सेक्स रॅकेटमध्ये छोट्या पडद्यावरील अभिनेत्री

म. टा. खास प्रतिनिधी, मुंबई: मुंबई पोलिसांच्या कारवाईमधून सेक्स रॅकेटमधील बॉलिवूड कनेक्शन वारंवार उघड होत असतानाच आत छोट्या पडद्यावरील अभिनेत्रीही या व्यवसायात असल्याचे समोर आले आहे. मुंबई पोलिसांच्या समाजसेवा शाखेच्या पथकाने अंधेरीतील एका हॉटेलमध्ये कारवाई करीत तीन तरुणींची सुटका केली.

या तिघी टीव्ही मालिका आणि वेब सिरीजमध्ये काम करीत असल्याचे पोलिसांनी सांगितले. याप्रकरणी पोलिसांनी एका महिला दलालास अटक केली. बेकायदा देहव्यापाराविरोधात मुंबई पोलिसांनी आपली मोहीम अधिक तीव्र केली आहे. सेक्स रॅकेट चालविणाऱ्या नवी दिल्लीतील आवेश, विनय आणि कुलदीप जेनी या तिघांच्या मुंबईतील महिला दलाल प्रिया शर्मा हि संपर्कात असून ती देहव्यापारासाठी तरुणी पुरवीत असल्याची माहिती पोलिसांना मिळाली.

मुंबई: सेक्स रॅकेट उघडकीस; दोन अभिनेत्री अटकेत

मुंबई पोलिसांच्या समाजसेवा शाखेचे प्रभारी पोलिस निरीक्षक संदेश रेवले यांच्यासह कॉन्स्टेबल पाटसूपे, रामोळे, मोरे, पवार, सचिन चांदगावकर, महिला कॉन्स्टेबल तावडे यांच्या पथकाने या माहितीची शहनिशा करण्यास सुरुवात केली. बोगस ग्राहक बनवून प्रिया हिच्याशी संपर्क साधण्यात आला. अंधेरी येथील ड्रॅगनप्लाय या पॉश हॉटेलमध्ये तिला बोलाविण्यात आले. तिच्यासोबत आलेल्या तीन तरुणीची सुटका करण्यात आली. अधिक चौकशी केली असता या तिघी अभिनेत्री असल्याचे उघड झाले. यातील एक अल्पवयीन असून ती वेब सिरीजमध्ये काम करते तर दुसरी तरुणी मराठी मालिकांमध्ये अभिनय करते. तिसऱ्या तरुणीने सावधान इंडिया या मालिकेमध्ये काम केले आहे.

सेक्स रॅकेटचे बॉलिवूड कनेक्शन; अभिनेत्रीसह दोघींची सुटका