्स कंपनीच्या मीटरमध्ये तांत्रिक दोष आढळून आले आहेत. त्यामुळे या कंपन्यांची मीटर बदलण्यात आली आहेत. या दोन्ही कंपन्यांना महावितरणने काळ्या यादीत टाकले आहे. बऱ्याच ठिकाणी मीटर रिंडीग घेतले न गेल्याने वेळेवर वीजबिल मिळत नाही. काही वेळा अवाजवी वीजबिल दिले जाते. या सर्व तक्रारींची दखल घेऊन ग्राहकांना आता मीटर रीडिंगसाठी मोबाइल अॅपची सुविधा उपलब्ध करून देण्यात आली आहे. राज्यात एक कोटी ८० लाख ग्राहकांपैकी एक कोटी २० लाख ग्राहक ऑनलाइन झाले असून सर्वांना अॅपवर आणण्यासाठी प्रयत्न करण्यात येणार असल्याचे बावनकुळे यांनी सांगितले.
वीज बिलाकरिता मीटर रीडिंग घेण्याची सुविधा मोबाइल अॅपवर उपलब्ध करून देण्यात आली आहे. राज्यातील एक कोटी २० लाख ग्राहकांनी या सुविधेचा लाभ घेतला आहे. प्रत्येक महिन्याच्या ३० तारखेला मीटर रीडिंगचे छायाचित्र मोबाइल अॅपवर टाकल्यास अचूक वीजबिल येण्यास मदत होईल, असे ऊर्जामंत्री चंद्रशेखर बावनकुळे यांनी शुक्रवारी विधानसभेत सांगितले.
कल्याण तालुक्यात महावितरणकडून चुकीच्या पध्दतीने रीडिंग घेतल्याने ग्राहकांच्या आर्थिक नुकसानाबाबत सदस्य सुभाष भोईर यांनी प्रश्न उपस्थित केला होता. त्याला उत्तर देताना बावनकुळे म्हणाले की, राज्यात फ्लॅश आणि रोलेक्स कंपनीच्या मीटरमध्ये तांत्रिक दोष आढळून आले आहेत. त्यामुळे या कंपन्यांची मीटर बदलण्यात आली आहेत. या दोन्ही कंपन्यांना महावितरणने काळ्या यादीत टाकले आहे. बऱ्याच ठिकाणी मीटर रिंडीग घेतले न गेल्याने वेळेवर वीजबिल मिळत नाही. काही वेळा अवाजवी वीजबिल दिले जाते. या सर्व तक्रारींची दखल घेऊन ग्राहकांना आता मीटर रीडिंगसाठी मोबाइल अॅपची सुविधा उपलब्ध करून देण्यात आली आहे. राज्यात एक कोटी ८० लाख ग्राहकांपैकी एक कोटी २० लाख ग्राहक ऑनलाइन झाले असून सर्वांना अॅपवर आणण्यासाठी प्रयत्न करण्यात येणार असल्याचे बावनकुळे यांनी सांगितले.