मिकीचा बॉलिवूड स्टाइल बर्थडे
छोट्यांपासून मोठ्यांपर्यंतच्या लाडक्या मिकी माऊसचा आज, १८ नोव्हेंबरला ८८वा वाढदिवस असून, त्यानिमित्ताने तो बॉलिवूड स्टाईल गाण्यावर पार्टी करताना दिसत आहे. या आनंदोत्सवासाठी डिस्नेने ‘मॅजिक मिक्स’ नावाचे खास बॉलिवूड मॅशअप असलेला व्हिडीओ बनवला आहे.
Maharashtra Times 18 Nov 2016, 4:01 am
मृण्मयी नातू, मुंबई
छोट्यांपासून मोठ्यांपर्यंतच्या लाडक्या मिकी माऊसचा आज, १८ नोव्हेंबरला ८८वा वाढदिवस असून, त्यानिमित्ताने तो बॉलिवूड स्टाईल गाण्यावर पार्टी करताना दिसत आहे. या आनंदोत्सवासाठी डिस्नेने ‘मॅजिक मिक्स’ नावाचे खास बॉलिवूड मॅशअप असलेला व्हिडीओ बनवला आहे. त्यात प्रथमच मिकी त्याच्या दोस्तांसोबत हिंदी गाण्यावर थिरकताना दिसत आहे.
वॉल्ट डिस्नेचा मिकी माऊस हे आज केवळ कार्टून राहिले नसून आबालवृद्धांच्या जीवनाचा भाग बनला आहे. या मिकीच्या वाढदिवसानिमित्त खास भारतीय चाहत्यांसाठी डिस्नेने बॉलिवूड मिक्स गीत बनवले आहे. यात डोनाल्ड, गुफी यांसोबत मिकी धमालमस्ती करताना दिसत आहे. ‘एबीसीडी २’ चित्रपटातील ‘हॅपी बड्डे’ या मूळ हिंदी गाण्यावर ते सगळे नाचत असल्याचे दाखवण्यात आले आहे. सचिन-जिगर या जोडीने त्याला संगीत दिले आहे. या दोघांसह डी सोल्जर आणि वरुण धवन या चौघांनी हे गाणे गायले आहे. या गाण्याचे बोल मयूर पुरी यांनी लिहिले असून डी सोल्जरने त्याचे रॅप केले आहे.
‘मिकी माऊस हे आयकॉनिक कॅरेक्टर आहे. विनोदशैली आणि स्टाईलमुळे तो कायम प्रेक्षकांची मने जिंकतो. इथल्या गाण्याचा ठसका टाकल्याने त्याची जादू आणखी वाढेल’, असे डिस्ने इंडियाच्या कंटेन्ट- कम्युनिकेशन्सचे उपाध्यक्ष विजय सुब्रमणियम यांनी ‘मटा’ला सांगितले.
छोट्यांपासून मोठ्यांपर्यंतच्या लाडक्या मिकी माऊसचा आज, १८ नोव्हेंबरला ८८वा वाढदिवस असून, त्यानिमित्ताने तो बॉलिवूड स्टाईल गाण्यावर पार्टी करताना दिसत आहे. या आनंदोत्सवासाठी डिस्नेने ‘मॅजिक मिक्स’ नावाचे खास बॉलिवूड मॅशअप असलेला व्हिडीओ बनवला आहे. त्यात प्रथमच मिकी त्याच्या दोस्तांसोबत हिंदी गाण्यावर थिरकताना दिसत आहे.
वॉल्ट डिस्नेचा मिकी माऊस हे आज केवळ कार्टून राहिले नसून आबालवृद्धांच्या जीवनाचा भाग बनला आहे. या मिकीच्या वाढदिवसानिमित्त खास भारतीय चाहत्यांसाठी डिस्नेने बॉलिवूड मिक्स गीत बनवले आहे. यात डोनाल्ड, गुफी यांसोबत मिकी धमालमस्ती करताना दिसत आहे. ‘एबीसीडी २’ चित्रपटातील ‘हॅपी बड्डे’ या मूळ हिंदी गाण्यावर ते सगळे नाचत असल्याचे दाखवण्यात आले आहे. सचिन-जिगर या जोडीने त्याला संगीत दिले आहे. या दोघांसह डी सोल्जर आणि वरुण धवन या चौघांनी हे गाणे गायले आहे. या गाण्याचे बोल मयूर पुरी यांनी लिहिले असून डी सोल्जरने त्याचे रॅप केले आहे.
‘मिकी माऊस हे आयकॉनिक कॅरेक्टर आहे. विनोदशैली आणि स्टाईलमुळे तो कायम प्रेक्षकांची मने जिंकतो. इथल्या गाण्याचा ठसका टाकल्याने त्याची जादू आणखी वाढेल’, असे डिस्ने इंडियाच्या कंटेन्ट- कम्युनिकेशन्सचे उपाध्यक्ष विजय सुब्रमणियम यांनी ‘मटा’ला सांगितले.