​ दागिने चोरीप्रकरणी अटक

मुंबई ः मुलुंडच्या गुलशन को. ऑप. सोसायटीत झालेल्या ८० लाखांच्या घरफोडीप्रकरणातील आरोपीसह चोरीचे दागिने विकत घेणाऱ्या व्यापाऱ्याला पोलिसांनी अटक केली आहे.

या घरातील व्यक्ती कौटुंबिक कामानिमित्त बाहेर गेल्या असल्याची संधी साधून, अज्ञात आरोपीने घरात ८० लाख ६२ हजारांची घरफोडी केली होती. या चोरीस गेलेल्या ऐवजामध्ये मौल्यवान दागिने मोठ्या प्रमाणात होते. त्यामुळे प्रॅापर्टी सेलच्या पोलिसांनी जवळच्या सोनाचांदी व्यापाऱ्यांकडे चौकशी केली असता, पोलिसांना आरोपीची ओळख पटली.

त्यानुसार आरोपीला कांदिवलीच्या चारकोप परिसरातून पोलिसांनी अटक केली आहे. ज्या व्यापाऱ्याने हे चोरीचे दागिने विकत घेतले, त्यालाही पोलिसांनी अटक केली आहे. या प्रकरणी पोलिस अधिक तपास करत आहेत.