धारावी आणि वांद्रे येथे बुधवारी पाणीबाणी

मुंबई: 'जी-उत्तर' विभागातील धारावी येथे ६०० मिमी व्यासाची जलवाहिनी आणि १४५० मिमी व्यासाच्या अप्पर वैतरणा प्रमुख जलवाहिनी यांच्या जोडणीचे काम ६ नोव्‍हेंबर रोजी दुपारी १२ वाजल्यापासून ७ नोव्‍हेंबर रोजी पहाटे चार वाजेपर्यंत १६ तासांसाठी हाती घेण्यात येणार आहे. त्यामुळे या काळात धारावी आणि वांद्रे परिसरात पाणीपुरवठा बंद ठेवला जाणार आहे.

धारावी मेन रोड, गणेश मंदीर रोड, दिलीप कदम मार्ग व कुंभारवाडा येथे बुधवारी संध्याकाळी पाणीपुरवठा बंद राहणार आहे. तर बुधवार आणि गुरुवारी पहाटे ४ वाजता वांद्रे टर्मिनस येथे पाणीपुरवठा बंद ठेवण्यात येणार आहे. त्यामुळे नागरिकांनी आदल्या दिवशी पाण्याचा साठा करून ठेवण्याचं आवाहन महापालिकेच्या पाणीपुरवठा विभागानं केलं आहे.

-धारावी 'जी-उत्तर' विभाग : संध्याकाळचा पाणीपुरवठा बंद

-वांद्रे टर्मिनस 'एच-पूर्व' विभाग : दुपारी १२ ते पहाटे ४ वाजेपर्यंत.