म. टा. प्रतिनिधी, मुंबई : मेट्रोतून कार्यालयात अथवा इच्छितस्थळी पोहोचणे आता आणखी सुलभ होणार आहे. पर्यावरणपूरक प्रवासाला चालना देण्यासाठी लवकरच मेट्रो स्थानकांच्या परिसरात सायकल ठेवण्यात येणार आहेत. मुंबईकरांच्या सेवेत नव्याने दाखल झालेल्या डी. एन. नगर ते दहिसर पूर्व मेट्रो-२अ आणि अंधेरी पूर्व ते दहिसर पूर्व मेट्रो-७ मार्गिकांच्या स्थानकांबाहेर या सायकल ठेवल्या जाणार आहेत. मुंबई महानगर प्रदेश विकास प्राधिकरणाकडून (एमएमआरडीए) प्रायोगिक तत्त्वावर ही संकल्पना राबवली जाणार असून, येत्या काही दिवसांत ही सेवा सुरू होण्याची शक्यता आहे.
मेट्रो-२ अ आणि मेट्रो-७ मार्गिकांच्या परिसराचा मल्टिमोडल इंटिग्रेशनच्या माध्यमातून विकास करण्याचे धोरण 'एमएमआरडीए'ने आखले आहे. तसेच शेवटच्या ठिकाणापर्यंत नागरिकांना पोहोचता यावे, यासाठी विविध उपाययोजना राबविल्या जात आहेत. स्थानकातून बाहेर पडल्यावर नागरिकांना इच्छितस्थळी पोहोचण्यासाठी प्रवासाची विविध माध्यमे सहज उपलब्ध व्हावीत, या दृष्टीने 'एमएमआरडीए'कडून प्रयत्न केला जात आहे. त्यानुसार स्थानकाबाहेर बस मार्गिका, खासगी वाहने उभी करण्यासाठी डेडीकेटेड लेन आखून दिल्या जात आहेत.
दरम्यान, पहिल्या टप्प्यात खासगी कंपनीच्या माध्यमातून प्रायोगिक तत्त्वावर प्रत्येक स्थानकाबाहेर १० सायकल ठेवल्या जाणार आहेत. त्यानंतर प्रतिसाद पाहून टप्प्याटप्प्याने सायकलींची संख्या वाढवली जाणार आहे. त्यादृष्टीने खासगी संस्थेने तयारी पूर्ण केली आहे असून, 'एमएमआरडीए'ने यास तत्त्वत: मान्यता दिली आहे', असे 'एमएमआरडीए'चे महानगर आयुक्त एस. व्ही. आर. श्रीनिवास यांनी सांगितले.
सायकल घरी घेऊन जाण्याची मुभा
मेट्रोत स्थानकात आलेले नागरिक या सायकल कार्यालयात अथवा घरी जाऊ शकतात. त्यासाठी त्यांना अॅपवर नोंदणी करावी लागेल. जितके तास ही सायकल वापरली जाईल, त्यानुसार कंपनीकडून पैसे आकारले जातीले.
मेट्रो-२ अ आणि मेट्रो-७ मार्गिकांच्या परिसराचा मल्टिमोडल इंटिग्रेशनच्या माध्यमातून विकास करण्याचे धोरण 'एमएमआरडीए'ने आखले आहे. तसेच शेवटच्या ठिकाणापर्यंत नागरिकांना पोहोचता यावे, यासाठी विविध उपाययोजना राबविल्या जात आहेत. स्थानकातून बाहेर पडल्यावर नागरिकांना इच्छितस्थळी पोहोचण्यासाठी प्रवासाची विविध माध्यमे सहज उपलब्ध व्हावीत, या दृष्टीने 'एमएमआरडीए'कडून प्रयत्न केला जात आहे. त्यानुसार स्थानकाबाहेर बस मार्गिका, खासगी वाहने उभी करण्यासाठी डेडीकेटेड लेन आखून दिल्या जात आहेत.
दरम्यान, पहिल्या टप्प्यात खासगी कंपनीच्या माध्यमातून प्रायोगिक तत्त्वावर प्रत्येक स्थानकाबाहेर १० सायकल ठेवल्या जाणार आहेत. त्यानंतर प्रतिसाद पाहून टप्प्याटप्प्याने सायकलींची संख्या वाढवली जाणार आहे. त्यादृष्टीने खासगी संस्थेने तयारी पूर्ण केली आहे असून, 'एमएमआरडीए'ने यास तत्त्वत: मान्यता दिली आहे', असे 'एमएमआरडीए'चे महानगर आयुक्त एस. व्ही. आर. श्रीनिवास यांनी सांगितले.
सायकल घरी घेऊन जाण्याची मुभा
मेट्रोत स्थानकात आलेले नागरिक या सायकल कार्यालयात अथवा घरी जाऊ शकतात. त्यासाठी त्यांना अॅपवर नोंदणी करावी लागेल. जितके तास ही सायकल वापरली जाईल, त्यानुसार कंपनीकडून पैसे आकारले जातीले.