गृहनिर्माण संस्थांसाठी मोठी बातमी, तक्रारींसाठी स्वतंत्र पोलीस अधिकारी असणार: संजय पांडे

मुंबई : मुंबई पोलीस आयुक्त संजय पांडे यांनी रविवारी फेसबुक लाइव्ह करत विविध विषयांवर भाष्य केलं. मुंबईतील गृहनिर्माण संस्थांमधील रहिवाशांसाठी मोठी घोषणा केली आहे.गृहनिर्माण संस्थांमधील रहिवाशांच्या तक्रारी दाखल करुन घेण्यासाठी आणि त्यांच्या अडचणीं समजून घेण्यासाठी प्रत्येक पोलीस स्टेशनला एक स्वतंत्र इन्स्पेक्टर असेल, अशी घोषणा संजय पांडे यांनी केली आहे. मुंबईच्या पोलीस आयुक्तांनी याशिवाय मुंबईकरांसाठी सिटीझन फोरम स्थापन करणार असल्याचं जाहीर केलं आहे. मुंबईतील घाटकोपर येथील गृहनिर्माण संस्थांमधील रहिवाशांनी पोलीस स्टेशनला संस्थेच्या अध्यक्षाविरोधात तक्रार केली होती. या तक्रारीनंतर संजय पांडे यांनी हा निर्णय जाहीर केला आहे. घाटकोपरमधील म्हाडाच्या गृहनिर्माण संस्थेंच्या अध्यक्षानं बैठकीच्या इतिवृत्तात फेरफार केल्याची तक्रार रहिवाशांनी केली होती. गृहनिर्माण संस्थेच्या अध्यक्षानं इतिवृत्तामध्ये फेरफार करत रहिवाशांबद्दल अपशब्दांचा वापर केल्याची तक्रार करण्यात आली होती. गृहनिर्माण संस्थेच्या अध्यक्षानं आपल्याविरोधात अपशब्दांचा वापर केल्याचं समजल्यानंतर रहिवाशांनी पोलीस ठाण्यात धाव घेतली. घाटकोपर मधील पोलीस ठाण्यात रहिवाशांच्या तक्रारीनंतर गुन्हा दाखल करण्यात आली होती.
अँड्र्यू सायमंड्सची एकमेव इच्छा अखेर अधुरीच राहिली, पत्नी लॉरेनने केला मोठा खुलासा...

सिटीझन फोरमची निर्मिती

मुंबई पोलीसांचे १२ विभाग आहेत. याशिवाय ५ उपविभाग असतील. सिटीझन फोरमची एक वेबसाइट तयार केली आहे. मुंबईकरांनी ती वेबसाइट बनवली आहे. mumbaicf.in अशी वेबसाइट असून त्याला भेट देऊन सूचना कळवाव्यात, असं संजय पांडे म्हणाले. संजय पांडे यांनी सिटीझन फोरमची पहिली बैठक १८ मे रोजी सायंकाळी ६ ते ७ या काळात होईल. पहिली बैठक मुंबई पोलीस आयुक्तांच्या कार्यालयात होईल. पुढील बैठका सिटीझन फोरमच्या सदस्यांनी घ्याव्यात, असं संजय पांडे म्हणाले.
औरंगाबादच्या जनतेला विचारा पाणी हवं की संभाजीनगर?, लोक तुमच्या डोक्यात हंडा घालतील, जलील यांची टीका

दरम्यान, मुंबई पोलीस आय़ुक्त संजय पांडे यांनी नागरिकांनी वाहतुकीचे नियम पाळावेत, असं आवाहन केलं आहे. संजय पांडे यांनी दुचाकी चालवताना हेल्मेटचा वापर करावा, असं आवाहन केलं आहे.