म. टा. खास प्रतिनिधी, मुंबई
अमृतसर येथे अनेकांना भरधाव ट्रेनने चिरडले असतानाच मुंबईत एका मोटरमनच्या सतर्कतेमुळे मुक्या प्राण्यांना जीवदान मिळाले. मुलुंड स्थानकाजवळ शुक्रवारी सकाळी ही घटना घडली. मोटरमन जी. एस. बिश्त यांच्या प्रसंगावधानामुळे एक श्वान आणि तिच्या पिल्लांना जीवदान मिळाले.
ठाणे स्थानकावरून छत्रपती शिवाजी टर्मिनसच्या दिशेने निघालेली लोकल शुक्रवारी सकाळी ८.११ वाजता मुलुंड स्थानकावर येत होती. स्थानकानजवळ एक श्वान रेल्वे रुळावर काहीतरी करीत असल्याचे मोटरमन जी. एस. बिश्त यांच्या लक्षात आले. त्यांनी हॉर्न वाजविला तरीही हे श्वान काही रुळावरून हलले नाही. त्यांनी गाडीचा वेग कमी केला. लोकल जवळ गेली तेव्हा ती आपल्या पिल्लांना सुरक्षित ठिकाणी नेत असल्याचे त्यांना दिसले. त्यांनी लोकलचा वेग आणखी कमी केला. या श्वानाने पिल्लांना रुळाबाहेर सुरक्षितपणे नेले आणि नंतर स्वतःही बाहेर पडली. त्यानंतरच बिश्त यांनी लोकल पुढे नेली.
लोकल आणि मोटरमन जी. एस. बिश्त यांच्या प्रसंगावधानामुळे मुक्या प्राण्यांना कसे जीवदान मिळाले याचा व्हिडीओ महेश हेरंब या प्रवाशाने ट्विटरवर अपलोड केला आहे. लाखो लोकांनी तो पहिला असून लाइकही केले आहे. सोशल मीडियावर हा व्हिडीओ वायरल होत असून मोटरमन बिश्त यांचे कौतुक केले जात आहे.
अमृतसर येथे अनेकांना भरधाव ट्रेनने चिरडले असतानाच मुंबईत एका मोटरमनच्या सतर्कतेमुळे मुक्या प्राण्यांना जीवदान मिळाले. मुलुंड स्थानकाजवळ शुक्रवारी सकाळी ही घटना घडली. मोटरमन जी. एस. बिश्त यांच्या प्रसंगावधानामुळे एक श्वान आणि तिच्या पिल्लांना जीवदान मिळाले.
ठाणे स्थानकावरून छत्रपती शिवाजी टर्मिनसच्या दिशेने निघालेली लोकल शुक्रवारी सकाळी ८.११ वाजता मुलुंड स्थानकावर येत होती. स्थानकानजवळ एक श्वान रेल्वे रुळावर काहीतरी करीत असल्याचे मोटरमन जी. एस. बिश्त यांच्या लक्षात आले. त्यांनी हॉर्न वाजविला तरीही हे श्वान काही रुळावरून हलले नाही. त्यांनी गाडीचा वेग कमी केला. लोकल जवळ गेली तेव्हा ती आपल्या पिल्लांना सुरक्षित ठिकाणी नेत असल्याचे त्यांना दिसले. त्यांनी लोकलचा वेग आणखी कमी केला. या श्वानाने पिल्लांना रुळाबाहेर सुरक्षितपणे नेले आणि नंतर स्वतःही बाहेर पडली. त्यानंतरच बिश्त यांनी लोकल पुढे नेली.
लोकल आणि मोटरमन जी. एस. बिश्त यांच्या प्रसंगावधानामुळे मुक्या प्राण्यांना कसे जीवदान मिळाले याचा व्हिडीओ महेश हेरंब या प्रवाशाने ट्विटरवर अपलोड केला आहे. लाखो लोकांनी तो पहिला असून लाइकही केले आहे. सोशल मीडियावर हा व्हिडीओ वायरल होत असून मोटरमन बिश्त यांचे कौतुक केले जात आहे.